Нетрадиционные уроки родного языка

Министерство образования и науки РД

Муниципальное казенное общеобразовательное учреждение

«Средняя общеобразовательная школа №12»

Алибекова Э.М.

2019 г.

Методическое пособие составлено на основе:

- Федерального государственного образовательного стандарта (ФГОС)

- Рабочего учебного плана образовательного учреждения на 2018/2019 учебный год

Рецензент: Алиева Рукият Абдусамадовна, преподаватель ГПОБУ «Педагогический колледж им. М.М. Меджидова», г. Избербаш, РД.

Автор-составитель: Алибекова Эльмира Мусаевна, учитель родного (даргинского) языка и литературы МКОУ «СОШ №12» г. Избербаш.

Бух1набуц:

Дарган мезла дарсла мастер-класс 10 класслис «Литературный мезла стильти»……………………………..

Дарган мезла дарсла мастер-класс 10 класслис «Лексика»………

Дарган мезла дарсла технологическая карта 9 класслис. Тема: «Чебедиб предложениела жура»……………………………….

Даргала литературала дарсла мастер-класс 10 класслис «Г1.Батирайла г1ямрула ва творчествола гьуни»…………………

Даргала литературала дарсла технологияла карта 8 класслис Г1.Иминагаевла «Хулигандешличила зигаръала»………………

Введение

В настоящее время одной из важных проблем, которая волнует большинство педагогов, является повышение эффективности урока как основной формы обучения и воспитания учащихся.

В век развития новых технологий перед современным учителем стоит задача суметь быстро перестроиться, научиться владеть ИКТ, применять новые технологии, разнообразить уроки для мотивации учащихся, что приводит к переходу к нетрадиционным урокам, так как традиционные способы обучения не всегда в состоянии обеспечить усвоение материала всеми учащимися. Особенно учителям родных языков, работающим в городских школах, необходимо разнообразить уроки, потому что многие дети, даже их родители, не владеют родным языком, отказываются посещать уроки, считая это пустой тратой времени. И вот перед учителем стоят две задачи: заинтересовать и обучить, поэтому нужно искать такие методы и приемы, чтоб мотивировать учащихся.

Нетрадиционный урок - это импровизация во время учебного занятия, имеющая нетрадиционную структуру. Он включает в себя разнообразные формы, приемы, методы обучения, что в итоге влияет на активизацию познавательной деятельности учащихся на уроках и повышение эффективности преподавания. Можно в этапы традиционного урока включить отдельные элементы. Это могут быть уроки с использованием компьютерных технологий, проектной методики и т.д.

Применение данного пособия направлено на повышение качества обучения, мотивации учащихся к учебной деятельности, формирование и развитие навыков самостоятельной добычи знаний.

Новизна моей работы заключается в том, что в системе дисциплин, изучающих родной язык и литературу, не существует разработок, которые посвящены нетрадиционным урокам с применением ИКТ, технологической карты урока на даргинском языке.

Данное пособие нашло апробацию в образовательных организациях г. Избербаш, РД.

Дарган мезла дарсла мастер-класс 10-ибил класслис

Дарсла тема: «Даргала литературный мезла стильти.»

Дарсла мурадуни:

1) 5-9 классуназир литературный мезла стильтачила касибси багьуди тикрарбарни;

2) даргала литературный мезличила, илала стильтачила, илди пайдаладирниличила багьуди бедни, чинаб чиди стиль бузахъусил дурх1нази аргъахъни. Дурх1ни мурхьли пикрибик1ахъес бурсибарни;

3) дарган мезличи дурх1назир х1урмат, диги, иштях1 адикьни.

Дурх1ни бурсибиахъес барх, группабазиб, саби-ургаб бузахъес, масъулти ирзахъес. Илди г1якьлу-дагьрилашал гьалабях1 арбукни.

Дарс г1еббурцути ваях1: учебник, жузи, газета, журнал, ИКТ.

Дарсла план:

1. Дурх1ни дарсличи х1ядурбарни.

2. Белч1унси материал тикрарбарни.

3. Лексикалашалси разминка.

4. Сагаси тема бурни.

5. Сагаси тема кагахъни.

6. Творческий х1янчи дураберк1ни.

7. Дарсла ахир каъни. Выводуни.

8. Хъули х1янчи бедни.

Дарсла башри:

1. Дурх1ни дарсличи х1ядурбарни:

- Салам, ах1ерти дурх1ни! Бех1бирхьех1е дарс. Ил, дила пикрили, х1ушаб пайдалабирар. Къайгъибарая ишбарх1и сегъуна-биалра багьуди касес.

- Ишбарх1и нуша гъайдик1уси дарсла темаличила х1ушани гьачамра-сера ах1ен аргъибси. Х1ерая гьари иш суратличи ва суалтас жавабти х1ядурдарая:

-Ишдигъунти палтарличил чина укьес вирара?

- Ишдигъунти палтар чегьнилис се или иру?

-Чи шакикиба селичила гъайдик1ех1е нуша ишбарх1ила дарсличир? (стильтачила)

- Х1ебиалли, дурх1ни, нуша ишбарх1и гъайдик1ех1е стильтачила, амма палтарла ах1енну, даргала литературный мезла стильтачила.

Дарсла эпиграфли детарар Д. Свифтла дугьби. Делч1еная илди дугьби суратлизир:

-Дурх1ни, ишбарх1и тикрарбирех1е 5-9 классуназиб касибси багьуди даргала литературный мезличила, илала стильтачила, ил багьуди чеимц1абирех1е, пикридулхъех1е нушала гъайла культураличила. Дурх1ни, ишбарх1и буч1уси тема дебали мяг1ничебси саби, сенах1енну касибси багьуди х1ушаб г1ямрулизиб х1яжатбикесра асубирар.

Дарс дурабурк1ех1е иш план х1ясибли (дурх1нази буч1ахъулра презентацияла слайдлизиб план).

2. Белч1унси материал тикрарбарни:

- Гьари, дурх1ни, ишбарх1илара гьалаб белч1унсира темаби дархдалсахъех1е. Суалтас жавабти х1ядурдарая:

-Се сари мез?

-Селис г1яг1нити мез?

-Дагъистайзир чумдех1 мез лера?

- Чумдех1 мезличил Дагъистайзир белк1-белч1 дузахъулив?

-Мурт ак1убтив даргала литературный мез?

-Чинар дузахъулив даргала литературный мез?

-Ишбарх1ила г1ямрулизир, хаслира шагьуртазиб, адамти дарган мезли гъайбик1улив? Сен?

Лексикалашалси разминка белч1унси материал тикрарбарнилис дурабурк1ех1е:

3.Сагаси темаличил дурх1ни тянишбарни:

Стилистика - мезла стильтачила гъайбик1уси г1илму.

