Ажыратқыш туралы түсінік

Автоматты ажыратқыштар

Автоматты ажыратқыштар - электр қондырғыларының артық жүктелуінен және қысқаша тұйықталуынан, сол сияқты электр тізбектерінің тұрақсыз ажырап-қосылуынан сақтауға арналған.

Бақыланатын параметр өзінің тағайындылған шамасына жеткен кезде автоматтардың түйіспелері ажырай бастағанға дейінгі уақыт олардың іске қосылу уақыты деп аталады.

Ажыратқыштар іске қосылу уақытына қарай үшке бөлінеді: әдеттегідей, іріктей және тез әрекет ететін.

Әдеттегідей іске қосылатын автоматтар қалыпты тогының мөлшеріне және құрылымдарына байланысты 0,02-0,1 секундтан кейін әрекет етеді.

Іріктей іске қосатын аавтоматтардың әрекет ету уақытын 1 секундқа дейін көбейтуге болады. Бұл электр тізбегінің аймақтарын қорғау үшін керек болады.

Тез іске қосылатын автоматтардың әрекет ету уақыты 0,005 секундтан аспауы керек.

Автоматтар түйіспелер мен доға сөндіргіш жүйелерден, жетектен, электрмагниттік және жылулық ағытқыш механизм мен блок түйіспелері бар коммутатордан тұрады.

А-63 типті бір полюсті автоматты ажыратқыштар электр тізбектерін қысқаша тұйықталудан және аса көп жүктелуден қорғауға, сол тізбектерді қосуға және ажырату үшін қолданылады.

AK-50 типті автоматты ажыратқыштар кернеуі 320В-ке дейін болатын тұрақты ток желісіне немесе кернеуі 400В-ке дейін жиілігі 50Гц болатын айнымалы ток желісіне қосылған электр қондырғыларын, қысқаша тұйықталудан және мүмкіндік шектен жоғары жүктелуден қорғауға пайдаланылады.

Электр тізбектерін қорғауына байланысты автоматтар мынадай түрлерге бөлінеді: қысқа тұйықталудан қорғауға арналған электрмагниттік ағытқышпен жабдықталған автоматтар; мүмкіндігі шектен артық жүктелуден қорғауға арналған жылулық ағытқыштармен жабдықталған автоматтар; қысқаша тұйықталудан және жылулық ағытқыштармен жабдықталған автоматтар, нөлдік қорғауға арналғанкернеу ағытқышпен жабдықталған автоматтар.

Автоматтарды қалқанға және басқа орындарға қосудың алдында олардың қосу және ажырату батырмаларын және т.б. тексеру керек.