Окуучунун милдети

ОКУУЧУЛАРДЫН МИЛДЕТТЕРИ ЖАНА УКУКТАРЫ.

Окуучулар төмөнкүлөргө укуктуу:

• Жалпы билим берүү уюмунун ар кайсы этабында окууга кирүүгө жана билим алуунун таризин тандоого;

• Мамлекеттик билим берүү стандарттарынын денгээлинде милдеттүү жана акысыз башталгыч,жалпы негизги жана акысыз жалпы орто билим алууга;

• Кошумча билим берүү кызматын, анын ичинде акы төлөнүүчү да таризде алууга;

• Жалпы билим берүү уюмунун китепканасынан, маданияттык, спорттук жана өндурүштүк базасын пайдаланууга;

• Кыргыз Республикасынын Өкмөтү жана жергиликтүү өз алдынча башкаруу органдары аныкташкан тартиптер боюнча бекер тамактанууга жана медициналык тейлөөгө, жүргунчү автотранспортто жүрүүнүн женилдиктерин пайдаланууга;

• Уставда аныкталган таризде жалпы билим берүү уюмун башкарууга катышууга;

• Балдар уюмунун ишин уюштурууга жана ага катышууга;

• Инсандык кадыр-баркты урматтоого жана маалымат эркиндигине, өзүнүн жеке көз карашын жана ынанымдарын эркин айтууга;

• Жалпы негизги жана жалпы орто билим берүүнү аяктаганда мамлекеттик үлгүдөгү билими жөнүндө документтерин өз учурунда алууга ж.б. укуктуу.

Окуучулар төмөнкүлөргө милдеттүү:

• Жалпы билим берүү уюмунун уставын тутууга жана аткарууга;

• Мамлекеттик билим берүү стандарттарынын талаптарынын деңгээлинде жалпы орто билим берүү программаларын өздөштүрүүгө;

• Кыргыз Республикасынын аймагында жашаган кыргыз жана башк улуттардын салттарын, жалпы билим берүү уюмунун башка окуучуларынын жана кызматкерлеринин ар намысын жана кадыр баркын урматтоого;

• Ички тартипти сактоо боюнча жалпы билим берүү уюмунун, анын ичинде мектептик кийим талаптарын аткарууга;

• Жалпы билим берүү уюмунун мүлкүнө этиеттик мамиле кылууга милдеттүү;.