Мен жөнөкөй мугалим

      Мен жөнөкөй мугалим

Кел кесиптеш сырдашайын сен менен ,

Бүгүн менде өтө чоң бир кубаныч,

Бөлүшүп көр ,сенде да бар дил кенен,

Кымындай бир сырымды ук  сураныч.

Демейкидей өтүп жатып сабагым

Үндөп жаттым аруу болгун чырагым.

Аңгыча эле бир окуучу арттагы

Сизге окшоппу ?   Жылуу сүйкүм сурады.

Дили таза , бала улуу эмеспи

Сиз эжеке мыкты инсан дебеспи.

Алкоолордун эң улуусу ушул сөз,

Төш белгини таккан болду көрүнбөс.

Мен жөн эле жөп жөнөкөй мугалим,

Өмүр бою издегени бир илим.

Илим берген бир ууч гана , бир тийим

Бул кесипте болгонума шүгүр миң.

Кызыктырбайт кай бирөөлөр жарашты

Дагы кими мал дүйнөнү талашты

Кимдин кандай азем сөйкө такканы

Анан кантип канча ушак айтканы.

 Убактым жок жамандыкты ойлоого

Эртели кеч оюмда эле бир толгоо.

Кандай өтсөм бала сабак түшүнөт?

Канткенде ал туура жолду күтүнөт?

Кай сөз айтсам, жакшылыкка көнүгөт?

Канткенде анын  ой чабыты өнүгөт?

Келечекте жакшы инсан болушса,

Түшпөсө экен жамандыктын жолуна.

Адал иштеп, элге тийсе кереги,

Ушул эле мен мугалим тилеги.