Менің курстан алған әсерім

Чыгырбаева Жанымай Жалғасбаевна

Ақтау қаласы № 3жалпы білім беру мектебі

бастауыш сынып мұғалімі

Менің  курстан алған әсерім

(эссе)

Былтырғы жылы үш айлық курстарға барасыңдар, дегенде, «Оған кім барады?, Қалай барамыз? Не үйретеді? – деп біздерде қорқыныш биледі. «Сен барасың»- деген  сөзді Айгүл апайдан естіп, көп ойландым , және қорқыныш пайда болды. Бірақ сенің атың кетті, сен барасын дегесін амал жоқ ,барсам барайын деген шешімге келдім.«Көппен көрген ұлы той» деп осы курсқа келдім. .  Бірінші күні, мені бір қорқыныш сезімі биледі. Осы курста қандай жаңалықтар аламын, не  үшін керек, қандай пайдасы бар деген сұрақтар мазалады.Және осы курсты әрі қарай алып кете аламынба деген ой болды. Сол күні, мен қатты үйге аурып бардым.Қой мен оқымаймын, деген ойға келдім. Сонымен бір апта ешнәрсе түсінбей отырдым,бірақ ешкімге ішкі сезімімді білдірмей жүрдім.Мені осы курста әрі қарай оқуыма себепші болған екі адам.Ол біздің тренеріміз Фарида Жунусовна өзінің қарапайымдылығымен адамкершілігімен осы бағдарламаға баулап алды.Және ПШО-ның директоры Қатира Қарасаевна болған.Оқып ал, енді қашан оқисын деп айтқан сөзі және өзінің әдемі мінезімен маған ,күш жігер берді. Алға ұмтылыс,оқуым керек деген ой пайда болды.Осылай курсты жалғастырып кеттім.Сол сұрақтарға мен іштей жауап тапқандай болдым.Келген  күні  өзімді  жайсыз  сезіндім. Себебі, басқа  ортаға  түстім, мүлдем  таныс  емес   адамдар. Әрине  қорқынышты болды.   Себебі,  сенімсіздік  болды Уақыт  өте  келе  ортаға  сіңіп  кеттім. Өйткені, әр  тапсырманы  топта  бірлесіп, бір-біріміздің  ойымызбен  бөлісіп, пікірлесіп, оны  талқылап, сосын  ортаға  шығып  жұмысымызды  қорғай  білдік. Осының  бәрі  ұйымшылдықтың  арқасында.

 Фарида Жунисовна жылы жүзімен бізді қарсы алды. Алғашқы күнгі тренердің берген ақпараттарынан-ақ, мен бұл курс оқушы мен мұғалімнің арасындағы байланыс туралы екеніне бірден көзім жетті. Алғашқы, бірінші апта мен үшін өте қиын болды. Мәліметтер жаңаша, жақсы, ынталандырарлықтай болды. Топтағы жұмыс істеуіміз маған жақсы  ұнады.  Бір ай ішінде  көптеген  жаңа технологиялармен  таныстым.  Білім іздеген  ұстаздардан  үйренгенім  мол. Осы  курста  көптеген  мағлұмат  алдым.Ең  маңыздылығы  сабақ  беруде  жеті  модульді  пайдалану, яғни  стратегияларды  және  тәсілдерді. Нақтылығын айтқанда, оқушы  өзінің  түсінетінін  өзі  зертеп  білімді  жинайды, сыни тұрғыдан  ойлау  қабілеті  дамиды,өзінің  оқуына  қатысты  талдау жасап, өз достарын бағалап үйренеді. Ал АҚТ-ны  қолдану  барысында  ізденіс  қалыптасады, ұсынады, сақтайды  және  бірлесіп  жұмысқа қатысады. Талантты және  дарынды баланың  қажеттіліктерін  түсінуге  және әр  түрлі жастағы  балаларға  диалогті  ынталандыру  мүмкіндігіне  сай  берілетінін. Осының  нәтижесінде  бала  еркіндікті  сезінеді, өзіндік  дәлелі  болады, ынталы  оқушы  қалыптасады. Осы курста  алған  білімімді мектептегі тәжірбиемде  қолданамын. Және осы курсқа келгеніме қуаныштымын.Көптеген тәжірбие алдым.Менде көптеген өзгерістер болды.Осы «Мектептегі мұғалім көшбасшы»бағдарламасын бізге үйреткен тренерімізге көп алғыс.