Оқыту мен оқуда өзгеріс енгізілгенін және ол басқарылғанын растайтын тізбектелген сабақтар топтамасы өткізілгені туралы рефлексивтік есеп.

Оқытудың кешенді міндеттерін және мұғалімнің әртүрлі жағдайларда жұмыс істейтіндігін ескерсек, тиімді деген сөздің мағыналық анықтамасы нақты емес, екіұшты болып шығады. Мұғалімдік қасиет – күрделі феномен, оның мазмұны мен өлшем құралдары жайында бірыңғай пікір жоқ. Мұғалімнің жұмысының тиімділігін анықтау өлшемі жөнінде түрлі пікірлер бой көтереді: ол мұғалімнің жетістіктері (біліктілігі т.б), оқыту үдерісі (оқыту әдістері) немесе жоғарыда аталған барлық факторлардың жиынтығы болуы мүмкін (Мұғалімге арналған нұсқаулық, 8 бет) және мұғалімдердің көпшілігі, білімдері мен кәсіби дайындықтарына сәйкес, өздерінің жұмыстары туралы толғаныста болатыны шындық, дегенмен бұл жердегі мақсат – үдерісті жарқын бейнелі, жүйелі және басқа адаммен ортақ ету, яғни «Рефлексивті практик» - деп (Мұғалімге арналған нұсқаулық, 52 бет) Джон Дьюи мен Дональд Шонн жазғандай мен өзімнің педагогиалық біліктілігімді арттыру үшін, әрқашанда ізденіс үстінде жүріп, тәжірибеме тиімділігі зор курстарға барынша қатысуға тырысамын. Менің бұрыңғы сабақтарымда көбінесе құнды мәліметтерді өзім бере отырып оқушыны мұғалім үстеліне бағынышты қылып қоятынмын. Дегенменде, сабақтарымды барынша қызықты өткізуге тырысып бағатынмын, өйткені, қазіргі заман оқушыларын қызықтыру өте қиын. Педагогикалық біліктілік арттыру курсынан өту менің іс-тәжірибеме үлкен өзгерістер еңгізді.