"Санамақ" ашық сабақ

admin · Апр 23rd, 2014 · 0 Comment

БҚО, Жаңақала ауданы, Бірлік ауылы
№5 «Жеткіншек» балабақшасының тәрбиешісі
Тулепова Гулжауар Набиоллиевна
Тақырыбы: «Санамақтар»
Білім беру саласы: Таным. Қатынас. Шығармашылық.
Бөлімдері: Математика. Тіл дамыту. Сурет.
Мақсаты: Балаларды санамақтар айтуға үйрету. Ұқыптылыққа, жылдамдыққа тәрбиелеу. Есте сақтау, ойлау қабілеттерін дамыту.
Алдын-ала жүргізілген жұмыстар: Санамақтар айту.
Әдіс–тәсілдер: Түсіндіру, көрсету.
Қажетті көрнекі құралдар: Ата, әже, папа, мама, аю, бала.
Қостілділік компонент: Ата – дедушка, әже – бабушка, папа – отец, мама – мать, бала – мальчик, аю – медведь.
Себепті қызығушылығын ояту кезеңі.
Саусақтарды саралап
Кел санайық санамақ,
Жалқауланба бас бармақ
Жұмыс сенен басталмақ.
Ұйымдастыру-шылық ізденіс кезеңі.
– Балалар мен сіздерге тақпақ айтып берейін тыңдайсыңдар ма ?
Жиып – теріп болатын
Қамбаға астық толатын
Қызыл қырман ойнайтын
Бұл қай кездеп ойлайсын?
Күз мезгілінің ерекшеліктерін айтыңдаршы?
Жарайсыңдар балалар.
Тақтаға назар аударайық.
Суретте ата, әже, папа, мама, бала көрсетілген.
Біздер бұларды бір сөзбен не деп атайтын едік балалар?
Дұрыс отбасы дейміз.
Мен сендерге отбасы жайлы санамақ айтайын сендер тыңдап отырыңдар.
Бір үйде біз нешеуміз?
Кел, санайық, екеуміз.
Бас бармағым – атам
Балан үйрек – әжем
Ортан терек – папам
Шылдыр шүмек – анам
Кішкентай бөбек – мен!
Бәріміз бірге қайталап айтайық.
Балалар бізге қонақ келе жатқан сияқты тыңдайықшы?
Бізге қонаққа келген қандай аң?
Аю: Сәлеметсіздер ме , балалар. Мен сіздерге орман елінен келе жатырмын мында санамақтар айтып жатыр деп естідім. Мен сендерге ертегі алып келдім. Мына сандықшамның ішінде ертегі бар соны апайларың сендерге айтып берсін.
Аю бізге өзі мен саусақтар жайлы ертегі әкелген.
Ерте заманда ағайынды бес саусақ болыпты. Олар өз тіршіліктерімен айналысыпты. Бас бармақ бақша баптапты, балан үйрек аула тазалапты, ортан терек ағаларына көмектесіпті, шылдыр шүмек кеікене бөбекті бағып , оған ертегі айтып беріпті. Осылай ағайынды бес саусақ өз тіршіліктерін жасап жүріпті. Бір күні орманнан аю келіп, бұлардың үйлерін құлатпақшы болады. Сол кезде бес ағайынды бірігіп, бір жұдырыққа тастүйін болып жұмылып аюға қарсы тұрады.Аю ағайындылардан қорқып қаша жөнеледі. Ағайынды саусақтар әрмен қарай тату – тәтті өмір сүрді
.
Балалар ормандағы аңдардың бейнесін саусағымызға кейіп атап шығайық.
Балалар шаршаған шығарсындар қане қолымызды дем алтып алайық.
Жалғыз саусақ тіпті де,ұстай
алмас жіпті де
Екі саусақ бірікті,ине қолға ілікті
Үш саусағым орамды, жүгіртеді қаламды
Өнерлі екен он саусақ
Қала салсақ, жол салсақ.
Балалар орнымызға отырып, ақ бетке өз саусағымызды бастырайық.
Балалар сендер оқу іс-әрекетіне жақсы қатыстыңдар. Осымен оқу іс- әрекетіміз аяқталды.
Іс-әрекетті бақылау кезеңі.
– Балалар отбасы туралы санамақ айтып беріңдер?
– Саусақтардың аттарын атаңдаршы?
– Қонаққа не келді?
Күтілетін нәтиже:
Баланың білуі: Санамақтарды білді.
Баланың меңгеруі: Ертегі мазмұнын меңгерді.

