Математик әкият.

Математик әкият Кем иң кирәклесе? Борын-борын заманда яшәгәннәр ди берурынлы 1 дән алып 9 га кадәр саннар. Алар арасында бәхәс купкан: кем иң кирәгерәк ? кем мөһимрәк? дигән сорауга җавап әзләгәннәр. 1 ле әйткән: “Мин иң кирәгерәге, чөнки саннар миннән башлана.”Шунда “3”ле каршы килгән :”Кит әле, кеше көлдермә, синдәй кәкре берле кемгә кирәк” дигән. Бәхәскә 9 лы да кушылган : “Ә сезнең арагызда мин иң олысы, мине барысыда ярата”. Бәхәс кызганнан-кызган. Шунда “6” лы әйткән :” Әйдәгез, мәктәпкә барыйк һәм кем кирәгерәкне балалардан сорыйк.” Саннар риза булып мәктәпкә килгәннәр. Иң беренче булып мәктәпкә “1”белән “2” лене кертеп җибәргәннәр. Күп тә үтмәгән, авыз-борыннарын салындырып, кәефсезләнеп килеп тә чыкканнар.”Безне балалар яратмыйлар, безнең белән сөйләшмиләр, бездән качалар, без аларга кирәк түгел” дип елый да башлаганнар. Саннар киңәшләшкәннәр дә “4” ле белән “5” ле не кертеп җибәргәннәр. Менә көтәләр икән, көтәләр икән, ә алар һаман чыкмыйлар. Шунда барлык саннар да кызыксынып , тегеләрнең хәлен белергә дип мәктәпкә кереп киткәннәр. Килеп керсәләр, шаккатканнар, балалар 4 ле белән 5 ле не күтәреп кенә өйртәләр. Аларны кочаклыйлар, үбәләр. Бу хәлләрне күреп калган саннар “Менә кем иң кирәгерәге, безгә монда урын юк икән”- дип ишеккә юнәлгәннәр. Ләкин балалар аларны туктатканнар һәм әйткәннәр:” Сез дә безгә бик кирәк, китмәгез, сездән башка математика фәне булмас иде, калыгыз” дип үтенгәннәр. Шул көннән башлап барлык саннар да дус булып математика илендә яшәп яталар ди. Ләкин балаларның иң яраткан саннары булып бүгендә 4ле һәм 5ле калган ди.

Мирзаянова Гөльяз 5 нче сыйныф