Балаларға арналған тақпақтар

Қыс.

Далада қар борайды,

Ақ мамыққа орайды

Мұз болады, қатады

Жып жылтыр боп жатады.

***

Жаңа жыл.

Жасыл желен жамылған,

Асыл моншақ тағылған.

Міне сұлу шыршамыз

Көптен күтіп сагынған.

***

Аққала – ақ бала. 

Аққала мен ақ бала,
Сырғанайды сырғанақта.
Жаздым тақпақ бәріне,
Ақ қыс сұлу ақ өлең.
Ақ бала жасады аққала.
Ақ қар жатыр далада.

***
Көңілді қыс! 

Балалар шықты далаға,
Ойнап, күліп жүр енді.
Шаналармен азады,
Аққаланы соғады.

***

Нан қоқымын шашпаңдар
Жерде жатса баспаңдар
Теріп алып қастерлеп
Торғайларға тастаңдар

***
Ойыншығым құрастырғыш,
Көрсетеді көмегін.
Кімге көлік, кімге үй,
Құрастырам керегін. 

***
Ойыншықтарым көп менің,
Бәрін жақсы көремін.
Кешке дейін жалықпай,
Бірге ойнап жүремін. 

***
Ойыншығым қуыршақ,
Не берсем де жемейді.
Еркелігі соншама,
Көтермесем жүрмейді. 

***
Ойыншығым күшігім, 
Сүп сүйкімді, жұп жұмсақ. 
Шіренгені болмаса, 
Отырғандай ұл жұмсап. 

***
Ойыншығым қонжығым,
Анасын да білмейді.
Қорбаңдаған аюды,
Түсінде де көрмейді 

***
Ойыншығым көжегім,
Қорықпайды, қашпайды.
Тәтті сәбіз ұсынсам,
Ұстай алмай тастайды. 

***
Ұшағым бар ойыншық,
Ұщырмасам ұшпайды.
Айналам деп аспанды,
Шаршағанға ұқсайды. 

***
Ала добым аямай,
Ұрсам жерге өршиді.
Шығып кетіп қолымнан,
Паналады көрші үйді.

***
Досым маған ойыншық,
Машинасын сыйлады.
Бірақ оның ішіне,
Саусағым да сыймады. 

***
Ойыншығым торғайды,
Тракторға мінгіздім.
Жер жыртуды үйретіп,
Жолсыз айдап жүргіздім. 

***
Ойыншығым роботтың,
Тілін өзім білемін.
Жасанды темір адамның,
Басқарамын жүрегін. 

***
Айгөлек ау, айгөлек,
Айдың жүзі дөңгелек! 
Айдай толған кезімде, 
Би билеймін дөңгелеп!
Айгөлек ау, айгөлек,
Айдың жүзі дөңгелек! 
Күндей нұрлы шағымда
Күнге жетем өрмелеп

***
Біз кішкентай балдырған,
Сескенбейміз жаңбырдан.
Төбемізде қол шатыр,
Алдымызда жол жатыр. 

***
Күшік, мысық, балапан,
Қуыршағым балақан.
Кәне, бәрің тұрыңдар,
Ойын сауық құрыңдар. 

***
Ойыншықтарды шашпаймын,
Түймемді өзім қадаймын.
Жуып жеймін үнемі,
Алма, алмұрт, шиені.
Суды жақсы көремін,
Қашанда таза жүремін. 

***
Бақа, бақа, балпақ,
Басың неге жалпақ?
Темір телпек көп киіп,
Басым содан жалпақ.
Бақа, бақа, балпақ,
Көзің неге тостақ?
Қырдан алыс көп қарап,
Көзім содан тостақ.
Бақа, бақа, балпақ,
Бұтың неге талтақ?
Көп отырдым ерініп,
Бұтым содан талтақ. 

***
Кішкентай үлкен емес, 
Бір, екі, үш, төрт, бес.
Кішкентайы секірді,
Үлкен бала жүгірді. 


***
Атым менің Ғалым,
Атам менің ғалым.
Ағам менің ғарышкер,
Тоқтар ағай ғарышкер. 

***
Сүт бердім ботаға
Шөп бердім бұзауға.
Дән бердім шөжеге,
Су бердім құлынға. 

***
Бал бал балмұздақ
Бал бал балқаймақ.
Бал бал балақай
Қандай тәтті алақай! 

Бауырсақ

Апам мені пісірген,

Қызыл күрен бауырсақ.

Шықпай қояр түсіннен,

Біраз жемей сағынсақ.

***

Көктемде егін егетін,

Күзде жиып теретін.

Біздің дала – бай дала,

Алтын астық айнала.

Бес саусақ
Бас бармағым - атам, үйдің данасы.
Балаң үйрек - әжем, ошақ анасы.
Ортан терек - әкем, отау панасы.
Шылдыр шүмек - шешем, шаңырақ ажары.
Титтей - бөбек - мен, бәрінің базары.

Апта
Жеті күнім- бір Апта:
Жету үшін мұратқа,
Апта бойы құр жатпай,
Алға қарай бір атта!


Бауырсақ
Нәйім-нәйім баырсақ.
Ағын суға шомылсақ.
Жағасында гүл теріп,
Көбелектей жүгірсек.


Аю
Аю отыр партада,
Екі қолы қалтада.
А-дейді, Б-дейді.
Р-ға тілі келмейді.

Қоян
Қоян, қоян тұршы.
Беті қалыңды жушы.
Шашыңды тарашы,
Айнаға қарашы.

Санамақ
Бір-дегенім, білеу.
Екі - дегенім, егеу.
Үш - дегенім, үскіл.
Төрт - дегенім төсек.
Бес - дегенім бесік.
Алты - дегенім, асық.
Жеті - дегенім, желке.
Сегіз - дегенім серке.
Тоғыз - дегенім торқа.
Он дегенім - оймақ.
Он бір- қара жұмбақ. 

Анаға
Мамам, мамам, ақ мамам
Мен өзіңдей ақ балаң,
Айтқан тілінді аламын 
Жұмсағанда барамын. 

Әжем өрнек тереді,
Сырмақ отыр оюлап.
Басы ауыра береді,
Шай ішпесе, қоюлап.

Аяз ата келіп тұр,
Маған сәлем беріп тұр.
Тақпақ айтқан балаға
Қампиттерін беріп тұр. 

8 Наурыз

Мен гүлдердi жулмаймын
Торғайларды Қумаймын
АйтҚан сөзiн тындаймын
Анашымды сыйлаймын

Бала-бала баламыз,
Бақшамызға барамыз,
Күні-бойы қызыққа,
Батамыз-да, қаламыз!

жарқын жузді жан анам
сендей болсын бар адам
сендей болса бар адам 
шаттык кетпес баладан 

Кел ойнайық балақан

Бүкті міне алақан

Он саусағы түйісті

Басын қосып үйісті

Ортан қолым бір белес

Артқы жағы ергелес

Шумақтарым жұп-жұмыр

Жұдырығым жұп-жұмыр

Қ-сы:  Қуыр-қуыр қуырмаш

Балақанға бидай шаш

Ай-ай балақан

Жамандықтан қаш

2. Қане санап шығайық

Екі қолды алайық

Алайық бас бармақты

Сұқ саусағың салмақты

Тапшы оң мен солыңды

Тапшы ортаң қолыңды

Тапсаң ұнай қаласың

Олжалы боп қаласың