Үлгү алуу керек

Жакында Жалал-Абаддын Бекабадындагы Жийде айылында маркумдун жылдыгына катышып келдим. Таң калганым молдо (айылдын имамы) кире беришке олтуруп, чай куюп жатканы болду. Бизде молдону жашына карабастан эле төргө өткөрүшөт. Анын молдо экенин жанымдагы отурган адамдан сурап, анан билдим. Улам кечигип келген өзүнөн жашы улуу адамдарды жогоруга өткөрүп жатты. Өзүм билген сүрөлөргө салыштырып, анын сабаттуу окугандыгын баамдадым. Баары келип бүткөндө катмы-куранды окуду. Жасоолдун (эл башчынын) көрсөтмөсү боюнча кызмат кылган жигиттер катмыга катышкандарга келген себеттердеги нан-азыктарын бөлүштүрүп таратты. Ал эми дасторкондогу даам-азыктарды отургандар ооз тийип, бирок эч кимиси көтөрүп кеткен жок. Мен көргөн бир топ аймактарда дасторконду “тазалап”, бир "бүдүр" калтырбай баштыктарына салып кетишет. Элдер Жийделик туугандардан үлгү алса болгудай!