Толағай сайысы

Денсаулық күні

Екінші кіші және ортаңғы топ балаларына арналған сайыс

Мақсаты: балалардың қимыл-қозғалысы арқылы денсаулығына, дене түзілісінің дұрыс жетілуіне назар аудару, халықтық тәрбиені бала бойына сіңіру, бір-біріне деген сыйластық, қамқорлық қарым-қатынасын нығайту, ептілікке, батылдыққа, жылдамдыққа баулу.

Көрнекілік: жалаушалар, шелек, ойыншық, доға, доп.

Күннің көзі ашылып, Көкке шуақ шашылып. Құтты қонақ келіпті, Төрімізге еніпті, Амандасу үлкенге, Тәрбиенің басы ғой, Ал, қанекей бәріміз, Сәлемдейік улкенге.

Балалар амандасады.

-Балалар, адамның көңілді болуы неге байланысты? /денсаулыққа/ -Денеміз сау, денеңіз сымбатты болуы ше? /Жақсы бимен, жаттығуға. / -Ендеше, денеміз сау болу үшін ең бірінші жаттығу жасайық.

Ақылды біз баламыз, Айтққан тілді аламыз. Жаттығу жасап, шынығып, Өсіп, үлкен боламыз.

-Балалар, шеңбер құрып, жаттығу жасайық. 1-ші жаттығу: Аяқ иық деңгейінде, қол екі жаққа жаюлы. «бір»дегенде қолдарын айқастырып, алақандарын жауырындарына жеткізеді.2 рет. 2-ші жаттығу: аяқ иық деңгейінде, қолды жоғары артқа қарай көтеріп, білектен ұстап, алға қарай еңкею керек.Балалар, қанекей, ағаш жарайық.3 рет.

3-ші жаттығу:аяқты қосамыз, оң қолды жоғары, сол қолды төменге ұстаймыз, алға айналдырып, жүземіз. -Тамаша, енді жарыс ұйымдастырамын.

Көк аспандай көкпеңбек, Қазақстан жалауы, Көк емес ол тектен-тек, Елдің ашық қабағы,-деп

«Кім епті?» сайысымызды бастаймыз.

Ойынның шарты: Кедергілердің арасынан өтіп, бір-біріне жалаушаны тапсыру.

Ұйымшы әрі жылдамсың ба? Әлде балбыр, боссың ба? Кел жарысып көрейік, Эстафеталық бұл ойында.

«Барлаушы» Ойынның шарты:доға астынан өту.

О,халайық, халайық, Мына ыдысқа қарайық. Керемет күшті қасиет, Допты жинап алады. «Кім көп жинайды?»

Ойынның шарты:Бір шелекке-көк, екінші шелекке-қызыл доп жинау.

Ат ертеуге жарайық, Жанына қамшы салайық. Жорға мініп жарысып, Бір тынығып алайық

-Ал, енді спорт сүйер балалар, көрермендер, қонақтар бүгінгі эстафеталық жарысымыз өз мәресіне де жетті.

Бүгін, міне, оң болып әр ісіміз, Жоғары боп, күш-жігер намысымыз. Осылайша қуанышпен думандатып, Аяқталды халайық жарысымыз.

МҚКК «Ақбота» бөбектер бақшасы

Денсаулық күні

Тәрбиеші:Шарипбекова Ж.М

2015-2016 оқу жылы