Пикридухъах1ели, литературный мез чинар дузахъулил, дек1ар-дек1арти журабачи дурт1у. Хъалибаргла дух1нар, юлдашуначил гъайдик1ух1ели, нушани гъай ца жураличил ирех1е, собраниеличир биалли - царх1ил жураличил. Илдигъунти журабас - стильти бик1ар.

Дек1ардиру ирнила, къуллукъла, публицистикала, г1илмула, художественный стильти.

-Дурх1ни, х1ушани дарган мез даладаяв? Къалабамадик1удая жаваб гес, сенах1енну «мез далас» ибсилизибад аргъес вирар чумал мяг1на.

-Сецад дугьби лера дарган мезлизир?

-Х1ушала пикрили, ца адамла дугьбала хазна сегъуна биэс бирара?

-Се барес г1яг1ниси дугьбала хазна чеимц1абарахъес?

Гъай дузахъуси мер х1ясибли, пайдаладирути стильтала таблица

чебиахъех1е:

Гъай дузахъуси мер стильти

Хъулир,юлдашунази ирнила

Учреждениебази адамти

дугьабилзух1ели къуллукъла

Жамиг1ятличи дугьаилзух1ели публицистикала

Г1илмулизиб г1илмула

Гъайла пагьму чебиахъух1ели художественный

- Гьанна, дурх1ни, гьарил стильличила бурех1е:

Ирнила стиль

Пайдалабиру: адамти саби-ургаб гъайбик1ух1ели.

Мурад: пикруми,чедаибти,дакьибти дурни.

Гьар барх1ила г1ямрулизир дузахъу. Халаси мяг1на бирар мух1ли-някъбала уюнтала, ишарабала, алав-гьалав кабиибтани г1еббуцнила.

Къуллукъла стиль.

Пайдалабиру: адамти къуллукъла бег1тачи дугьабилзух1ели, учреждениеби цаличи ца яра х1янчизарти дугьабилзух1ели.

Мурад: се-биалра ца адамла яра учреждениела шайзибад

багьахъни:

Публицистикала стиль.

Пайдалабиру: чичи-биалра (лех1ирхъутачи, буч1утачи) дугьаилзух1ели.

Мурад: гъайли асарбарни.

Дугьаизес вирар мух1лила гъайличил халкьла гьалав, телевизорлизивад. Амма вирар дугьаизес газетализи яра журналлизи, статья белк1и.

Г1илмула стиль.

Пайдалабиру: г1ялимтани х1янчурби лук1ух1ели (статья, доклад, жуз, диссертация ва ц.)

Илизир хасти дугьби (терминти), учидяхъ предложениеби, урга-дугьби къаршидиркур.

Художественный стиль.

Пайдалабиру: гъайла пагьму чебиахъух1ели.

Мурад: литературала произведениелизир чедаахъибти адамтала сипатуначил ва илдала пикрумачил буч1антачи асарбарни.

Масала:

Р.Рашидов « Нешла мез »

Нешла мез дигес х1ейрар

Х1ябкьяйличир ц1ализир,

Я черях1кахъес х1ейрар

Гьу дублар х1ябкьяйличир.

Нешла мез кьарличил дарх

Сагадик1ути сари,

Чат1нала т1амрачил дарх

Жагадик1ути сари.

Нешла мез духъути сар

Велг1усила гьеличил,

Илди г1ек1есра х1ейрар

Пачях1ла х1укмуличил.

Нешла мезлизиб гьар дев

Давлала г1иниз саби.

Г1иниз амъурли бих1ес

Нушачиб чебси саби.

4. Тема кагахъни:

-Дурх1ни, гьанна, дила пикрили, х1ушани белгибарилра чина дуч1ес кадурхутирал, г1ямрулизиб сегъуна гьуни, се х1янчи чеббурк1усил.

-Бурая, гьари, чиди саниг1ятлизиб къаршибиркулив къуллукъла стиль? Публицистикала? Художественный?

- Дурабурк1ех1е х1яз тема кагахъес багьандан:

Мозаика « Янила сурат»

Бурчех1е сурат. Х1ушани суалтас жавабти лугада, гьар бархьси жаваблис ца улкьай гьаргбирар, г1ур абзурли сурат гьаргбирар.

Х1ушала гьалар, столличир, схемаби лер. Гьари, суалтас жавабти гес къайгъибарая:.

Суалти:

-Чиди стиль саби?

1) Гьала-гьала ункъли пикрибарили, гъай даргили, г1ур лук1а (г1ярза, указ, акт ва ц.). Илдазир дугьби гьарси мяг1нализирцун дузахъу. Чусцун хасти дугьби дирар: нушала вяг1да х1ясибли, пикрилизи касили, тиладибирулра ва ц.

2) Урк1и к1ант1ибик1ути дугьби. кесекуни, междометиеби, къант1ти предложениеби, жамиг1ятла г1ямруличил дархдасунти гъай къаршидиркур. Ил стильличил лук1а статья, очерк ва ц.

3) Лерилра-сера мезла г1яг1ниахълуми пайдаладиру, гъай чердирк1у. Ил стильличил лук1а роман, басня, драма, хабар, назму ва ц.

4) Хасти дугьби (терминти), урга-дугьби, халати учидяхъ предложениеби къаршидиркур.

5) Лебдеш-ли,-лис.лебдешуни. Лебси сек1ал, давла, хазна, баракат, мас, ваях1. Лебил лебдеш арбухиб.

Физминутка:

Багьлали адилзех1е,

някъби лаг ахъдурцех1е,

зузра-ч1якьра дирех1е,

г1ур багьлали кайрех1е.

Лебил сурат гьаргбирар (янила жагаси т1абиг1ят).

-Гьанна зайбулхъан италияла композиторла Вивальдила макьам. Х1ушани х1улби чекадихьая, пикрибарая ил вац1акад къунздухъи диъниличила. Сегъунти пикруми алк1улил бишт1аси хабар цалабяхъяя ва бурая:

5. Группабазиб х1янчи дураберк1ни.

(Класс 3 кьукьяличи бурт1у. Учительли дурт1у ватманти ва маркерти.)

Хъарбаркь: цаца предложение гьар командали делк1еная, стиль х1ясибли (г1илмула, къуллукъла, ирнила) . Х1янчи барили г1ергъи, чиди стиль сабил кабизахъая ва бурая.

Мезла стильтазирад алк1ули сари ирнила тях1яр-кьяйда. Х1ербирех1е мисал:

К1ел гьалмагъла диалог:

- Даргес х1ерируду наб к1идарш къуруш?

- Х1ебалас чила дургутил?

-Х1ези тиладибирулра.

-Нуни аргъира, набзи тиладибирни. Амма чила дургутив?

Суал: Сегъуна стиль саби? Сен илдани цала цали мяг1на х1ергъулив? Пикридухъеная ва жаваб х1ядурбарая.

