Публикации детей.

Шойдокова Бальжина,

Буряад Уласай үндэһэтэнэй 1-дэхи лицей-интернат

Хүтэлбэрилэгшэ: Лубсанова Ц.В.

Сайн байна. Би мүнөөдэр танда захааминай буряадуудай замбаа тухай хөөрэхэ һанаатайб. Жэл бүри, зундаа Захаамин ошоходоо, төөбиингөө юумэ хэжэ байхыень харагша һэм. Ехэл амтатай үнэр гаража, ямаршье попкорн тиихэдэ хэрэггүй байдаг бэлэй.

Минии түрэл гарал, абамни замбаа хэдэг. Энэ намайе ехэ һонирхуулаа. Тиигэжэ би замбаа тухай, ямар эдеэн гээшэб, юун бии гээшэб гэжэ һонирхожо эхилээб. Энэ проектымни гол зорилго болоо.

Захааминай эдеэн замбаа-шэнжэлэлгын юумэн.

Замбаа болбол хатаагдаһан, хуурагдаһан шэниисэ болон ешмээнһээ хэгдэһэн эдеэн.

Замбаа хэхэдээ, иимэ хэрэгсэл хэрэглэдэг юм: тогоон, хатаамаг, уур нюдүүр, hабяа, тээрмэ.

Минии аба замбаа бэлдэжэ эхилхэдээ, эгээл түрүүн шэнэhэн түлеэгөө hайнаар бэлдэдэг. Һүүлдэнь таряагаа бог шоройһоонь сэбэрлэдэг.

Таряагаа тогоон соо хатаадаг. Дүрэхэгүйнь тула хатаамагаар таряагаа түргэ түргэн худхадаг.

Хуураһан таряагаа уур соо хэжэ, нюдүүрээр нюдэжэ, хальһанһаань сэбэрлэдэг.

Тэрээнээ һабяа руугаа хэжэ, һабижа эхилдэг. Һалхинда һабигдахадаа, үлүү бог шоройнь, хальһаниинь унажа, таряа ехэ сэбэр болодог.

Сэбэр болоһон таряагаа тээрмэдэхэдэ болохо. Тээрмэ сооһоо гараһыень аагаһан гэжэ нэрлэдэг.

Бэлэн аагаһаяа сай руугаа хэжэ, саахар, тоһо хэжэ, замбаагаа бэлдэдэг.

Мүнөө би танда хайшан гэжэ замбаагаа бэлдэдэг бэ хөөрэжэ үгэхэб. Багахан пиала-аяга соо халуун сай гү, али уһа хээд, томо халбагаар шара тоһо, сахар амтаараа нэмэжэ, хайлуулха.Тэрээн дээрээ аагаһаяа үдхэншэг болоторынь нэмэхэ. Замбаа бэлэн болоо. Сахар, масло өөрынгөө дураар нэмэхэдэ болохо. Амтатайгаар хооллогты.

Нэгэ халбага аагаһа халуун сай руугаа хэхэдэ, зутараан сай болохо.

Энэ элидхэлээ бэлдэжэ байхадаа, манай элинсэг хулинсаг, нээрээшье, үл хоол һайтай эдеэ эдижэ, элүүр энхэ бэетэй байһан юм гэжэ ойлгооб. Замбаа-энэ бурхадай эдеэн гэжэ хэлэхээр. Тиимэһээ бидэ элүүр энхэ байдалаа һэргээжэ, элинсэг хулинсагайнгаа ёһо заншал сахин, һэргээн ябаха ёһотойбди.

Бултанда һайн даа!!!