Поурочные разработки уроков родного (татарского) языка в 1 классе

15 дәрес Әлифба

Тема. [ы] авазы hǝм Ы, ы хәрефлǝре. Ы, ы хәрефлǝрен язу.

Максат: 1) [ы] авазын дөрес әйтергә өйрәтү, схемасын күрсәтү;

2) [ы] авазы кергән сүзләрне дөрес әйтергә өйрәнеп, сүзлек запасын баету;

3) әхлак тәрбиясе.

Шәхес буларак УУГ: укучыларда мәктәпкә уңай караш формалаштыру, Әмир һәм Әминәгә карата дуслык хисләре һәм аларга булышу хисләре уяту.

Танып-белү УУГ: билге-символларны куллана белү, кирәкле информация туплау, нәтиҗәләр чыгару, танып-белү максатын билгеләү.

Көйләгеч УУГ: соңгы нәтиҗәләрне исәпкә алып, максатларның эзлеклелеген билгеләү.

Коммуникатив УУГ: укытучыны, иптәшеңне тыңлау, үзара диалогка керү, үз фикереңне тулы әйтә белү, иптәшеңнең эшчәнлеген бәяләү.

Җиһаз:дәреслек, презентация

Дәрес барышы

1.Оештыру моменты.

Исәнләшү.

Узган дәресләрдә нинди хәрефләр өйрәнгәнне искә төшерү.

2.Әлифбадагы рәсем буенча әңгәмә үткәрелә.

Җөмләләр төзелә. Балалар “Көтүче сарыклар көтә” җөмләсен төзиләр һәм ы хәрефе кергән сүзләр әйтәләр.

3. Рәсемнәр белǝн эш.

Рәсемнәргә карап ылыс, чыршы, быргы, сарык, чыбыркы сүзләре белән танышалар, басым белән әйтергә өйрәнәләр.[ы] авазының әйтелешен берничә кабат әйтеп күрсәтү.

Аннан соң балалардан кат-кат әйттерелә. Аның сузыкмы тартыкмы икәнлеге ачыклана. [ы] авазы [и] авазы белән чагыштырылып әйттерелә. Кайсы калын, кайсы нечкә икәнлеге әйттерелә, кайсы калын, кайсы нечкә икәнлеге ачыклана.

4.Рус һәм татар телендәге [ы] авазы булган сүзләрне аерым-аерым да, бергәләп тә чагыштырып әйтеп карау.

Кыр-сыр, тын-тыл, кыз-посылка, сын-сын, кыр-был.

5. Физкультминут “Җил исә, исә, исә”

6. Сузык [ы] авазы һәм Ыы хәрефе белән таныштыру. Сузык [ы] авазы әйттерелә, әйткәндә авызның бераз ачык булуын, иреннәр елмайгандагы кебек як-якка җәелгәнен, тавышлы булуын, аны әйткәндә бу авазның тоткарлыксыз булуын аңлата.

Аа хәрефләре кабатлана. А, ы - калын сузык аваз хәрефләре икәнлеге аңлатыла. Ә, и - нечкә сузык аваз хәрефләре икәнлеге искә төшерелә.

7. Сүзлек эше.

Ылыс, чыршы, быргы, сарык, чыбыркы сүзләре өйрәнелә. Сүзләргә басым куеп, дөрес итеп укытыла.

8. Дәрескә йомгак.

-Нәрсә белдек,нәрсәгә өйрәндек дәрестә, укучылар?