6. Дарсла рефлексия:

Ункъли бузути дурх1ни гапбирулра, кьиматуни кадалтулра.

7. Хъули х1янчи бедни:

Пикридарая ва делк1еная мисалти:

«Экскурсия Дербентла къалализи».

1. Справочниклизибад статья «Дагъиста архитектурала памятникуни».

б) Газетализи макьала.

в) Юлдашличила хабар.

Дарс таманбиуб. Баркалла.

Дарган мезла дарсла мастер-класс 10-ибил класслис

Дарсла тема: «Лексика».

Дарсла жура: сагаси багьуди каснила дарс.

Технология: метод Freera, Токин-мэт,  хIялумцIни (исследовательская деятельность.), группабазиб хIянчи дураберкIни.

Мурад: 

1. ца ва дахъал мягIнубазир дузахъути дугьби, омонимти, синонимти, антонимти декIардирахъес дурхIни бурсибарни хIялумцIнила тяхIяр пайдалабирули, группабазиб (кьукьназиб) бузахъули;

2.дурхIназир халкьла мухIлила пагьмуличи диги чеимцIабарни, гIяхIти къиликъуни дяркъни.

Масъулти:

• ДурхIнас гIяхIти шурт1ри дарни чула чузи багьудлуми даргахъес багьандан, гьалабизуни, къияндешлуми ахъес бирули биъни аргъахъни;

• ца ва чумал мягIнала дугьбачила багьудлуми дурхIназир гьаладяхI ардукни;

• дугьби алкIнила, сари-ургар дархдалснила тяхIяр-кьяйда чула чузи иргъахъес, дурахъес бурсибарни;

• дарган мезличи диги адикьни.

Дарсличир пайдаладирути ваяхI: мультимедийный  проектор, ноутбук, интерактивная доска, презентация, жуз, дугьби баяндирнила словарь Р. Р. Шахбановла («Толковый словарь» Р.Р.Шахбанова).

Дарсла башри:

1.БехIбихьуд. (Класс 3 кьукьяличи бурт1улра (ав-авал дурх1я гьар кьукьялизиб) илдас уми дирхьулра: СИНОНИМТИ, АНТОНИМТИ, ОМОНИМТИ)

- ДурхIни, ишбархIи нушала гIядатлаахIенси дарс бирар.

Дарсла эпитетли бетарар иш хIябкуб:

Слайд I.  (назму – дарсла девиз)

Даргала мезла давла

Нушани х1ербирех1е,

Х1едалути далех1е,

Дагьурти хъумх1ертех1е.

- Дурх1ни, чиди разделлизиб гъайбик1ара мезла давлаличила, хазналичила? (ЛЕКСИКОЛОГИЯЛИЗИБ)

-Х1ушала пикрили нуша ишбарх1и селичила гъайдик1ех1е? Се тема сабил ишбарх1и дарсла? (ЛЕКСИКА)

- Селис лексика бик1ара?

- Се руркъу лексикали?

Метод ТОКИН-МЭТ:

Дурабурк1ех1е творческий х1янчи «Гъайбик1уси сурат» бик1уси.

Х1ушаб г1яг1нили саби ватмантачи (к1ап1рази) ишбарх1ила темаличила балуси ибси суратбарес, суратуни кадяхъес, белк1ес (дахъал суратуни лер х1ядурдарибти)

- Х1еръая, се балулрал х1ушани илди проектунала бут1назирад лексикаличила. Гьанна багьуди чеимц1абирех1е.

ЛЕКСИКА

Сагати багьудлуми касни.

-Гьанна х1уша дархьли пикридик1улрал ахтардибирех1е:

Слайд 2.

- ХIеръая суратуначи.

- Се чедиулра хIушани? (жита, набадари, кьалам, жуз).

-ЦархIил мягIнализир вирару илди дугьби пайдаладарес? (хIейрар).

АХИР (ВЫВОД): дугьби дузахъули сари ца мяг1нализирцун.

Слайд 3

- ХIеръая доскаличи. Ишар нуни гьаладихьилра предложениеби, чузирра дугьби детахъили сари. Пикридухъеная, чиди предложениелизи УРКIИ ибси дев кабатес вирарал.

-Сегъуна мягIнализиб дев балбиркулил, чидил предложениелизиб ил хIяжатли ахIенал?

(Доскаличир УРК1И ибси девла суратуни чедаахъилра).

- Сегъуна мягIнализир бузахъулив УРК1И ибси дев?

АХИР (Вывод): дев чумал мягIнализиб бузахъули саби.

Слайд 4.

- Эгер х1ушани девла мяг1на х1ергъули диадалли, гьайгьай, баянбирнила словарь (толковый) гIяхIси кумекчили бетарар, лексикалашалси мягIна умцIухIели. ДурабуркIехIе словарьличил хIянчи.

Касая словарь, даргая дугьби игуси, гьими, ахир

(Дугьби к1ел мяг1нализир дузахъу: игуси – г1язизси адам, ц1али букьбулъуси; гьими – г1ясидеш, шахала кьала ; ахир- таманбиъни, девла бут1а, Гьар кьукьяли цаца девла лексикалашалси мяг1на гьаргдарая.)

Слайд 5.

-Эгер баянбируси словарь агара биалли, сен-сен аргъес вирара х1ергъуси девла мягIна? (предложениелизибад, контекстлизибад)

-ХIеръая доскаличирти предложениебачи, илдазиб ахир ибси девла мяг1на гьаргбарая. (цаца предложениела мяг1на гьаргбиру гьарил кьукьяли)

1 кьукья (команда):

Къянала ахир хайрила х1ебирар. (къяна пучкабируси саби)

2 кьукья (команда):

Бурулра ибси девлизиб ахир баргая. (морфемала бут1а)

3 кьукья (команда):

Хала бег1ти бик1ули бири: «Ахир замана лябкьян.» (дунъяличир г1ямру кадурхар)

АХИР (Вывод): ахир ибси дев чумал мяг1нализиб бузахъули саби.

Слайд 6.

-Дахъал мяг1нубар дугьбас г1урра се или иру? (омонимти)

-Омонимтала дурарад г1урра сегъунти дугьби даладая х1ушани? (антонимти, синонимти)

Метод ФРЕЕРА:

Гьарил кьукьяла гьалар лер к1ап1ри ва ранг-рангла кьаламти

(3 кьукья ав-авал ученикличил). Гьар кьукьяла цаибил дурх1яли кайсу кьалам (х1унт1ена) ва лук1а, правило (1 команда антоним, 2 команда – синоним, 3 команда - омоним), к1иибилли - хьанц1а кьалам, лук1а мисалти илди правилобачи, х1ябъибилли-шиниша кьаламличил лук1а предложениеби, авъибилли- дуч1а ва мяг1на гьаргбиру.

