Мен жана дүйнө сабагы

Предмет: Мен жана дүйнө

Классы: 1-класс

Сабактын темасы: Биздин беш сезим

Сабактын максаты: Окуучулар беш сезим органын атап, алардын кызматын жана маанилүүлүгүн түшүнүшөт.

1. Кызыктыруу

Окуучулардын кызыгуусун арттыруу үчүн:

• Иш-аракет: Ар кандай буюмдарды (коңгуроо, лимон, жумшак оюнчук, атыр, алма) көрсөтөм.

• Суроо: «Балдар,булар эмнелер? Көзүбүздү жумсак, кантип билебиз?»

• Максаты: Окуучуларды сезим органдары жөнүндө ойлонууга түртүү.

2. Изилдөө

Окуучулар беш сезимди өз алдынча тажрыйба аркылуу сынап көрүшөт. Класс 5 топко бөлүнөт:

1. Көрүү сезими: Ар кандай түстөгү жана формадагы сүрөттөрдү кароо.

2. Угуу сезими: Жабык көз менен ар кандай үндөрдү (суунун шылдырашы, кагаздын тытылышы) угуу.

3. Жыт сезүү: Жабык идиштердеги жыттарды (кофе, лимон, пияз) жыттоо.

4. Даам билүү сезими: Туздуу, таттуу, кычкыл даамдарды татып көрүү.

5. Сезүү (тери) : Кутудагы буюмдарды кармалап, алардын катуу, жумшак же муздак кенин айтуу.

3. Түшүндүрүү

Изилдөөдөн кийин окуучулар менен биргеликте жыйынтык чыгаруу.

Маанилүү: Сезим органдары маалыматты кабыл алат, ал эми мээ аны иштеп чыгат.

4. Тереңдетүү

Бул этапта сезим органдарынын коопсуздугу жана аларды сактоо жөнүндө талкуу жүрөт.

• Тапшырма: «Эгерде биздин бир сезимибиз иштебей калса эмне болот?» (Мисалы, көзү азиз адамдар дүйнөнү кантип таанышат?)

• Талкуу: Сезим органдарын кантип коргойбуз? (Китепти жакын окубоо, кулакты чукубоо, өтө ысык тамак ичпөө ж.б.)

5. Баалоо

Сабактын жыйынтыгын текшерүү.

• Оюн: Окуучуларга бир нече сөздөрдү айтамын, окуучулар кайсы орган иштеп жатканын көрсөтүшөт. (Мисалы: «Апам бышырган нандын жыты» – окуучулар мурдун көрсөтүшөт).

• Рефлексия: «Бүгүн мен эмнени билдим? Кайсы сезим органы эң маанилүү деп ойлойм?»