Поурочные разработки уроков родного (татарского) языка во 2 классе

4 нче дәрес Татар теле 2 сыйныф

Тема. Калын һәм нечкә сузыклар.

Максат: сузык аваз хәрефләренең классификациясе турындагы белемнәрне ныгыту,

камилләштерү; калын һәм нечкә сузыкларны аера белергә, сүзнең калын һәм нечкә

әйтелешен икеләнүсез билгеләргә өйрәтү; дөрес язу күнекмәләрен, иҗади фикерләү

сәләтен үстерү; танылган якташларыбыз турында мәгълүмат туплау, туган ягың белән кызыксыну һәм үз авылыңны өйрәнүгә омтылыш тәрбияләү.

Планлаштырылган нәтиҗә:

Предмет: сүзнең иҗек төзелешен үзләштерү.

Метапредмет: 

Танып – белү - информация туплый, ретроспектив белемнәрне дәрестә алган белемнәр белән чагыштыра белергә өйрәнү, дәреслек белән эш итә белү, төрле сүзлекләрдән куллана белү.

Регулятив - укытучы белән берлектә дәреснең максатын куярга, эшчәнлекнең планын билгеләргә, коллективта эшләү алымнарына өйрәнү, укучыларда эзләнү күнекмәләре формалаштыру, мөстәкыйль рәвештә дәреснең темасын һәм максатын билгеләү; эшне планлаштырырга өйрәнү.

Коммуникатив - үз фикереңне телдән әйтә, башкалар фикерен тыңлый белергә өйрәнү, дәрестә һәм төрле ситуацияләрдә диалогта катнаша белү, парларда,төркемнәрдә эшли белү.

Шәхси: укуга кызыксыну тәрбияләү, уңышлы белем критерие нигезендә үз-үзеңә бәяләмә бирергә өйрәнү; телне өйрәнүгә теләк булу.

Җиһазлау: төрле биремле карточкалар.

Дәрес барышы

I. Мотивлаштыру-ориентлашу этабы.

Чыңлады көмеш кыңгырау,

Безне дәрескә чакырып.

Кызыклы дәресне башлыйк

Парталар артына утырып.

II. Уку мәсьәләсен кую.

1) Матур язу минуты. (Слайд 1. Экранда сүзләр язылган: “Очрашасы иде”, “Урындык”,

“Үкенү”, Исем”, “Ачуланма, әти!”, “Өстәл”)

- Сүзләрне укыгыз, алар нинди хәрефкә башланган? Әлеге хәрефләрне дәфтәрегезгә

язып куегыз. (о, у, ү, и, а, ә, ө)

- Бу хәрефләр турында нәрсә сөйли аласыз? (сузык аваз хәрефләре, аларны әйткәндә

һава каршылыкка очрамый)

- Тагын нинди хәрефләрне әлеге рәткә язарга була? (ы, э)

- Өстәп язып куегыз.

- Дәреснең темасын билгеләгез. (Сузык аваз хәрефләрен өйрәнербез)

- Бүгенге дәрестә сузык авазларны төркемнәргә бүләргә өйрәнербез.

III. Уку мәсьәләсен чишү.

1. Сузыкларны аерырга өйрәнү.

А) - Партадан дүртьюллык шигырь язылган карточканы алыгыз. Анда сузык аваз хәрефләре астына сызыгыз.

Б) Үзтикшерү, үзбәяләү. (Слайд 2)

- Экран буенча эшегезне тикшерегез.

Очлы тауга менеп карап тордым

Сиңа, газиз туган авылым.

Биекләргә менгәч тоясың шул

Бертуктаусыз еллар агышын.

В) - Шигырь ни турында? Автор авылын яратамы? Кайсы сүзләр моны исбатлый? (газиз

туган авылым)

- Туган авылын яраткан кеше туган җире турында нинди сүзләр кулланып сөйли? (яраткан

авылым, сөекле авылым, кадерле авылым һ.б.)

2 Калын һәм нечкә сүзләрне аерырга өйрәнү.

Дәфтәрләрегезгә авылыбызның тау һәм чишмә исемнәрен 2 төркемгә бүлеп языгыз,

сузык аваз хәрефләре астына сызыгыз.

Үзаратикшерү.

- Партадашыңның эшен тикшер, бәя куй.

IV. Физкультминут.

- Күп эшләдек. Ял итеп алыйк. Ялыбыз уен формасында үтәр. Мин әйткән сүз калын

әйтелешле булса- сикереп куй, нечкә әйтелешле булса, чүгәлә.

Сабантуйга, бәлкем, чыгармын, Алла, кушса, да, кайтам, йөрәгемдә, җырлармын,

йөрткән, авылдашларыма, хисләремне, мәйданга.

Дөнья сүзенә аваз-хәреф анализы ясау. ( укытучы ярдәме белән башкарыла)

Дөнья– , дөнь-я, 2 иҗек.

д - [д] - яң. тарт.

ө - [ө] – неч. суз.

н - [н] - яң. тарт.

ь - [-]

я – [й] - яң. тарт.

[а] - кал. суз

5х./5 ав.

V. Рефлексив-бәяләү этабы.

- Дәрестә нәрсәгә өйрәндегез, җөмләне дәвам итеп әйтегез.

Дәрестә мин ...... өйрәндем, ..... белдем, ...... истә калдырдым.

- Калын һәм нечкә сузыкларны, сүзләрне аера белү ни өчен кирәк?

- Туган авылны, аның кешеләрен өйрәнү ни өчен кирәк?

VI. Өй эше.