Главные и второстепенные члены предложения.

Мевзу: «Джумленинъ баш ве экинджи дередже азалары. Текрарлав.»

Дерснинъ макъсатлары:

- Талебелернинъ джумленинъ баш ве экинджи дередже азалары

акъкъындаки бильгилерини умумийлештирюв;

- джумле азаларыны метинде бельгилемекни шекиллендирюв;

- агъзавий ве язма нутукъны зенгинлештирюв;

- тильге меракъ, иште дикъкъатлыкъны ашлав.

Планлаштырылгъан нетиджелер:

Шахсий:

• окъув фаалиетине догъру къыймет кесюв;

• мектепке, окъувгъа мусбет мунасебетте олмакъ;

• нутукъ эсасында озъ фикирлерини ве дуйгъуларыны сербест ифаделемек ичюн, лугъат байлыгъыны осьтюрмек

Предмет:

- баш ве экинджи дередже азаларны бельгилемек;

- берильген сёзлернен джумле тизмек;

- алынгъан малюматны нутукъта догъру ишлетмек;

Метапредмет:

Регулятив:

• дерете берильген окъув вазифелерни къабул этил, сакълап къалмакъ;

• берильген вазифеге коре озъ арекетлерини планлаштырув.

Огренюв:

• язма ве агъзавий шекильдще малюматларны бермек;

• умумийлештирмек.

Коммуникатив:

• чешит фикирлерни къабул этип бирликте чалышмагьа тырышмакъ;

• озъ фикирини ве позицияны анълатмакъ;

• бирликте чалышып, анълашып бир нетиджеге кельмек.

Дерснинъ чешити: текрарлав ве пекитюв дерси.

Дерснинъ донатылувы: джедвеллер, варакъалар, мультимедиа презентация, аудио.

Дерснинъ кетишаты

1. Тешкилий къысым. (Селямлашув)

Чанъ къакъылды,

Биз топландыкъ,

Дерсимизде башланды.

Насыл дерс башланды? (къырымтатар тили дерси).

1. Дерснинъ мевзу ве макъсадыны бельгилемек.

Презентациянен чалышув.

Муптеда – хабер = оюн шеклинде.

(дерс – башланды, анам – кельди, бабам – къуруджыдыр, мен окъуйым, Селиме яза ве окъуй.)

Насыл джумлелер тизильди? (кениш олмагъан джумлелер)

Оларны кенишлетмек ичюн не япмалы?(экинджи дередже азаларыны къошмакъ керек).

Лугъат диктант

Дефтернинъ, Ватанына, козьлюк, алып, окъуп, кетти, денъиз, аджайип, гъайып, салланды, тарафларгъа, тёкюльди, айтынъыз, сербест, мемлететимизнинъ.

(Дефтерлеринен денъишип, чифтлешип чалышалар)

1. Эв вазифесини тешкерюв.

2. Экология акъкъында субет.Суальге джевап берелер.

3. Синтактик талиль этемиз. Эки талебе такътада чалыша, къалгъанлар исе озь ерлеринде.

а) Оюндан къайтып кельген Осман былаштырылгъан дефтерни корип, агъламагъа башлады.

б) Аякъчылар келир, сени чалгъысыз – чагъанасыз оздырырлар.

ЛЕКСИК ДАКЪКЪА.

• Къ..биле, м..ллет, с..рлы, с..на, м..мл..кет, таб..ат, м..рам..тли, т..нчлыкъ, ..нван, къ..рм..зы, ач..вланды, б..йрам, дев..р, ш..нъ, ос..млик, от..мек, ..рзу.

Насыл сез чешитлери? Тешкермек ичюн 5 сл. ишлетемиз.

Не себептен сёз чешитлерини текрарладымыз?

(Чюнки джумле азалары чешит сез чешитлеринен ифаделене)

Бир джумлени. талиль этемиз

Саксаул къум чёллерининъ джаны ве ярашыгъы экен.

III. Пекитювге кечмек.

Раатлыкъ дакъкъасы.

Мевзу устюнден чалышмакътан эвель бир дакъкъа раатланамыз.

Эпинъиз козьлеринъизни юмынъ. Дюльбер, ешиль багъчаны тасавур этинъиз.

Сиз багъча бою кетесиз. Этрафта чешит чечеклернинъ къокъусы пек хошнут. Бу дюльберлик ичинде тек къушларнынъ назик татлы сеслери юреклерни охшай. Сеслер тына ве бизлер багъчаны четине етемиз. Бирден козюмизни ачамиз ве кене озь сыныфымызда къырымтатар тили дерсинде отурамыз.

Ишимизни группаларда девам этеджемиз.

Усеинов Р. ве Аблязизовке айры вазифе бериле. (карточкалар устюнде)

Биз кезинтиде олгъанда серин ельчик кягъытларымызны дагъыткъан, шимди бу джумлелерни тизип талиль этмелисиз.группа башы вазифени къорчалай.

Экинджи вазифени язми шекильде беджерелер ве группалар бири – биринен алмашып тешкерелер.

Учюнджи вазифени тахтада беджеремиз . эр бир группадан бирер талебе чыкъып къаикъ ичиндеки эджаларны къошып, джумле тизелер ве талиль этелер.

Ер-ни-ку-неш-я-раш-ты-рыр, ин-сан-ны-иш.

Тув-гъан-иль-нинъ-е-ри-джен-нет, су-ву-шер-бет.

Ва-тан-и-чюн-от-къа-тюш-сенъ,ян-маз-сынъ.

Дерсни нетиджелев. Суаллерге джевап берюв.

Рефлексия.

Учь не суалине джевап берелер.

Дерсте нени текрарладыкъ?

Нени яхшы билем?

Неге эмиет бермелимиз?

Баалав.

Эр группа озь баалав джедвеллериндеки бааларны айталар.

Умумий бааларны чыкъарамыз

Эвге вазифе. 141 –иш. Синтактик талиль этмек.

2. Эдебият китабындан 6 джумле язып, талиль этмек.

3. Иджадий иш. Джумле азалары акъкъында масал язмакъ.