Текст на ненецком языке

Шича медя’ку.

Шутпяԯс

(из фольклора лесных ненцев, записанного П.Г.Турутиной)

Ӈоп мя’кна шича медякохоӈ диԓимэхэӈ. Наԓкадёмԯ дянаку, каԓчу ӈаймай. Нючадём ӈай дёԓьше нейхат, пётхат ни. Чикинта ченяна нюн ӈӭхеԓемай. Ва’авнта чеԯ ӈамыкута тытԓи шачтоштомай”. Хӭтде’та патку, каԓута, тувшанта – ӈамышейхана дёшиташтомай”. Тувшанта хомчаԓ ӈай пон копаку ӈӭштомай. Ӈаӆкадём медяку няханта пон маньштомай: «Неӈи тувшамта нита модюкут - кивы. Пётоӆьш ни пётоӆт, ӈамыӈ ӈайвам дешченӈа».

Нючадём медя’ку нянта ватаха” ништомай дюньшиӆи. Ӈоп мэмаӈ нючадём ни’ неньч няхананта пётуӆмай. Ӈамы” дёльшкана, шича нёныӈ деԯкат, дя’ ӈыӆат Ыльпиӈ ӈайвадяй’ ӈычимя! Ӈайвамта шича ӈутахана ня’ампита: «Дяӈэ, дяӈэ! Нены ӈайвай дешчеӈачь»!

Нехеӈ шедяч кадя. Ӈаӆкадём ни тувшамта тупахаԓя, Ыльпиӈ няӈшимня моӈата. Ыльпидяй панчота тувшамта тава’пётан, ӈаԯкадём неӆ пин кунай. Нючадём ни’ тувшамта дё’ӈата. Тувшамта пюӆтаханта, Ыльпидяй’ шипчаӈ чупей дя’ ӈыӆат дюӆкай. Ыльпи нючадём медякум кашаӈата ӈам. Ӈамытана’ нядюм’ пихит тыӈ шаньшум таӈа’. Ыльпи чикимта ӈамуԓтан, шича медякохоӈ кундихин.