План по самоподготовке

ПЛАН - КАНСПЕКТ

« Самападрыхтоўка ў групе падоўжанага дня »

Мэта :

• прывіваць вучням навыкі самастойнай работы.

Задачы:

1. Пашыраць , замацоўваць і сістэматызаваць веды дзяцей.

2. Стварыць умовы для развіцця памяці , увагі , мыслення выхаванцаў, для развіцця творчых здольнасцей.

3. Фарміраваць станоўчыя адносіны да вучобы.

1. Выхоўваць навыкі самакантролю, працавітасці , самастойнасці і дысцыплінаванасці .

Абсталяванне: падручнікі, сшыткі, памяткі па выкананню дамашняга задання, смайлікі для падвядзення вынікаў, сігнальныя карткі.

ХОД:

1. Арганізацыйны момант.

– Добры дзень! Спачатку праверым ці гатовы вы да сённяшняй самападрыхтоўкі. У кожнага на парце ляжыць ўсё тое, што вам неабходна для працы?

Добра. А зараз сядзем правільна і ўсміхнёмся адзін аднаму, каб ваша праца прынесла толькі задавальненне.

Усе вы ведаеце, што у нас з вамі ёсць правілы, якія мы выконваем у час самападрыхтоўкі. І зараз мы з вамі іх успомнім, а дапаможа нам у гэтым наша картка-напаміналка. ( На дошцы правілы).

Так, добра. Я вас папрашу гэтыя правілы ў час самападрыхтоўкі выконваць.

А цяпер сядзьце ўсе правільна.Вы дзеткі ўсе разумныя і ў вас усё атрымаецца. Калі ласка, будзьце ўважлівыя і ўзаемаветлівыя. Поспехаў вам!

1. Самастойная работа вучняў.

Давайце спачатку выканаем матэматыку, а пасля беларускую мову. У вас на партах ляжаць сігнальныя карткі. Калі хтосьці не ведае як выконваць дамашняе заданне падыме гэту картку, а я падыду і дапамагу. Згодны?

• Добра. Звярніце ўвагу на тое, што у вас на парце ляжаць памяткі для выканання дамашняга задання.

• Ўсё мы з вамі паўтарылі, успомнілі, можна пачынаць працаваць

Сяду прама, не сагнуся,

За работу я вазьмуся.

Сшытак добра пакладу,

На дзесятку напішу!

1. Самастойная работа вучняў.

-Пачынаем працаваць. Выконваем спачатку матэматыку. Калі ёсць пытанні, то для гэтага ў вас на парце сігнальная картка.

ФІЗКУЛЬТХВІЛІНКА

Мы асеннія лісточкі на галінка сядзелі,

Падуў ветрык – паляцелі,

Паляцелі і на землю ціха селі.

Падуў ветрык зноў – узняў шмат лістоў.

А лісточкі паляцелі, паляцелі

І на зямлю ціха селі.

1. Самакантроль і ўзаемаправерка.

• Той, хто выканаў заданне, самастойна яго правярае, а затым дапамагае сваім сябрам.

1. Заключны педагагічны кантроль.

Праверка выхавацелем выкананых заданняў.

1. Рэфлексія.

• У кожнага з вас на парце ляжаць смайлікі: вясёлыя і сумныя. Зараз вы падымеце той смайлік, які адпавядае вашаму сённяшняму настрою. Дзякуй.

• А хочаце даведацца як мне з вамі працавалася ў час нашай сённяшняй самападрыхтоўкі? Вось у мяне ёсць чароўная каробачка з запісачкамі. Зараз вы ўдастаняце па адной запісцы, а затым прачытаяце яе. Дамовіліся? (Запіскі: 1. Ты маладзец! 2. Я ведала, што ў цябе ўсё атрымаецца. 3. Я ў цябе верыла. 4. Ты малайчынка! 5. Мне сёння с табой лёгка і добра працавалася. і інш.).

1. Падвядзенне вынікаў работы.

– Малайцы! Зараз прыбіраем сваё рабочае месца і ідзё на перапынак