Иш метод х1ясибли учительли бала дурх1нала багьудила даража. Ишбарх1и ил чеимц1абирех1е.

Слайд 7

- Гьари, х1ердик1ех1е х1уша бажардидиублирав ил х1янчиличил. Гьанна гьандиркахъех1е правилоби. Нуни илди хъумкартурлира, дархахъилра, х1ушани чула мерличи кадукили, далдикахъая.

Антонимти лексикалашал мягIна декIарти,

амма цаван ирути яра

лукIути дугьби.

Синонимти мягIнализир къаршити ца

гъайла бутIала дугьби.

Омонимти ца гъайла бутIала дугьби

сари, чулира ца секIа лишан,

баркьуди чебиахъути.

- Чиди дугьбас бик1ара антонимти?

-Чиди дугьбас бик1ара синонимти?

-Чиди дугьбас бик1ара омонимти?

АхтардидирехIе правилоби, абхьая жузи бяхI 20-23.

- Дархьлив?

Слайд 8

ФИЗМИНУТКА:

Слайд 9.

ТЕМА КАГАХЪНИ:

Антонимтачила, омонимтачила, синонимтачила багьуди кагахъес дурабурк1ех1е х1янчи:

I кьукьяли предложениебазир дургу ва декIардиру омонимти:

Дарс хIебелчIи вакIили, Мурад къунба угьулри.

Ишбарх1и мурад саби дарсличиб шула касни.

2 кьукьяли буралабазир дургу антонимти:

Муримайруд - кьяриури, кьутIкьумайруд – туирури.

Вайсила хIял хIебагьурсили, гIяхIсила кьадри хIебала.

3 кьукьяли дугьбачи синонимти делкIеная:

Юлдаш (гьалмагъ, уртахъ)

дукарк1ес (х1ях1яик1ес)

гъамли (мякьли)

серхурси (вялхъя)

къалабали (хъярхъли, гьалакли)

- ДелкIадав?

- Гьанна дехIсурдарая хIянчурби. Цала цали хIянчурби ахтардидарая, дархьли диъни кадизахъая ва кьиматуни кадатирая. Буралабала мягIна гьаргбарая.

Самостоятельная работа.

-Х1ябъибил кьукьяли делк1ун синонимти, илди дугьбачи антонимти пикридарая ва тетрадуназир делк1еная:

- Чи х1ядурлив?

Юлдаш (душман)

дукарк1ес (висес)

гъамли (гьарахъли)

серхурси (азгъин)

къалабали (багьлали)

Слайд 10.

-Гьанна бирех1е ишгъуна х1янчи:

Предложениебазир дугьби кадикили сарину, кумекбарая даргахъес ва чула мерла кадатирая, сегъуна мяг1нализир дузахъулив илди дугьби?:

БукIуй маза гьар барх1и дуки … сай .

ДурхIяли улкьай лакли … сай .

-Гьаргдарая дикули ибси девла мягIнуби. (г1яйдарни, рангдарни)

-Ишди чиди дугьби сари? (омонимти)

Слайд 11

Ребус арзни:

Девличи синоним белкIеная, имцIабарая иличи хIярп, сегъуна дев бетаура?

АЗБАР + Р = ( гIяя +Р)

МУСА + С = (мер+С )

Ишди дугьби ца мягIнализир дузахъув яра чумал мягIнализиру? (ца мягIнализир)

Слайд 12. (гьар кьукьяли чула ватманничи диршу суратуни, белк1ани, бетарар проект)

1 кьукья:

Буралаби даимдарая ва мяг1на гьаргбарая:

Мех1урти х1ебиалри, …… (духутас анц1булкьи)

Дахъал далули виалра, ……… . (лерилра далути дурес асух1ебирар)

Жагьх1ели кабихьибси, ……… .(ухънаваибх1ели х1яжатбиркур)

2 кьукья:

Багьирабазир антонимти даргая:

Исутала арц дуган, бирцутас давла бихан. (БАЗАР)

Гьалабях1 бахъ гьуц1бик1ан, г1елабях1 чарх1ебулхъан. (ЗАМАНА)

Буг1ярбиалли – бумдар, ванабиалли – бисур. (МИЪ)

3 кьукья:

Суратуназир диг1яндиубли сари фразеологизмаби, делк1еная илди:

(житара хяраван)

( ца кьяш х1яблавси)

(г1еркъаси лезмила вег1,

бурдибси мух1лила вег1)

Слайд 13.

Рефлексия:

ХIяз « ГIямултар суалти»:

• Сегъуна бекI пикрихIебикIара? (дубурла, адамла ах1енну)

• Сегъуна кьякь хъучибад бакIахъес хIейрара? (устала, ризкьила ах1енну)

• Мургьила се асес хIейрара? (някъби, сяг1ят ах1енну)

• Сегъуна кьяцаличив уста узес хIейрара? (мицIирагличив)

• Сегъуна чIала гьамадли бячес вирара някъли? (мурчIла, къакъла ах1енну)

• Слайд I4  

6. Дарсла ахир.

• Гьанна нуни балулра….

• Гьанна ну бурсивиубра……

• Гьанна нуни мезлизир дузахъис……

• Наб гIяхIбизур…

• Наб къияннири…

- Дарс таманбиуб. ХIушала хIушани кьиматуни кадатирая.

Слайд 15.

Хъули хIянчи бедни:

ЖумягI, хамис ибти дугьбачил чумал предложение пикридарая ва делкIеная, ил дев чумал мягIнализиб бак1если.

9 класслис дарсла технологическая карта.

Дарсла тема: «Чебедиб предложениела жура»

Учительли дарсличир т1ашдатурти мурадуни	Чедедиб предложениебала журабачила, чедедниличилти учидяхъ предложениебачила, илдазир багьлабирнила ишараби дархьли кадалтниличила багьудлуми дедни.
Дарсла жура	Комбинированый
Дарс дураберк1нила результатуни	Дарслашалти: дарсла багьни – предложение се сабил, илала мяг1на ва лишанти, предложение селизибад каргьулил аргъахъес, илала мяг1на ва цалабикни х1ясибли журабачила къант1си баян бедни. Царх1илти дурсрачил бархбас (метапредметный): Дарган мезла дарсличир г1ерасибти багьудлуми царх1илти дурсрачирра пайдаладарес бални. Илди г1ямрулизир багаладиахъни.
	Х1ял-т1абиг1ятла (личностные): дарган мезла дарсличи иштях1 ак1ахъни, сагасилиг1иб умц1ни, дарсличив царх1илти буч1антачил варх дек1арх1евхъи узес бурсивиъни.
Дарс бирнила тях1яр - кьяйда.	Мезличи чекайзни, х1ялумц1лаби дурадурк1ни, масъулти ирзни, гьарил дурх1яличил дек1арси х1янчи дурабурк1ни, дурх1ни кьукьназиб бузни (работа в группах)
Дарсла ваях1 (оборудование)	Интерактивный доска (экран) компьютер, проектор.
Чебаъла ваях1	Презентация (учительли балкьаахъурси, яра дурх1нала кьукьяли)
Бек1лидиубти багьудлуми	Предложение.

