2. Работа над текстом. Литературное чтение на родном (башкирском) языке. 3 класс.

Әҙәби уҡыу 3 класс

Ҡыҙылтүш.

Был ҡупшыҡайҙы башҡа бер ҡош менән дә бутау мөмкин түгел. Кейемдәре бигерәк сағыу шул ҡупшыҡайҙың. «Түшелдерек» те ҡып-ҡыҙылдан, ә «бүрек»те ҡаранан һайлаған ҡыҙылтүш турғай. Беҙҙең яҡтарға ул көҙөн-ҡышын ҡайта. Әскелтем тәмле миләште, балан емештәрен, ағас бөрөләрен ярата. Еңелсә генә һикерәңләп тә ала.

Ҡыштың икенсе яртыһында ҡыҙылтүш көньяҡҡа табан осоп китә. Уларҙы Уралдың һалҡын ҡышы ялҡыта. Уны башҡа яҡтарҙа ла малайҙар, ҡыҙҙар көтәләрҙер. Тик яҙ етеүгә генә ул оя ҡора торған еренә барып етә. Ҡыҙылтүш оя ҡороу осоронда кеше күҙенә салынмай ситтәрәк йәшәй.

Беҙҙең төбәк төрлө ҡоштарға бик бай. Ваҡытлыса йәшәп китеүсе ҡыҙылтүш турғай тирә-яғыбыҙҙы тағы ла йәмләй.

Йорттарын йәмләр өсөн ҡоштарҙы ситлеккә бикләп ҡуйыусылар бар.

Ҡоштар шатлыҡлы һайрайҙар. Улар ирекле осорға яраталар. Бөжәктәр, орлоҡтар менән туҡланалар.

(«Тәбиғәт» журналынан)

1. Текста нимә тураһында һүҙ бара?

2. Ҡыҙылтүштәр нимә менән туҡлана?

3. Ҡыҙылтүштәр беҙҙең яҡтарҙы ҡасан ташлап китәләр?

4. Оя ҡороп, бала сығарған ваҡытта улар үҙҙәрен нисек тота?