Тазалық денсаулық кепілі

Тақырыбы: «Тазалық - денсаулық кепілі»

Мақсаты: а) Балалардың денсаулық құндылықтары туралы түсініктерін кеңейту.

Тазалық құралдары туралы айта білуге, оларды пайдалана білуге үйрету.

ә) Қоршаған ортаны таза ұстап аялауға, өз денсаулығын сақтай білу іскерлігін дамыту.

б) Оқушыларды болашақтың тірегі болатын дені сау, жан - жақты азамат етіп тәрбиелеу.

Көрнекілігі:слайд - суреттер

Сабақтың барысы: І Ұйымдастыру кезеңі

Психологиялық дайындық

Қуанамын мен де,

Қуанасың сен де,

Қуанайық достарым!

Арайлап атқан күнге!

Мұғалім: Балалар, сендер болашақта қандай болғыларың келеді?/жауаптарын тыңдау/

- Мен ұлмын, сондықтан өжет, күшті, төзімді, көңілді болғым келеді.

- Мен қызбын, сондықтан нәзік, шыншыл, әділ, әдемі болғым келеді.

Мұғалім: Әдемі, нәзік, күшті болу үшін не керек? (Денсаулық)

Онда ауырмай әдемі, таза болу үшін өз - өзімізге қызмет көрсету дағдыларымен танысамыз.

І.Мұғалім:Балалар, денсаулық дегенді қалай түсінеміз?

Спорт

Денсаулық

Жеміс - жидектер

Күннің көзі

Дәріхана Су

Таза ауа

ІІ. «Денсаулық», «Тазалық» туралы өлеңдері оқылады.

Наргиз: Су - өмір жүрегі

Денсаулық тірегі.

Шөлдесең, қанасың,

Жуынсаң тазасың.

Қоршаған ауамен

Шығып кең далаға.

Шынық сен әрдайым

Керемет ауада.

Еркежан: Тазалықты іздесең,

Мөлдір судан аласың.

Жиі - жиі жуынсаң,

Аппақ таза боласың.

Тазалықты іздесең,

Шампунь, сүлгі керегі.

Бірі жуып шашыңды,

Бірі сүртіп береді.

Аружан: Тазалықты іздесең,

Айна, тарақ керегі.

Бірі тарап шашыңды,

Екіншісі көреді.

Тазалықты іздесең,

Тіс пастадан табасың.

Тістеріңді шөткеге,

Тазалатып аласың

ІІІ.Қорытындылау/сурет салу/