Усулдук бирикме 7-тиркеме

Мугалимдер практика жүзүндө өздөштүргүсү келген стратегиялар менен ыкмаларды айтышат.

Мугалимдер предметтик стандарттын негизинде белгилүү классты, теманы жана конкреттүү компеттенттүүлүктөрдү тандашат.

Мугалимдер сабактын же окутуунун максатын иштеп чыгышат.

Мугалимдер өтүлө турган сабактын темасына жана классына тиешелүү предметтик стандарт боюнча мазмундук багыттардын күтүлүүчү натыйжаларын жана компетенттүүлүктөрүн карап чыгышат.

Мугалимдер сабакты пландаштырууга керек ресурстар жөнүндө сүйлөшөт.

Мугалимдер сабактын этаптарында өткөрүлө турган көнүгүүлөр менен тапшырмаларды жана аларды өткөрүүгө кете турган убыкыт менен керектүү ресурстарды аныкташат.

Мугалимдер өздөрүн окуучулардын ордунда элестетип, окуу процессинде окуучуларда болушу мүмкүн болгон кыйынчылыктар же тоскоолдуктар жөнүндө окуучулардын көз карашы менен ой бөлүшөт.

Мугалимдер сабак учурунда окуучулар бериши мүмкүн болгон суроолорго кантип жооп берүү керек экендиги жөнүндө же мындай учурда пайда болгон ыңгайсыз учурлардан чыгуу жолдорун талкуулашат.

Мугалимдер окуучулардын окуу материалын канчалык деңгээлде өздөштүргөнүн билүү үчүн сабак учурунда кандай маалыматтар керек экендиги жөнүндө талкуу жүргүзөт.

Мугалимдер маалыматты топтоо формасы менен инструменттерди алдын ала макулдашат.

Алдын ала иштелип чыккан план боюнча мугалимдердин арасынан бирөө сабакты өтөт, калган мугалимдер окуучулардын ролун аткарышат.

Мугалимдер алдын ала макулдашкан багыт боюнча сабакка байкоо жүргүзүшүп, маалымат топтошот, керектүү жерлерин жазып алышат.

Байкоочунун милдетин аткарган мугалимдер сабакка катышпайт.

Усулчу же усулдук бирикменин жетекчиси сабактын максатын дагы бир жолу эскертет.

Сабакты өткөн мугалим өткөн сабагынын натыйжалуугун (күчтүү жана алсыз жактары) биринчи өзү баалайт.

Усулчу же усулдук бирикменин жетекчиси сабактын натыйжалуулугу боюнча ой-пикирлерин айтууда позитивдүү кайтарым байланыш эрежелерин сактоону эскертет.

Сабакка байкоо жүргүзгөн мугалимдер сабактын натыйжалуулугу боюнча ой-пикирлерин бөлүшөт.

Мугалимдер биргелешип өтүлгөн сабактан үйрөнгөндөрүн бөлүшүп, жыйынтык чыгарышат.

Мугалимдер кийинки кадамдарды (сабакка өзгөртүүлөрдү киргизүү, кайрадан өтүү же сабакты пландоо боюнча) пландаштырышат.