Дарсла башри

Дарсла бут1ни (этапы урока)	Хъарбар-кьуни ва х1янчурби	Учительла х1янчи	Дурх1на- ла дарсли- чибси бузери	Барх-бас	УУД	Ахтардила х1янчи
1	2	3	4	5	6	7
1. Дурх1-ни дарсличи х1ядурбарни	Сагали кабирхьу-си дарсличи х1ядур-деш, дурх1нала гьав ахъбуцни	Учительла гъай Х1ядурлирав ах1ерти чебаахъес лебил пагь гьанналауб касибси. -Ну рирхулра ишбарх1и х1ушала х1ушани багьудлуми чедиахъидая. Дарсличир нуша гьаладях1 аркех1е, нушала мезла давла, буч1усиличи чекадизни -Дарсличир нуша кьукьназир дузутира. Вег1ли х1янчи таманбарибх1ели, юлдашлисра кумекбарес х1яжатли саби, сенах1енну лебил классла сархибдешуни вег1ла сархибдешуназибад ва юлдашунала сархибдешуназибад дигахъуси саби	Учительли-чи лех1ирхъу, диалоглизир бут1акьян-деш диру. Чула багьудлуми чедиахъу	Суал-жаваб	Х1ял- т1абиг1ят-ла: мяшт1ла х1яланачил дарсличиб бузни. Багьудила шал: дарсличиб гьалаби-хьибси масъала аргъни	Багьудлуми ахтардидирути к1ап1-ри
2. Делч1унти гьандикахъ-ни.	Делч1унти тикрардарни, гьар-ур делч1унтала ва сагаси темала бархбас.	Дугьбала диктант пикриухъун, багьла-багьлали, сай-саял, хъали-алав, к1ик1ел, х1ябдарш, ц1яба-х1унт1ена. Предложениебазир ишараби кадатирая: Нешли узизи хъарбариб: « Ислам, галгаличирад г1инцби дуча.»	Доскаличир дугьби лук1а, баяндиру. Предложениебазир ишараби баяндиру	Суал-жаваб	Х1ял-т1абиг1ят-ла дарсличи иштях1 ак1ни. Багьудила щалси хъарбаркьуни детурхахъу, масъулти ирзу, мисалтачибад правилоличи лябкьян Коммуникативные: суалти хьардиу. Жавабти дуру, чула пикри бурес бажарди-биркур
3. Сагаси темаличи кабукни.	Делк1еная учидяхъ предложениеби, багьлабирнила ишараби дархьли кадалтех1е	Дугьби доскаличир лук1а: Х1уни набзи чебаахъибсири, дудешла кьап1а кабихьибси мер.(сказуемое баянбируси) Урх1ла урчиличи чи мурдайалра, ил чярт дахъал лерих1и чевкалхъан. ( ишарала дев) Х1уни сегъуна х1ева асадил, нунира илгъуна исис (определениела) Учительли буч1анти бархьли бузахъес х1еруди биру	Предложение лук1а: Илала синтаксислашал разбор биру: Х1уни набзи чебаахъибсири, дудешла кьап1а кабихьибси мер.(сказуемое баянбируси) Урх1ла урчиличи чи мурдайалра, ил чярт дахъал лерих1и чевкалхъан. ( ишарала дев) Х1уни сегъуна х1ева асадил, нунира илгъуна исис (определениела)
4. Къияндешуни дак1ударни	Сагати багьудлумачила ихтилат. Мисалтала анализ	-Чебедниличилси учибяхъ предложение или селис бик1ара? - Сегъунти журала чебедниличилти учидяхъ предложениеби дагьурра х1ушани? -Се сагаси аргъира х1ушани учибяхъ предложениеличила?	Лех1ирхъу, презентацияла слайдани чедиу, иларти хъарбаркьуни дурадурк1у	Гьа-рил дур-х1яличил ва дурх1нала кьукьназиб х1янчи	Багьудила -шалси: выводуни диру. Регулятивные: чуни дарсличиб х1ебагьурси дак1у биру	Мух1-лила жаваб-ти
5. Физминут-ка	Разиси манзил	Някъби ахъли ахъдурцулра, к1инайс г1яшли г1яшдурцулра, итах1ер-ишах1ер гьанна биалли хъярхъдикая, дарсличир дузес къалабадикая	Дурх1нани назмула дугьбачил вяшят1ала диру.	Лебилра	Х1ял т1абиг1ят-ла: вег1ла арадешли-чила пикрибик1ни
6 Творческий х1янчурби. Проект балкьаахъни	Лук1нила х1янчурби дурадурк1ни	1-кьукья. Х1ябал предложение пикридарая ва делк1еная: 2-кьукья. Х1ябал предложение пикридарая ва делк1еная:	Х1янчурби лук1а	Класс бузар	Багьудила шалти: Буч1ули саби ва лех1ирхъули саби, чус г1яг1нити предложениеби лук1ули сари.	Мух1-лила гъайличил жаваб-ти. Белк1 ла х1ян-чурби лук1ни
7. Сагаси тема кагахъни	Делч1унти кагахъес ихтилат	Жузлизибси х1янчи дурабирк1ни.	Мисалти руркъу. Чула пикри буру, классла дурх1нала ва муг1яллим-ла кумекличил вывод биру:	Ца дур-х1яли-чил ва дурх1нала кьу-кьяличил х1ян-чи.	Багьудила шалти : выводуни дирес бални, хъарбаркьуни детурхахъ-ни. Регулятивные: къияндешуни дак1удиру, илди гьардарес къайгъи дак1убиру.
8 Дурх1нази тема тикрарба-рахъни	Дарсличир делч1унти кагахъни. Кьиматуни кадалтни	Кабизахъая чидил журала предложение сабил, союзуни даргая: Х1у Аминатличи мурт аркьусирил, нура илх1ели лявкьяс. (Заманала) Г1ежа башнабад, гежбара башар. (Мерла)	Буч1антани чула пикруми дуру. Учительли-чил ва дурх1начил бархбас.	Суал-жаваб	Багьудила шалти : чули касибти багьудлуми х1янчурби дирух1ели пайдалада-рес бални. Регулятивные: чула х1янчилис кьимат кабатни, хат1аби дархьдир-ни.	Дурх1-нала х1янчилис кьимат
9. Рефлексия. Дарсла ахир.	Ахирла ихтилат	- Се сагаси дарсличиб багьуррая? - Сегъунти къияндешуначил къячдикирая? -Се г1ях1бизура? Сегъуна гьав саби х1ушала? -Х1ушала х1янчилис кьимат кабатирая: Х1ушала столличир лер к1ел карточка. Цализир разити дях, итиллизир хумарти. Ахъбуцили набзи чебаахъая х1ушани чеббик1ибси.	Чула дарсличирти х1ял-т1абиг1ят-лис кьимат кабалта.	цацли	Багьудилашалти : чула х1янчи мяшт1ла шайчиб чебаахъес бални. Регулятивные: чула х1янчилис кьимат кабалтни. Гъайлашал : чула пикруми дурни.	Бузерилаа к1ап1-ри учи-тельли луга.