«Санамақ» ойыны

Мақсаты: «Санамақ» ойыны арқылы саусақтың аттарын үйрете отырып балалардың тілін дамыту. Сонымен қатар саусақтарының қимылын жетілдіру. «Қуырмашты» айта отырып, қой, түйе, қасқыр, жылқы, ешкі, түлкі деген сөздерді балалардың сөздік қорына енгізу.
Тәрбиеші :
-Қане, балалар, саусақтарыңды көрсетіңдерші?
Балалар қолдарын созып, саусақтарын көрсетеді.
-Ту-у-у, қолдарың қандай тап - таза, саусақтарың неткен әдемі. Балалар осы саусақтарыңның аттарын білесіңдер ме?
Тәрбиеші өзінің саусағын жая көрсетіп, әрқайсысын атай бастайды.
Балалар, бірінші саусағым - бас бармақ, ал екіншісі - балан үйрек, ал мына үшінші ұзын саусағым - ортан терек, төртіншісі - шылдыр шүмек, ал мына кішкентай ғана соңғы саусағым - кішкентай бөбек, - дейді.
Бас бармағым – бірінші,
Балан үйрек – екінші,
Ортан терек – үшінші,
Шылдыр шүмек – төртінші,
Кішкентай бөбек – бесінші.
Содан соң балалармен бірге бірнеше рет қайталайды.
Бұл ойында балалар саусақтың аттарына үйреніп қана қоймай, сандық ұғымды да түсіне бастайды. Осыдан кейін балалардың алақанын ашқызып «Қуырмаш» ойынын бастайды. Балалар тәрбиешіге қарап, қимыл жасайды. Тәрбиеші:
Қуыр-қуыр қуырмаш!
Балапанға бидай шаш!
Тауықтарға тары шаш!
Әжең келсе есік аш,
Қасқыр келсе мықтап бас.
Мына жерде қой бар,
Мына жерде ешкі бар.
Мына жерде сиыр бар,
Мына жерде жылқы бар,
Мына жерде түлкі бар,
Мына жерде күлкі бар.
Қытық!Қытық! - деп баланы қытықтайды.
Әр жануарды атағанда оның ойыншық түріндегі бейнесін немесе суретін көрсетіп тұрған жөн. Ойынды бірнеше рет қайталап ойнату керек.
Халықтық педагогика тәсілімен ойналатын осындай ойындар баланың тілін жаттықтыруға да, дүниетанымын байытуға да септігі мол.
Мұндай ойындарды жыл бойында бірнеше рет қайталаудың артықтығы жоқ. Тәрбие.орг сайтынан " Санамақ" ойын Балабақшадағы ашық сабақтар материалды тегін жүктеп сабақ барысында қолдануға рұқсат етіледі. Жарияланған материалға tarbie.org сайтының әкімшілігі жауапты емес

МҚКК «Ақбота бөбектер бақшасы»

Ашық сабақ

Тақырыбы «Санамақ»

Саз маманы:Смагулова Ж.К

2016-2016 оқу жылы

Күні:19. 01.2017

Білім беру саласы: Шығармашылық

Ұйымдастырылған оқу іс-әрекеті:Ән -күй

Тақырыбы: «Санамақ»

Мақсаты: Білімділік:музыка әуенімен балалардың ішкі сезімдерін ояту, әнді ести білуге дағдыландыру. Дамытушылық:Балаларды санамақтар айтуға үйрету. Есте сақтау, ойлау қабілеттерін дамыту .Тәрбиелік:Ұқыптылыққа, жылдамдыққа тәрбиелеу.

Билингвальдіқ компонент:

Білуі қажет: Әуенді мұқият тыңдап қимыл жасай білуі қажет.

Игеруі қажет: Әннің әуенін игеру қажет.

Ж-5