Публикации детей.

Цыцыкова Алтана,

Буряад Уласай үндэһэтэнэй 1-дэхи лицей-интернат

Хүтэлбэрилэгшэ: Лубсанова Ц.В.

Эжыдээ

Энэ алтан дэлхэй дээрэ

Эжыhээ үлүү хүн

Үгыл хаш даа, үгы.

Намдаа hанаагаа зобон,

Нойргуй hүнинүүдые үнгэргөөл.

Хүлдэ орохыем, хэлэдэг болохыем,

Хулеэжэ, ядадаг байгаал хаш .

Эжым намайгаа ойлгохол,

Эжым намайгаа дэмжэхэл,

Эжым намайгаа энхэрэн,

Эжым намайгаа аршалхал .

Эжынгээ ашые харюулхые

Оролдожо ходо ябахалби;

Эжыгээ үргэхэб,

Эжыгээ баярлуулхаб,

Эжыгээ ходол хүндэлхэб .

Буряад бээлэй

Буряад торгон бээлэйе

Хабар, намар, үбэлшье

Арhаар, бүдөөр, торгооршье

Урлалха, оеходо зохисотой.

Бэеынь түрүүшээр эсхэжэ,

Эрхыень зохидоор тааруулжа,

Дулаан байхыень hанажа,

Нооhо дундань хабшабаб.

Эжыдээ заалгажа байжа ,

Эрхыень hуулгажа тухашарбаб.

Таатайгаар оеhон бээлэйгээ

Хоргойгоор гоеожо шэмэглэбэб.

Ямбалжа оеhон бээлэймни

Яагаа зохид болошобоб?

“Уран басаган болохошни ха”,-гээд,

Урмашуулба намайгаа эжымни .

Гуниг

Хабарай дулаахан саг

Хабархан ерэжэ байна.

Байгаали нойрhоо hэргэжэ,

Багашуул баярлан гүйлдэнэ.

Нялхахан ногоохон бултайна,

Наранай элшэ шангарна .

Хорхой шумуулшье амидырна,

Шубуудшье пишаганалдана.

Харин энээхэн баярые,

Минии зүрхэн мэдэрнэгүй.

Сэдьхэлни гуниглан үбдэнэ,

Сээжыемни уйдхар дарана.

Эбтэй арад

Зэдын хоймор эзэлэгшэ

Бурин-Хаанай хормойдо,

Ирагуу Инзагата нютагтамни

Элдэб яhатан ажаhуудаг юм.

Ород, буряад, татар,

Чуваш, монгол, казах-

Эбтэй энхэ жаргалтай,

Буряад хэлэндэ дурланхай.

Дүү хүбүүн Сампилдаа

Сэбэр сагаан шарайтай,

Сэсэн hонор ухаатай,

Даруу номгон зантай,

Хатарха угаа дуратай.

Хүгшэн эжыдээ эрхэлхэ,

Зугаа наада гаргаха,

Зоригто ахаяа дахаха,

Дүүнэрээ хаража баярладаг.

Абынгаа нэрэ нэрлүүлхэ

Аятай зохид хүбүүн даа,

Эжыгээ үргэжэ ябаха

Эльгэ нимгэнтэй үри даа.