8 класслис даргала литературала дарс

Г1ямарла Батирайла г1ямрула ва творчествола чебкад.

"Даргала поэзияла дудеш"

Н. Тихонов

Дарсла тема: «Г1. Батирайла г1ямрула ва творчествола гьуни"

Дарсла мурадуни:

а) багьудилашалси: даргала поэтла г1ямрула ва творчествола гьуйчил дурх1ни тянишбарни;

б) бяркълашалси: дурх1назир дарган мезличи ва литератураличи диги ак1ахъни, Батирайла творчестволичи диги чеимц1абарни;

в) гьалабях1 арбукнилашал: мурхьли пикрибик1ахъес, анализ бирахъес дурх1ни бурсибарни. Чула пикри бурахъес бажардибикахъни.

Пайдаладирути ваях1: жуз, суратуни, презентация, компьютер, проектор.

Дарсла жура: белч1унси материал тикрарбарни.

Дарсла башри:

1. Дурх1ни дарсличи х1ядурбарни:

Слайд 1. - Салам, дурх1ни. Ишбарх1и, иш г1ях1си атх1ебла барх1и, г1ях1си гьавличил дарс дурабурк1ех1е. Дурабурк1ех1е нушани г1ядатлаах1енси дарс. Даширая, дурх1ни, Дагъиста даргала районтазирад дарх къунздулхъех1е.

2. - Х1ушани сегъунти даргала районти даладая? (Ахъушала, Лавашала, Дахадаевла, Хайдакьла, Сергокъалала).

- Гьари, т1ашдилзех1е Сергокъалала районничир. Сергокъалала районнизибад чиди писательти, поэтуни, машгьурти адамти баладая х1ушани?

Гьанна нуни буч1ас назму, х1уша пикридухъеная чила сари ишди тугъи?

Слайд 2. Учительли буч1а Батирайла далай:

Шишимайзи ихьиби

Ши балтани белири,

Урх1ли ши батараши

Балтира шалал дунъя.

-Чила сари ишди тугъи?

- Чи саю Г1. Батирай?

- 2017 ибил дус Батирайличил сен-сен бархбаси? (к1идарш дус виубли сай)

Слайд 3. - Ишбарх1и, дурх1ни нушала дарсла тема саби: Г1.Батирайла г1ямрула ва творчествола гьуни тикрарбарни.

Слайд 4.

Дарсла мурад : Г1.Батирайла г1ямруличила, илала творчестволичила касибси багьуди кагахъни.

Слайд 5. Дурх1ни, гьари бирц1ахъех1е ишгъуна таблица. Цаибси кьанилаб лук1адая х1ушани балуси Г1.Батирайличила, к1иибиллизиб – багьес дигуси сек1ал, х1ябъибил кьани – бирц1ахъидая дарсла ахирличиб.

Балулра	Багьес дигулра	Багьурра

- Цакамси х1ялумц1лашал х1янчи дурабурк1ех1е гьари. Схема ва вывод бирех1е.

Слайд 6. Батирайла у гьанбушибх1ели, сегъунти пикруми, дугьби алк1улив? (доскаличиб Батирайла сурат леб, илала у гьанбушибх1ели, сегъунти пикруми алк1улил лук1ех1е (Технология КЛАСТЕР))

Слайд 7. БАТИРАЙ шишимъала поэзия поэт далай Х1урхъи мискиндеш давлачебтачи гьими гъабзадешличила дигайла г1ямруличила адамличи диги

- Гьанна сегъунти пикруми алк1улив?

- Сегъунти темаби ахъдурцулив далайчини?

Дурх1ни:

- Гъабзадешличила, дигайличила, г1ямруличила. Слайд 8.

Гьари, гьандикахъая Батирайла далуйти. Гьарил кьукьяли делч1еная цаца назму (партабачир лер назмурти, баргая илдазибад х1ушаб х1яжатси темаличила далай.)

1 кьукьяли - гъабзадешличила,

2 кьукьяли - дигайличила,

3 кьукьяли - г1ямруличила.

Илди назмурти ахъли дуч1а.

Назмулизиб леб дек1арбарибси дев. Ил дев баргая баянбируси словарьлизиб, илала мяг1на гьаргбарая, белч1еная.

Слайд 9.

***

Куц1и вац1а ц1ябдикьул

Ц1удара варгьила ваг1,

Ц1яб къада шаладикьул

Ц1уб арцла яракьла ваг1.

***

Абаан х1у вякьибла

Гьвили сури дирдибил,

Адаан х1у айкьурла

Дуразли хъат дилкунил.

***

Пуш гьуйширти т1улливан

Дархьли дак1иб чархла даг1.

Т1айширти пегьлумион

Рурх1ути х1улбела даг1,

Пегьлумашир гумиван

Дитисун нудбела даг1.

Илди х1ябалра темала далуйтала хасдеш селизиба? (адамличила, адамла г1ямруличила)

Х1ебиалли вывод:

- Г1.Батирай адамтачил сен-сен вириба?

-Батирайс адамти бигни, гьаман илдачил вархвалсниличила сегъунти царх1илти писательтала, поэтунала произведениебазибад багьес диубра х1ушани адамтачил гьаман къаршивиркни, шадибгьундури дигахъни? (Х1.Рабаданов " Батирай г1ях1ладли." М.Г1ях1мад "Батирайс"...)

- Ишбарх1ила г1ямрулизив нушала урк1базив кавлулив Г1.Батирай?

Слайд 10. - Сен-сен багьес вирара Батирай даимлис адамтала урк1базив виъни? Се леба илала у бихуси? (Даргала Драматический театр, сабира Избербаш шагьарлизибси)

- Х1уша гьачамалра дякьунтирав театрлизи? Дашес г1яг1ниси саби, вег1ла мез, культура дагьес, дигес гьарилла чебла саби.

Слайд 11.

-Х1ушала партабачир, бузерила к1ап1разир леб баян биографиялизибад Батирайла.

- Дурх1ни, илала биографиялизир даргая х1ябал манзил, чунира г1ямрулизир дарсдешлуми ак1ахъубти, къел-х1ерзи калахъунти (дурх1ядеш (нешли ак1ахъуб далайличи диги), жагьдеш ( Аминат гьаррит1ун), ухънадеш ( шилизивад дуг1аиб). Слайд 12.

