5.Работа над текстом. Литературное чтение на родном (башкирском) языке. 3 класс

Әҙәби уҡыу 3 класс

Беҙҙең ғаилә.

Беҙҙең ғаиләлә дүрт кеше: атайым, әсәйем, ағайым һәм мин. Атайыма ҡырҡ ике йәш, ә әсәйемә – ҡырҡ. Улар икеһе лә уҡытыусылар.

Ағайым Башҡорт дәүләт университетының математика факультетында уҡый. Ә мин быйыл өсөнсө класты тамамлайым. Олатайым менән өләсәйем дә ошо ауылда Салауат Юлаев урамында йәшәйҙәр. Ял көндәрендә беҙ уларға барып йорт эштәрендә ярҙамлашып торабыҙ. «Эшләгәнең минең өсөн, өйрәнгәнең үҙең өсөн» - ти өләсәйем арҡамдан һөйөп.

Дәрестәрҙән һуң әсәйемә аш-һыу әҙерләшәм, һауыт-һаба йыуышам, саң һөртәм. Кәрәк саҡта магазинға барып киләм. Каникул осоронда кәртә-ҡуралағы эштәрҙе атайым менән ағайым бергәләп башҡаралар.

Буш ваҡыттарҙы бөтә ғаиләбеҙ менән бергәләп үткәрергә яратабыҙ. Ҡышҡы каникулда тауҙа саңғы шыуҙыҡ, Өфөгә цирк ҡарарға барҙыҡ. Миңә бигерәк тә көнгөрәнең бокс төртөшөүе, арыҫландарҙың утлы ҡулсанан һикереүе оҡшаны.

Ә һеҙ, дуҫтар, ялығыҙҙы нисек үткәрәһегеҙ?

1. Был ғаиләлә нисә кеше?

2. Авторҙың өләсәһе менән олатаһы ниндәй урамда йәшәй?

3. Авторҙың өләсәһе уға ниндәй кәңәш биргән?

4. Циркта ниндәй йәнлектәр сығыш яһаған?