Мен анамның көмекшісімін

Үйірме жұмысы бойынша

Сабақ №6

Тақырыбы: «Аққала»

Мақсаты: Балаларға дөңгелек пішінді фигуралардан образ жасауды үйрету.

Міндеттері:

БМ: Балаларға аққала туралы мағлұмат бере отырып, аққала жапсыруды үйрету

ДМ:Шеңбер қию дағдыларын,сондай- ақ тіке және қиғаш сызықтар бойынша қию амалдары дағдыларын дамыту.

ТМ: Жұмысты шығармашылықпен орындауға тәрбиелеу.

Жабдықтар: Аққала суреті, дайындалған үлгі,түрлі түсті қағаз,

қайшы,мақта,желім.

Сөздік жұмыс: Аққала,шеңбер.

Көптілділік компонент: Аққала-снеговик-snow,шеңбер-круг-a circle,қар-снег-snow.

Сабақтың барысы:

Ұйымдастыру кезеңі.

Жұмбақ жасыру: Шелек қалпақ басында, Сәбіз екен танауы. Қыста қардан тұрады, Танып көрші сен оны.

(Балалардың жауабы: Аққала)

Сабақтың негізгі бөлігі

Суретпен жұмыс.

Тәрбиеші: - Балалар, енді орындарыңа отырып, мына суретке қараңдаршы, далада қандай өзгерістер бар екен?

Балалар: - Далада қар жауып тұр, айнала аппақ қар.
Тәрбиеші:- Қыста қандай ойындар көбірек ұнайтынын сұрайды.

Балалар:- Сырғанақ тепкен,қармен ойнаған,аққала жасаған ұнайды.

Тәрбиеші: Шығармашылық жұмыстың тақырыбын хабарлай отырып, балалардан аққаланы қалай елестететіндерін сұрайды.

Балалар: Аққаланың құрылысы және жұмысты орындаудың реті туралы өз беттерімен баяндайды.

Қайталайды: Аққала-снеговик-snow,шеңбер-круг-a circle,қар-снег-snow.

Дидактикалық ойын: «Қате тап» Мақсаты:Аққаланың құрылысын бекіту,қисынмен ойлауды ,олармен байланыстарды орнатуды үйрету.

Балалар, енді сергіту сәтін орындап, сергіп алайық та жұмысқа кірісейік. Сергіту сәті:

Саусақтарым тұрыңдар,

Сапты бірге құрыңдар.

Желмен бірге майысып,

Оңға, солға бұрыңдар.

Жұмысты орындау реті:

1.Фонға арналған парақты таңдау.

2.Негізгі бөлшектерді қию.

3.Дайын дөңгелек пішіндерді параққа дұрыс қиыстырып қою.

4.Қалған бөлшектермен толықтыру.

5.Параққа бүкіл бөлшектер орналастырылған соң, желіммен жұмысты бастау

Рефлексия:
Балалардың жұмыстарынан көрме ұйымдастыру, жақсы жұмыс жасаған балаларды мақтап - мадақтау.
Ұйымдастырылған оқу іс - әрекетін сұрақ - жауап арқылы қорытындылау.