- Дебали къиянни саби илала творчестволизир сегъунти-диалра манзилти (этапуни) чедаахъес, гьалар белк1-белч1 агни багьандан. Батирайла дахъал далуйти нушачи х1едаили диэсра асубирар.

Гьанна гьар кьукьяли цаца суал х1ядурдарая ва цализи цали хьардаая:

1. Чинав ак1убсири Батирай?

2. Сегъунти темаби зайдулхъулив илала далуйтазир?

3. Чиди мез дали Батирайли?

4. Чи сабри илала далуйтачи лех1ихъути?

5. Мурт вебк1ибсири Батирай?

6. Вебк1ибара Батирай?

Слайд 13. - Гьари, дуч1ех1е ил х1екьлизир Р.Х1ямзатовла дугьби:

- Дархьти сари илди дугьби. Иш гьак1лис сегъунти буралаби гьандикахъес вирара?

( Адам - убк1ар, у - кавлан,..).

Слайд 14. Дурх1ни, гьанна лайикьли саби Батирайла далайличи лех1дизесра. Избербаш шагьарла 12 – ибил школала уч1ан х1ушаб саламик1ули сай ва илини буч1а Батирайла далай. Лех1дизирая.

- Чиди тема ахъбурцулив пикридухъеная. Сегъунти мезла г1яг1ниахълуми пайдаладирулив поэтли? (Тема - гъабзадешличила, мезла г1яг1ниахълуми – гиперболаби…, мешубуцуни …)

- Далай аргъибх1ели, сегъунти урк1ила х1ялани алк1улив х1ушала?

- Гьаннала г1ямрулизив чиди дарган адамла гъабзадешличила бурес дирудая? ... игитла бебк1али вебк1ибси, урехиагарси, суненира лебилра Ват1ан балтахъанти гьирбариб бузахъес. (Мях1яммад Нурмях1яммадов) Слайд 15.

Слайд 16. Рефлексия…

Гьари, дурх1ни гьанна чардулхъех1е таблицаличи. Биц1ахъая х1ябъэсил кьани.

Балулра	Багьес дигулра	Багьурра

Слайд 17. Хъули х1янчи:

- Г1. Батирайличила проект барая ва х1ушала учительлизи бедая.

Ишбарх1и … дурх1ни г1ях1ил бузиб. Илдас кадалтех1е г1ях1ти кьиматуни. Баркалла дурх1ни.

Дарслис пайдаладарести бузерила к1ап1ри.

ФИО____________________________________

класс_______

1. Дурх1ни, биц1ахъая иш таблица. Цаибси кьанилаб белк1еная х1ушани балуси баян Г1.Батирайличила, к1иибиллизиб – багьес дигуси, х1ябъибил кьани – бирц1ахъидая дарсла ахирличиб.

Балулра	Багьес дигулра	Багьурра

1. Кластер биц1ахъая.

БАТИРАЙ

поэт поэзия далай Х1урхъи мискиндеш давлатичебтачи гьими

гъабзадеш дигайла г1ямруличила

А) Гьарил кьукьяли белч1еная ца назму (баргая илаб х1ушаб х1яжатси темаличила далай.)

1 кьукьяли - гъабзадешличила,

2 кьукьяли - дигайличила,

3 кьукьяли - г1ямруличила.

Илди назмурти гьар кьукьяли ахъли делч1еная ва мезла г1яг1ниахълуми даргая.

Б) Назмулизиб леб дек1арбарибси дев. Ил дев баргая баянбируси словарьлизиб, илала мяг1на гьаргбарая, белч1еная.

***

Куц1и вац1а ц1ябдикьул

Ц1удара варгьила ваг1,

Ц1яб къада шаладикьул

Ц1уб арцла яракьла ваг1.

***

Абаан х1у вякьибла

Гьвили сури дирдибил,

Адаан х1у айкьурла

Дуразли хъат дилкунил.

***

Пуш гьуйширти т1улливан

Дархьли дак1иб чархла даг1.

Т1айширти пегьлумион

Рурх1ути х1улбела даг1,

Пегьлумашир гумиван

Дитисун нудбела даг1.

1. Дурх1ни, Батирайла биографиялизир даргая х1ябал манзил, чунира г1ямрулизир дарсдешлуми ак1ахъубти, къел-х1ерзи калахъунти.

1. Сегъунти мезла г1яг1ниахълуми лера иш далайлизир:

Далай чум делч1аслира -

Далай г1ях1на гъвабзалис,

Къийн дибил мусанив

Даршлизи ца улхъанну.

Х1ябкуб чум дакьаслира -

Х1ябкуб кункил урчилис,

Си делла урк1илишир

Дикьул гъвабзала мурад.

Даргала литературала дарсла технологическая карта

8 класслис.

Дарсла тема: Г1язиз Иминагаев «Хулигандешличила зигаръала».

Дарсла мурад: Г1язиз Иминагаевла г1ямрула ва творчествола гьуйчил дурх1ни тянишбарни. Революциялис гьаларти г1ямруличила аргъахъни, цугдуцахъни ишх1елила г1ямруличил.

Масъулти:

• Багьудилашалси (образовательные)  - Г1язиз Иминагаевла г1ямруличила ва творчестволичила багьуди бедни, илала творчествола тематикаличила аргъахъни, дурх1нала багьуди гьалабях1 арбукни, илдала мух1лила гъай чеункъдарни.

• Гьалабях1 башнилашалси (развивающие) - мурхьли пикрибик1ахъес дурх1ни бурсибарни,: х1еруди бузахъес, цугбурцахъес, анализ бирахъес, ахирла пикриличи башахъес дурх1ни бурсибарни; группабазиб бузахъес бурсибарни, дурх1нала творческий бурсидешлуми гьаладях1 ардукни, дарган мезли гъайбик1ахъес бурсибарни.

• Бяркълашалси (воспитательные) - адамтала г1якьлулашал жагадеш чебаахъни; вег1ла культураличи, тарихличи, мезличи диги адикьни, царх1илти миллатуналара х1урматбирахъни.
  Гьаладурцути х1екьани (планируемые результаты):

Г1илмулашалти (предметные): адамтала гьалаб дурх1ни урухх1ек1ахъули гъайбик1ахъес бурсибарни, художественный девличи чекабизниличи бурсибарни, белч1унсиличила яра аргъибсиличила таманси чула пикри абикьни, гьарил дурх1яла сунела багьудила даража, пикри, сунени х1янчи бирес бални, тема багьес ибси кьас, сагаси багьес гъира адикьни.

