Мүсіндеу "Саңырауқұлақ"

Екінші кіші «Көбелек» тобындағы ұйымдастырылған оқу қызметінің конспектісі

Тәрбиеші: Нуридилла Б.А.

Білім беру саласы: «Шығармашылық»

Пән: Мүсіндеу

Өтпелі тақырып:Көктем жаршысы құстар

Тақырыбы:Саңырауқұлақ

Мақсаты:

Тәрбиелік:Еңбекқорлыққа, ұйымшылдыққа, ұқыптылыққа тәрбиелеу.

Дамытушылық:Балалардың есте сақтау, ойлау қабілетін дамыту.

Оқыту:Түс ерекшеліктерін ажырата отырып бірнеше саңырауқұлақты мүсіндеу арқылы қажетті мүсіндеуге үйрету; үңгу, жалпақтау әдістерін меңгерту.

Педагогикалық технологиялар: Әңгімелеу, түсіндіру, ойын технологиясы

Ресусртармен қамтамасыз ету: Саңырауқұлақтың суреттері

Ұйымдастырылған оқу қызметінің барысы:

І. Ұйымдастырушылық кезеңі:

Шаттық шеңбері:

Тәрбиеші балалармен шаттық шеңберін жасайды.

Балалар саңырауқұлақтар туралы өлең, ертегі белміз бе?

Онда «Саңырауқұлақ» саусақ ойынын ойнайық.

Шынашағым орманға бар!

Шылдыр шүмек, саңырауқұлақ тап!

Ортан терек, тазалап ал!

Балаң үйрек, қуыра сал!

Бас бармағым, барлығын жеп,

Өсіп қапсың толып.

Саңырауқұлақтар үлкен, кіші, сары. ақ, қоңыр болады.

Кейбіреу улы болады. Өздері білетін саңырауқұлақ атауларын қайталап айтады.

«Саңырауқұлақ» саусақ ойынын білеміз. Балалар ойын мәтініне сәйкес қимыл-қозғалыс жасайды.

ІІ.Негізгі бөлім:

Енді осы саңырауқұлақтарды ермексазбен мүсіндеп көрейікші. Тәрбиеші саңырауқұлақ мүсіндеу жолдарын көрсетіп, түсіндіреді. Сары ермексазды алақан арасына салып, сопақша пішінге келтіреміз. Енді келесі саңырауқұлақты өздерің қалаған түсті алып, бас бармақпен ортасын үңгиміз, сұқ саусақпен қалпақтың пішініне келтіреміз.

Сергіту сәті:

Қане қанат жазайық

Қарлығаш болып ұшайық

Ұшып, ұшып алайық

Сауысқан болып секіріп

Торғай болып қонайық

Ақ түсті ермексаздан бірнеше ұсақ түйіршіктер жасап, қалпақтың үстіне жапсырамыз. Саңырауқұлақтың қалпағын түбіртегіне орналастырамыз. Жарайсыңдар балалар саңырауқұлақтарың өте керемет.

ІІІ. Қорытынды:

Балалар, бәрің де саңыраұқлақты әдемі мүсіндедіңдер! Осы әдемі саңырауқұлақтарды мүсіндеу шкафына орналастырайық.

Сендер бүгін не жасадыңдар? Балалардың жауабы.

Балаларды мақтап, мадақтап оқу қызметін аяқтау.