Интерактивдүү доска

ИНТЕРАКТИВДҮҮ ДОСКАНЫ Ишке түшүрүү

Аркабаев Нуркасым Кылычбекович

Интерактивдүү доска деген эмне?

Интерактивдүү доска – бул атайын кабелдер менен проектор жана компьютерге туташтырылган сенсордук доска. Компьютерден сүрөттөлүш проектордун жардамында доскага берилет.

Ал эми манжанын же атайын маркердин жардамында доскага басуу менен компьютер башкарылат б.а. алар мыштын кызматын аткарып калат.

Интерактивдүү досканы иштетүү эмнеден башталат?

Эгерде интерактивдүү доска ErinBoard маркасындагы болсо, анда алгач досканы ишке түшүрүү үчүн төмөнкүдөй кадамда иш алып барабыз:

• Жогоруда сүрөттө көрсөтүлгөндөй тартипте атайын кабелдер (usb: доска-компьютер, vga, hdmi: проектор-компьютер) аркылуу туташтыруу керек.

Интерактивдүү досканы драйверин орнотуу

• Интерактивдүү доска менен компьютердин иштешин камсыз кылуучу драйвер программасын орнотуу керек. Ал үчүн ftp://ftp.oshsu/pub/ дарегиндеги ERIN_Board папкасын көчүрүп алабыз жана андагы autorun.exe программасын ишке түшүрөбүз.
• Пайда болгон терезеден driver кнопкасын басабыз. Бизге сунушталган диалогдорго жооп берүү менен драйвер программасын орнотууну аяктайбыз. Бул учурда досканын белгиси (значок) пайда болот.

Интерактивдүү доска үчүн программа орнотуу

• Интерактивдүү доска менен толук кандуу иштөө үчүн көптөгөн колдонмо (прикладдык) программалар иштелип чыккан. Алардын кээ бирлерин практика жүзүндө карайбыз. Ал эми ErinBoard доскасынын стандарттык программасын орнотуу үчүн орнотуу терезесинен Application кнопкасын басабыз. Бизге сунушталган диалогдорго жооп берүү менен программаны орнотууну аяктайбыз.

Интерактивдүү доска үчүн кошумча ресурстарды орнотуу

• Интерактивдүү досканы колдануу менен окуттуу учурунда анын мүмкүнчүлүктөрүн кеңейтүүчү кошумча плагиндерди жана ресурстарды кошуп алууга болот. Ал үчүн орнотуу терезесинен Plugin жана ResourceLib кнопкаларын басабыз жана сунушталган диалогдорго жооп берүү менен орнотуу процессин ишке ашырабыз.

Интерактивдүү досканы тууралоо (калибровка)

• Интерактивдүү досканын бурчтарынын жана оң-сол тарабындагы каражаттарынын координаталарын компьютерге аныктап берүү үчүн досканы калибровкалоо керек. Ал үчүн маселелер панелинен (панел задач) досканын белгисине (значок) мыштын сол кнокасын

басабыз жана пайда болгон менюдан

Calibration командасын тандайбыз. Калибровка-лоону практика жүзүндө ишке ашырабыз.