Метапредметные: вег1ла (личностные) – чула белч1удилис бархьси кьимат бедлугни, вег1ла багьудила даражалис кьимат бедни, х1ергъибси багьес ибси кьас ак1ахъни;

бяркълашалти (познавательные) – дарсличиб касибси багьуди бут1ни, чула чуни бархьли пикри мух1лилашал ва белк1лашал каргьни, белч1ни, аргъни, илабад х1яжатси чеббик1или, вывод барни;

низам – кьяйдаличи бушнилашал (регулятивные) –

багьудилашал мурад аргъни, ил мурад х1ясибли чула х1янчи чеббирк1у, г1яг1нити дарсдешлуми диру, хат1аби баяндиру, учительли кадатурти кьиматуни дархьти диъни иргъу, чула х1янчи бархьли кьиматлабиру.

Тип урока: комбинированный.

Технологическая карта
Дарсла этапуни	Учительла х1янчи				Дурх1нала х1янчи					УУД
Сагаси багьуди касахъес х1ядурбари
Дарсличи х1ядурбарни.		Слайд №2: (иллюстрация къабулдан хъала кабиили, паргъатси макьам зайбулхъан) Гьачам адамли пикрибарили уили сай г1якьлукарлизи аргъахъес, сунени гьар-се сек1ал дални. Илини някълизи диг1янбарили сай къабулдан ва хьарбаили саби: « Бура набзи диг1янбарибси къабулдан миц1ирсил ах1енал?» Сай биалли пикриик1ули сай: « Миц1ирси саби вик1алли – бубк1ахъис, бебк1ибси саби вик1алли – пархбулхъахъис». Пикриухъи, г1якьлукарли иб: «Суал арзни х1ела някъбазиб саби» . - Дурх1ни, ишбарх1и дарс г1ях1ил бетерхахъни х1ушала някъбазиб саби.				Дарсличи х1ядурбирар.			Иргъу.
2 Сагаси ибси кабизахъни :
Хъули х1янчи ахтардибарни			-Се саби халкьла хабар? - Илди нушачи сен-сен даибтив? - Сегъунти дирара темаби х1ясибли халкьла хабурти? -Халкьла хабарла сегъунти лишанти далада х1ушани? - Мурт ак1убтив халкьла хабурти? -Илди дуч1ух1ели, дикьух1ели, сегъуна насих1ят кайсулра х1ушани? Халкьла хабар бурахъулра.	Халкьла хабарличила баянти ва хабурти дурахъулра.				П: вег1ла багьудила даража кабизахъни; анализ барни.
Дарсла тема ва мурад кадизахъни.			Слайд №3: - Чиди манзиллизиб х1ербиубтири далайчиби Г1. Батирай, Етим Эмин, Ирчи Къазакъ, Инхолан Г1ялих1яжи? - Ил манзилла литература селичибли дек1арбулхъули? -Ишбарх1и селичила гъайдик1ех1е? -Бархьси саби, революциялис гьалабси литература буч1ех1е, тянишдирех1е даргала поэзияла классикличил. -Чи саю ил?	Учительла суалтас жавабти луга.				П: Бяркълашалти мурадуни кадизахъни К: мух1лила гъайличил вег1ла пикруми дурни;
Сагаси тема аргъаъни:
Сагаси тема бурни: Тема кайгахъу:			Биография Г1язиз Иминагаевла къант1ли буру. Далай«Хулигандешличила зигаръала» саркъахъили, г1ур баянбирули буч1а. Дурх1нази биографиялизирад бек1лидиубти баянти дургахъу.	Иргъу Жузлизибад сагаси ибси бургу.			П:буч1усиламяг1на аргъни. Р:чула баркьудлумала гьаб-г1ергъидешличила буру. П:(общеучебные) бек1либиубсигъуна кабилзахъа,х1яжатси материал чеббирк1у.
Кьукьназиб х1янчи:			Кьукьначи бурт1ех1е класс. Гьарил кьукьяла лер к1ап1ри – биографиялизирад баянти делк1ести. .	Группабазиб х1янчи дурабурк1у: - Г1язиз Иминагаев ак1убси сай…. - Назмула бек1 мяг1на саби…. - Хьунул зигаррик1ули сари…. - Дурх1ни абикьес чичи хъарбирулив? - Секьяйда муруй хъалибарг инжитбирулри? - Сунела далуйтазир чиди темаби ахъдурцули вири далайчини?			К: кьукьназиб бузес бурсибирар – Р: къияндикибх1ели, вег1 низам-кьяйдаличи вак1ни; – П: анализ, обобщение, классификация; – П: текстлизибад г1яг1ниси чеббик1ни; – П: сабабра шарт1ра кадизахъни; – К:вег1ла пикри таманни ва г1ячихъли аргахъни; – К: мух1лила гъайличил вег1ла пикри бурни;, ил бархьси биъни аргъахъни; – Л: лебталалра х1янчилизиб гьарилла даражаличила аргъни; – П: х1янчи гьаб-г1ергъили бирни.
Физминутка.			Адизирая. Нуни дахъал майдунти чедаира (някъби к1елра шайчи тинтдиру) Илар ранг-рангла вавни дучира (някъбачил бузар) Ах1ер нешлис дарс таманбиубх1ели, пешкешдарес аркьясра (кьяшми ахъдурцу)
Ахирличи кабукни
Рефлексия.			Дарсличила х1ушала сегъуна пикри калунал балех1е. Синквейн бирех1е. 1 Существительное. 2 прилагательное. 3 глагол. 4 пикри бух1набуцибси фраза. 5 вывод. Х1ердизирая, дила се бетаурал: Г1язиз ч1умаси, вархьси ургъулри, урк1ичеббирулри, далайик1улри хьунул адам черях1рирулри. далайчи.	Чула синквенти дуч1а.			– Л: буч1уси материаллизиб адамдешличила буруси аргъни; – П: текс аргъни, г1яг1ниси ибси чеббик1ни; – Р: чекайзни, бархьбарни, кьимат; – П: рефлексия. – П: х1янчи ахтардибарни ва кьиматлабарни; – Л: вег1ла х1янчи кьиматлабарни; – Л: вег1ла сархибдешличила / гьарх1ебизниличила аргъни; – К:вег1ла пикри таманни ва якьинни аргъахъни; – К: вег1ла пикри бархьси биъни кабизахъни; царх1илтала пикрумачилара хъумх1ертни; – К: багьуди касес царх1илтачил х1янчи бузахъни;;
Кьиматуни кадатни.			Кьиматуни кадалта ва иргъахъу.				– П: пикрумала гьаб-г1ергъидеш кабилзахъа, шарт1 кабилзахъа
Хъули х1янчи.			Хъули х1янчи бедлуга. Хъарбаркь иргъахъу: биография Г1.Иминагаевла чеббурес ва «Хулигандешличила зигаръала» далай саркъахъили белч1ес.	Дневникунази хъули х1янчи лук1а.			- П: вег1ли г1яг1ниси ибси чеббик1ес бални.