Моделдер классы

Моделдер эки чоң топко-материалдык жана маалыматтык болуп бөлүнөт. Материалдык моделдерди-предметтик,физикалык деп атаса да болот.Алар оригиналдын геометриялык жана физикалык касиеттерин камтыйт жана дайыма реалдуу жүзөгө ашырылат.Материалдык моделдер-муляждар (биология),карталар (тарых жана география),Күн системасынын жана жылдыздуу асмандын схемалары (астрономия),самолёт жана автомобилдердин макеттери ж.б. Материалдык моделдер-физикалык жана химиялык ар кандай тажрыйбалар.Аларда процесстер моделге айландырылат.Мисалы,суутек менен кычкылтектин реакциясы кулак тундурган тарсылдак менен коштолот.Модель “жарылуучу аралашмалардын” зыяндуу салдарын алдын алат. Маалыматтык моделдер материалдык жактан жүзөгө ашырылбайт,анткени ал маалыматтан гана түзүлөт.Моделдөөнүн бул методунун негизинде айлана-чөйрөнү окуп-үйрөнүүнүн маалыматтык ыкмасы жатат.

Маалыматтык модель-объекттин,процесстин,кубулуштун касиеттерин жана абалдарын,ошондой эле сырткы дүйнө менен өз ара байланышын мүнөздөөчү маалыматтардын жыйындысы.