Үздіксіз даму – мұғалімнің педагогикалық шеберлігінің негізі

Әр оқушының болашақта өзін-өзі жүзеге асыра алуы ұстаздың өз пәнін терең білуіне, педагогикалық үдерісті тиімді ұйымдастыра алатындай қабілет-қарымының болуына байланысты. Педагогикалық шеберлік талант ғана емес, үйренудің, ізденудің нәтижесі. Ю.П.Азаров қалың оқырман қауымына арнаған публицистикалық басылымында:“Мен шеберліктің формуласын қайта-қайта айта беруге дайынмын, оның мәні: технология, қарым – қатынас, тұлға сияқты үштікте” дейді. Педагогикалық шеберлікке қол жеткізудің алғашқы шарты ғылым мен білімнің әдіснамасын білу және соның негізінде арнайы және психологиялық-педагогикалық пәндерді меңгеру болып табылады. Шебер педагог білімді, тәжірибесі мол, жан-жақты бола отырып, оқушыларды жеке тұлға етіп қалыптастыру мақсатында білім мен тәрбиені ұштастыра алуы қажет.