Электрондук эсептөөчү машина

Электрондук-эсептөө машиналары. Компьютерлердин түрлөрү жана алардын арналыштары

Компьютер - бул маалымат менен иштөөчү түзүлүш. Ал маалыматты кабыл алат, иштетет, сактайт жана ишинин жыйынтыгын чыгарып берет.

Маалыматты иштетүүнүн негизги этаптары: киргизүү, өзгөртүп түзүү, сактоо, чыгаруу . Ушунун бардыгы компьютердин аппараттык жабдылыштары деп аталган түзүлүштөрүнүн жардамында аткарылат.

“ Компьютер” деген сөз англис тилиндеги to compute, computer сөздөрүнөн келип чыккан, которгондо “эсептөө”, “эсептегич” дегенди түшүндүрөт (англис тилиндеги сөз өз учурунда латындын computo – “эсептеймин” деген сөзүнөн алынган). Баштапкы маанисинде англис тилиндеги бул сөз механикалык түзүлүштүн жардамы менен же аларсыз деле

арифметикалык эсептөөлөрдү жүргүзгөн кишини түшүндүргөн.

Компьютердик системанын курамы

Компьютердин минималдык курамына төмөнкүлөр кирет:

Компьютердин түрлөрү

Баардык персоналдык компьютерлер (ПК) эки түргө: портативдик жана стационардык болуп бөлүнөт.

Стационардык ПК деп өзүнүн туруктуу орду бар компьютерди түшүнөбүз. Бул компьютерлер чанда гана ордунан жылдырылат. Кадимки шартта

алар компьютердик столдо туруктуу орнотулган. Мындай машиналарды жумушчу станция деп атап койсо да болот, алардын кубаты интенсивдүү

эсептөөлөрдү жүргүзгөнгө жетет.

Портативдүү ПК – алып жүрүүгө мүмкүн

болгон компьютер. Өлчөмү боюнча анча чоң эмес, жеңил жана көп убакытка сырткы ток булагына кошуу муктaждыгы болбогон компьютерлер. Буларга ноутбук, нетбук жана планшеттер кирет

Ноутбуктар − бул кыйынчылыксыз көтөрүп жүрө ала турган компьютерлер. Алар аккумуляторунун болгондугу менен автономдуу (ток булагынан тышкары) иштөө мүмкүнчүлүгүнө ээ. Ноутбуктун стационардык компьютерлерден болгон негизги айырмачылыгы – андагы негизги түзүлүштөрдүн ыңгайлуу айкалышы. Ноутбук бир

эле корпусунда дисплейди, системалык биримдикти жана клавиатураны камтыйт.