"Менің борышым"

Оқытудың тиімділігін арттырудағы жаңа үрдіс

Жаңа заманғы білім алушыларды оқыту қырлы процесс кешенді және көп болып табылады. Қазіргі таңда білім беру саласында елеулі еңбек етіп жүрген әріптестерім өздерінің күнделікті жұмыстарында қолданып жүрген инновациялық  технологиялар қай жағынан алсақ та яғни саны да сапасы жағынан да – білім сапасын арттырудың негізгі болып табылатын үрдіс. Оны өз дәрежесінде пайдаланудың білім алушының шығармашылыққа төселдіруге ықпалы өте зор екені сөзсіз. Оқытудың тиімділігін арттыру жолында оқытушылар қауымы әр сабақта жаңа технологияларды үнемі қолданысқа енгізуіміз қажет. Себебі, жаңа технологиялардың басты маңызы - оның білім алушыға жан – жақты ықпал етуі екенін әр ұстаз анық біледі. Біз тек білімді немесе бекітілген оқу бағдарламасын меңгертіп қоймай, жеке тұлғаның танымдық қабілеттерін, танымдық процестерін өзін – өзі өзектендіру, белсенділігін бекіту,шығармашылыққабілеттерін қалыптастыру, ауызекі сөздік қорын дамытуға, өз бетімен білім алуға, ізденуге деген ықыласы мен іскерлігін, оқу – танымдық ынтасын жетілдіру, әрі жеке тұлғаны жан – жақты дамытуға жетелеп отырамыз. Күнделікті үйреншікті әдіс - тәсілдерге білім алушы қызықпайды. Сондықтан қайткенде баланың ой-санасына, сезіміне серпіліс ендіруді мақсат етіп нақты іске кірісу керек. Білім беру саласындағы оқытудың озық технологияларын оқытушылар өз беттерінше меңгермейінше , сауатты, жан-жақты маманды дайындап шығуымыз мүмкін емес. Жаңа технологияны меңгерту оқытушының ,кәсіптік адамгершілік, рухани азаматтық және де басқа көптеген адами келбетінің қалыптасуына оң әсерін тигізеді, өзін-өзі дамытып, оқу тәрбие үрдісін тиімді ұйымдастыруына көмектеседі. Мен заманауи сабақтардың бізге берері не екеніне тоқталып өтетін болсам біріншіден, білім алушы қолынан келгенше еңбектенеді. Екіншіден бағыт бағдар беруші білім алушыға білімді өзі алу мүмкіндігі болатындай етіп ұйымдастырады. Үшіншіден, білім алушы еңбек жасай отыра, ізденеді және де өз жұмысына өзі баға бере алу мүмкіндік жолына түседі. Төртіншіден оқушы бір ғана тақырыпты ғана қамтымай, күнделікті өз өмірімен салыстыра отыра, тұжырым жасауға талаптанады. білім алушы өзінің бойындағы қасиеттері шегінде барынша белсенді әрекет ете алады және өзі үшін пайдалы да маңызды ақпарат алады. Мен болашақ мектепке дейінгі мекемеде жұмыс істейтін тәрбиеші педагогтарды дайындайтын мамандық бөлімінде оқытушы болғандықтан көбінесе ойын технологиясы және оның элементтерін сабақтарыма үнемі кіргізіп отырамын. Сонымен қатар мультимедиялық оқулықтарды балабақшаларда кеңінен пайдалану жолдарын айтар едім. Бұл жағдайда тәрбиеші әр оқу іс - әрекеттерін бастар алдында жиі көрнекіліктер ауыстырмаған болар еді. Ал мультимедиялық оқулықтар пайдалану арқылы тәрбиеші берілген уақытты тиімді және ұтымды пайдаланар еді. Бұл әдістерді қолданудың маңызы сабақтың мақсаты нақты көрсетіледі және жасалатын іс - әрекеттер арқылы білімін жинақтайды, өзін бақылау мен бағалау дағдылары қалыптасады.Заманауи сабақ құзыреттіліктің қалыптасуына бағытталады. Тиімді технологияларды қолдану арқылы біз қандай нәтижеге жетеміз деген сұрақ әр оқытушының көкейінде туындайтыны анық жай. Ал осы сұрақтың шешуін біз қандай жолмен таба білеміз?! Сонымен қатар осы жолда қандай бағыттарды ұстануымыз қажет?! Міне осы жағдайларды зерделеп, қорытып, талдап барып мәселенің нақ шешімін табамыз. Яғни, білім алушы оқу материалын терең түсінсе, оқу мотивациясын арттырса , алған білімін ұзақ уақыт есінде сақтап және оны күнделікті өмірде қолдана білсе, міне осы дағдыларды күнделікті сабақ барысында аңғарсақ жетекшінің нәтижелі жұмыс атқарғанының бірден-бір көрінісі болып саналады. Мұндай күрделі рөлді атқару үшін сыни тұрғыда ойлауға қабілетті, өзіне сенімді, білім берудің жаңа нысанын меңгерген мамандар талап етіледі.Олар білімнің күшіне сенеді, белгілі бір адамдардың өміріне оңтайлы әсер етеді және болашақта табыстың дамуына жауапкершілікті алады. Бұлар оқушыларды, қызметкерлерді қанаттандыра алатын, барлығына оңтайлы нәтижені қамтамасыз ететін, шығармашылық және инновациялық шешімдерді іздеу үшін тұрақсыз, кешенді түрде басқалармен жұмыс жасай алатын жетекші кәсіби мамандар болуы тиіс.

Ергазина Баглан Кабдолловна

арнайы пәндер оқытушысы