План конспект урока по родному языку " Прилагательное" 6-класс

Тарсунин мурад: Аялриз прилагательнияр чирун;

прилагательнияр предложенийрай чара ийиз вердишарун;

чирвилер артухарун ва мягькемарун;

ч1ал гегьеншарун.

Тадаракар: лезги ч1алан ктаб, карточкаяр, ч1алан паярин таблица.

Классди санал аялри к1вале разбор авунвай существительнияр ахтармишда.Гьа

са вахтунда 2 ученикди карточкаяр к1валахда

1– карточка

Диде, ктаб, шкаф , чуьл.

2 – карточка

Дагъ, мектеб, куьче, гада.

теоридин рекьяй суалар

1. Аялар, лезги ч1ала шумуд маналу ч1алан пай ава?

2. Существительнияр квез лугьуда?

3. Существительнияр падежриз дегиш хьунин шумуд жуьре ава ?

4. Пуд лагьай жуьредин эхирар гьибур я ?

5. Вад лагьай жуьредин эхирар гьибур я ?

Баркалла

3 Ц1ийи тарсунин винел к1валах.

Аялар,къенин чи тарсуна чна прилагательнияр чирда .

Килиг вири доскадиз. (Доскадал ихьтин предложенияр кхьена гьазурда )

1)Буба шегьердай хтана. 2) Ч1ехи буба шегьердай хтана.

3)Йифиз аяз акъатнавай . 4) Йифиз пис аяз акъатнавай.

М-М. Аялар, вирида доскадал кхьенвай предложенияр к1ела .Куьне гьик1 фикирзава за ч1ехи ва пис гафарикай ц1арар вучиз ч1угунва?

(Аялри чпин фикирар лугьуда)

М-М. Сад лагьай предложенида хабар гузва буба шегьердай хтайдакай, амма гьи буба ят1а къалурнавач.

Кьвед лагьай предложенида шегьердай хтай буба, гьи буба ят1а къалурнава.

Пуд лагьай предложенидани хабар гузва йифиз аяз акъатнавайдакай,амма гьихьтин аяз ят1а ,къалурнавач.

Кьуд лагьай предложенида чаз йифиз акъатнавай аяз пис тирди къалурнава.

И предложенийра ,балаяр, ч1ехи, пис прилагательнияр я.

Зат1арин лишанар къалурдай ва гьихьтин? гьи? суалриз жаваб гудай гафариз прилагательнияр лугьуда.

Прилагательнияр гьамиша существительнийрихъ галаз ишлемишда,вучиз лагьайт1а абуру зат1арин лишанар къалурда.

Эгер прилагательнияр существительнияр галачиз ишлемишиз хьайит1а, абуру чпи существительнийрин чка кьада ва абурухъ теквилин кьадарда -ди, гзафвилин кьадарда -бур эхирар акал жеда : ч1ехиди-ч1ехибур, михьиди-михьибур .

Предложенида прилагательниди гзафни – гзаф определенидин ва составной сказуемидин везифаяр кьиле тухуда

123-тапшуругъ .Кхьихь, прилагательнийрин к1аникай ц1ар ч1угу.

Чешне: Пакамахъай гурлу марф акатна.

124 -тапшуругъ. Текстинай прилагательнияр ва абур талукь гафар акъуда.

Чешне: Гуьт1уь айван ,айвандин чил.

параграф 29 . 125-тапшуругъ