Поурочные разработки уроков родного (татарского) языка в 1 классе

Тема

М. Гафури шигырьләре. Предметны һәм эш – хәрәкәтне белдергән сүзләр.

Максат

Балаларны предметны һәм эш – хәрәкәтне белдергән сүзләр белән таныштыру, предметны белдергән сүзләргә кем? нәрсә? эш – хәрәкәтне белдергән сүзләргә нишли? нишлиләр? соравын куя белергә өйрәтү; сәнгатьле уку күнекмәләре формалаштыру; мәрхәмәтлелек, җәнлекләргә җылы мөнәсәбәт тәрбияләү.

Көтелгән нәтиҗә

Кем? нәрсә? соравына җавап бирүче һәм нишли? нишлиләр? соравына җавап бирүче сүзләрне аера белүгә ирешү, схемаларга карап җөмләләр төзи белү.

Төп төшенчәләр

Предметны белдергән сүзләр, эш – хәрәкәтне белдергән сүзләр.

Предметара бәйләнеш

Татар теле, уку, әйләнә -тирә белән таныштыру

Ресурслар

Презентация

Класс белән эш

Фронталь эш, индивидуаль эш, парлап эш

Этаплар

Ѳйрәтү һәм үстерешле биремнәр

Диагностик биремнәре

1. Оештыру өлеше.

1 нче слайд

- Әйдәгез, бер-беребезгә хәерле иртә телик.

Хор белән әйтү:

Хәерле иртә миңа,

Хәерле иртә сиңа,

Хәерле иртә безгә,

Хәерле иртә сезгә!

2 нче слайд

Дәрестә үз-үзеңне тоту кагыйдәләре искә төшерелә,аларның ни өчен кирәклеге кабатлана.

- Кояш үзенең елмаюы, нурлары белән безгә яхшы кәеф бүләк итә

- Бүген без әдәби уку фәненең һәр дәрес кунаклары булган Әмир һәм Әминә янына кунакка килдек. Шул ук вакытта татар теле белән шөгыльләнергә булдык.. Алар авылда яшиләр икән һәм бик күп җәнлекләр белән дуслар.

Коммуникатив блок. Иптәшеңнең үз-үзен тотышы белән идарә итү гамәле. Укучылар җөмлә ахырында һәрберсе имитация ясап, уңай атмосфера тудыралар.

Шәхес буларак блок(әхлакый-этик бәяләү)

2. М. Гафури шигырьләрен уку

3. Белемнәрне актуальләштерү.

3 нче слайд

Дәреслектәге рәсем буенча эшлибез.18 нче бит

• Рәсемдә нәрсәләр күрәсез? (Эт, куян, ат, әтәч, чеби, күбәләк)

• Ләкин бу җәнлекләребез хәрәкәтләнмиләр. Алар хәрәкәтләнсен өчен, әйдәгез бергәләп тылсымлы сүзләр кабатлыйбыз: Белемле кеше югалмас! Белем бәхет ачкычы. Белем кояштан яктырак.

• Ә алар һаман хәрәкәтләнмиләр, бу гына җитми, ахры, диде Әминә. Әйдәгез, кызык итәбез үзләрен. Бергәләп предмет исемнәрен әйтәбез, сез аларның хәрәкәтен белдергән сүзләрне табарсыз (проблема куела)

Регулятив эшчәнлек (укучылар тарафыннан белгән яки әлегечә белмәгән күнекмәләрне үзара бәйләү)

Танып-белү эшчәнлеге (гомуми уку)

Коммуникатив эшчәнлек (сораулар куелышы,информация табу,иптәшеңнең үз-үзен тотышы белән идарә итү, үз фикереңне әйтә белү)

4. Яңа тема өстендә эш.

4-15 нче слайдлар

- Бу нәрсә? ( ат)

- Ат нишли? (чаба, кешни…..)

- Эт нишли? (өрә, тешли…….)

- Куян нишли? (сикерә, ашый…..)

- Әтәч нишли? (кычкыра)

- Күбәләк нишли? (оча)

- Хәрәкәтләнделәрме җәнлекләребез?

16-18 нче слайд

- Без нинди предметлар турында сөйләштек?

Димәк, предметны белдергән сүзләргә нинди сорау куйдык? (Кем? нәрсә?)

- Алар нинди хәрәкәтләр ясадылар?

- Ә хәрәкәтне белдергән сүзләргә нинди сораулар куйдык? (нишли? нишлиләр? )

- Бик дөрес укучылар. Предметны белдергән сүзләр җөмләдә кем? нәрсә? сорауларына җавап бирә.

