«Математикалық сауаттылық»

Математика  курсының ұсынылып отырған бағдарламасы математика  пәнінің жалпы мақсаттарын және студенттердің  қабілеттілігінен, қызығушылығынан және кәсіптік болашақ мамандық таңдау мүддесінен туындайтын арнайы мақсаттарын ескере отырып дайындалды.

     Бағдарлама жинақталған тәжірибенің негізінде құрастырылды. Бұл бағдарлама жаратылыстану – математикалық бағыттағы колледждердің  студенттерінің   болашақ мамандықты меңгеру барысында кешенді тестілеуге дайындалуға көмекші құралы.

      Бағдарлама жалпы білім беретін мектептерге арналған математиканың мемлекеттік білім стандартының негізінде жасалып, білім беру жүйесін сапалы деңгейге көтеруді көздейді.

       Колледж студенттері математиканың көптеген қызықты сұрақтарымен танысуға, математика бағдарламасынан тыс аталған ғылымның қыр-сырын тереңінен түсінуге мүмкіндік береді. Логикалық ойлауға қатысты математикалық есептерді шешу арқылы, ой-өрісінің, танымдық іс-әрекетінің дамуына деген баланың қызығушылығын арттырып, жалпы тұлғалық дамуын, өз бетімен жұмыс жасау, ойлау, шығармашылық тапсырмаларды шешу, сонымен қатар нақты сұрақ төңірегінде өзіндік көзқарасын дәлелдей білу қабілетін жетілдіреді.

     Әдістемелік  құрал жас мамандарға өз білімдерін  көтеруге, студенттерге  өз бетінше  дайындалуына, есептерді шығаруда уақытты  үнемдеуге,  дұрыс  жауапты тез таба білуіне  тигізер пайдасы үлкен.