Пән: Тіл кемшіліктерін түзеу.
Дефектолог-логопед: Мухаметова А.М.
Сабық тақырыбы: Л-М салыстыру.
Сабақтың мақсаты: «Л-М» дыбыстарын сөзде, сөйлемде дұрыс айтуға машықтандыру. Сөйлемді 3-4 сөзден құрап, сұрақтарға толық және нақты жауап беруге үйрету. Дұрыс тыныс алуын қалыптастыру. Оқушыларды ұйымшылдыққа, сыйластыққа тәрбиелеу.
Көрнекілігі: түрлі-түсті суреттер; айналар, жемістер, магнит тақтасы, әріптер.
Сабақ барысы: І. Ұйымдастыру кезеңі. Психологиялық тренинг /майшам арқылы бір-біріне жақсы тілектер айтып, тыныс алу жаттығуын жасап, май шамды үру/.
ІІ. Жаңа сабақ. Л-М салыстыру.
Артикулляциялық жаттығулар. «Күрекше» - жалпақ тілді шығарып, астыңғы ерінге ұстап тұру.«Сағат» - тілді жіңішкертіп ұстап, оңға, солға жайлап қозғау керек.«Терезе» - аузымызды кең ашып жабамыз.
Босаңсыту жаттығулары. Алыста тұрған адамды өзімізге қарай шақырайық. /1-4/
Ерінге арналған жаттығу. Екі ерінді ауыз ішіне тарту /1-4/Үстіңгі және астыңғы ерінді кезек-кезек үстіңгі ауыз тіспен тістеу. /1-4/. Үстіңгі және астыңғы ерінді уқалау.
Л дыбысының айтылу ерекшелігі.Артикулляциялық қалпы: жалпақ тіл үстіңгі тістерге көтеріледі. Дыбыстық сипаты –дауыссыз үнді.«Л» әрпінің баспа, жазба түрлерін көрсету. Буындарды айту, әндетіп санап айту.Ла-ла-ла, ло-ло-ло, лу-лу-лу
М дыбысының айтылу ерекшелігі. - М дыбысын айтқанда еріндері жұмулы, ауа ағысының жолында кедергі бар, ауа ағысы еріндерді жарып өтетін тәрізді. Дыбыстық сипаты-дауыссыз үнді. «М» әрпінің баспа, жазба түрлерін көрсету. Буындарды айту, әндетіп санап айту.Ма-ма-ма, мо-мо-мо, лму-му-му.
Тапсырма №1 Сурет бойынша сөйлем құрау. Суреттің атын атау, буынға бөлу, қай буында екенін айту. Лақ, гүл, дөңгелек, жылан, балық, жолбарыс, түлкі, мысық, марал, алма, алмұрт, тағам, талғам.
№2 Жұмбақтар шешу, ойлау қабілетін, ұсақ моторикасын дамыту.
Әрі қызыл, әрі тәтті,
Татқан жанды таңырқатты. /Алма/
Сумаңдаған тілі бар,
Бұраңдаған ізі бар,
Тіл ұшында уы бар,
Ол не? /Жылан/.
Алма, жылан сөздерін тауып, буынға бөліп, «Л-М» әріптерін табу, магнит тақтаға жазу.
Сергіту сәті.
Көбелек болып ұшайық.
№3 «Л» дыбысына тақпақ жаттау.
«Жалт-жұлт» етіп лақ,
Жағалайсың бұлақ,
Секірем деп бірақ,
Қала көрме құлап.
№4 Жемістерді көрсете отырып, атын сұрау, түсін, көлемін, дәмін сұрау.
ІІІ. Жаңа сабақты қорытындылау.
- Біз бүгін қандай әріптермен таныстық?
- «Л-М» дыбыстарының баспа, жазба түрлерін көрсет.
- «Л» дыбысын айт. «М» дыбысын айт.
- «Л-М» дыбыстарына сөздер ойла.
ІV. Үйге тапсырма: «Лақ» өлеңін жаттау.