Эш – хәрәкәтне белдергән сүзләр җөмләдә нишли? нишлиләр? сорауларына җавап бирә.

Слайд 19-20

- Тактада язылган җөмләне кем укый ала? Тиен сикерә.

- Әйдәгез бергә схемасын төзеп карыйбыз.

Тиен нинди сорауга җавап бирә? (Нәрсә?)

- Димәк нинди схеманы куярбыз? (______)

- Сикерә нинди сорауга җавап бирә? (Нишли?)

-Димәк нинди схеманы куярбыз? ( )

-Җөмләне нинди хәрефтән башлап язабыз? (Баш хәрефтән)

-Димәк схеманың башында җөмләнең башын күрсәтергә кирәк.

- Җөмлә ахырында нәрсә куябыз? (нокта)

Слайд 21,22

- Әйдәгез, хәзер Күбәләк оча җөмләсенә схемасын төзибез.

-Кем схеманы тактада сызып күрсәтә?

- Дөреслеген тикшерик әле.

Физкультминутка. Слайд 9

Регулятив эшчәнлек (алдан фаразлау, контроль)

Танып-белү эшчәнлеге (гомуми уку,логик, проблема кую һәм чишү)

Коммуникатив эшчәнлек(сораулар куелышы, иптәшеңнең үз-үзен тотышы белән идарә итү, фикереңне әйтә белү, тикшерү, коррекцияләү)

Шәхес буларак эшчәлек (әхлакый-этик бәяләү

5. Ныгыту.

Слайд 24, 25

9 нчы күнегү. Парлап эш

Схемаларга карап, җөмләләрне язып бетерү.

-9 нчы күнегүдә схемалар бирелгән Шуннан өч схема тактада, шуларга Әмир җөмлә төзи алмый аптырый.

Булышабызмы, балалар?

Кош сайрый. Куян чаба. Үрдәк йөзә.

-Җөмләләрне төзибез һәм дәфтәргә язабыз.

- Кем беренче җөмләне тактага чыгып яза?

- Дөреслеген тикшереп алыйк әле.

Физкультминутка. Слайд 9

Регулятив эшчәнлек (алдан фаразлау, контроль)

Танып-белү эшчәнлеге (гомуми уку, логик, проблема кую һәм чишү)

Коммуникатив эшчәнлек (сораулар куелышы, иптәшеңнең үз - үзен тотышы белән идарә итү,фикереңне әйтә белү, тикшерү, коррекцияләү, информация табу)

Шәхес буларак эшчәлек(әхлакый-этик бәяләү,мәгънә төзелеше)

6. Тикшерү күнегүләре.

Слайд 26

“Артык сүзне тап” уены

-Предметны белдергән сүзләрне табарга. Дөрес җавап булса, көймә йөзеп китә, ә ялгыш булса җавап төссезләнә.

Предметны белдергән сүзләрне сез икенче класста исем дип үтәчәксез.

-Ә эш – хәрәкәтне белдергән сүзләр нинди сорауга җавап бирә? (нишли? нишлиләр?)

-Молодцы!

-Эш – хәрәкәтне белдергән сүзләрне 2 нче класста фигыль дип үтәчәксез

«Парын тап» уены Слайд 27

- Әминә сүзләрнең парын югалткан, әйдәгез бергәләп табыйк әле

5 этап.Тикшерү күнегүләре

Регулятив эшчәнлек (алдан фаразлау, контроль)

Танып-белү эшчәнлеге(гомуми уку,логик,проблема кую һәм чишү)

Шәхес буларак эшчәлек(мәгънә төзелеше)

7. Нәтиҗә һәм бәяләү. Рефлексия

-Бүгенге дәрестә сез нәрсәләр белдегез?

-Үзегез өчен нинди яңалык ачтыгыз?

-Предметны белдергән сүзләргә нинди сорау куябыз?

- Эш – хәрәкәтне белдергән сүзләргә нинди сорау куябыз?

-Аны безгә ни өчен белергә кирәк?

-Тагын хәтерегездә яхшырак калсын өчен, бер-берегезгә сөйләп карарсыз, өйгә кайткач әти- әниләрегезгә сөйләп күрсәтерсез. Слайд 28

Дәрес бетте. Актив катнашуыгыз өчен бик зур рәхмәт!

Шәхес буларак эшчәнлек (мәгънә төзелеше, укуның дәлилләре)

Регулятив эшчәнлек (бәяләү)

Коммуникатив эшчәнлек (фикерне әйтә белү)