Поурочные разработки уроков родного (татарского) языка в 1 классе

51 нче дәрес Әлифба (татар әдәбияты)

Тема. Контроль күчереп язу. “Яшелчәләр”

Максат: өйрәнгән хәрефләр белән иҗекләр һәм сүзләрне уку күнекмәләрен ныгыту; басмача тексттан язу күнекмәләрен шомарту; татар телен өйрәнүгә теләк булдыру, татар теленә карата сөю тәрбияләү; эшеңә карата үзбәяне гадел бирергә өйрәнү.

Җиһаз: мәк, ромашка чәчәкләре, кисмә хәрефләр, яшелчәләр рәсемнәре (слайдларда), исемнәре язылган карточкалар, үзбәя өчен кояшчыклар.

Дәрес барышы

I. Оештыру моменты.

Исәнләшү.

“И туган тел” җырын башкару

II. Тема һәм максатны ачыклау.

и, к, а, д, т, н, т – хәрефләрен алфавиттагы номеры буенча кую

5,10,12,20,1,15,20

Диктант сүзен ачыклау.

Физкультминут.

III. Матур язу минуты.

Мәк, ромашка турында шигырьләр.

Дәфтәрләрдә язу.

IV. Белемнәрне актуальләштерү.

Яшелчәләр язылган карточкаларны уку һәм рәсеме белән тоташтыру.

Яшелчәләр исемнәрен кулланып җөмләләр төзү.

Физкультминут.

V. Контроль күчереп язу

- текстны уку;

Яшелчәләр.

Яшелчә бик файдалы азык.

Безнең бакчада кишер, бәрәңге үсә. Яшелчәләрне яхшылап юып ашарга кирәк. (15 сүз.)

- эчтәлеген ачыклау;

- басмача текстны күчерү кагыйдәләрен кабатлау;

- үзалдына текстны күчереп язу;

- язылган текстны дәфтәрдән уку.

VI. Дәресне йомгаклай. Рефлексия.

- Балалар, бүген нинди яңа төр эш белән таныштык?

- Текстны күчереп язу кыен булдымы?

- Үз эшегезгә бәя бирегез. Парталарыгызда кояшчыклар бар. Әгәр эшегездән канәгать икән, кояшчыгыгызга елмайган авыз ясагыз.