"Мұз тамшылары"

Ерте жас «Сылдырмақ» тобындағы ұйымдастырылған оқу қызметінің

конспектісі.

Тәрбиеші:Ахметші Д.Д

Білім беру саласы: «Шығармашылық»

Пән: Сурет салу

Өтпелі тақырып: «Жылғаулардан су ақты »

Тақырыбы: «Мұз тамшылары»

Мақсаттары:

Тәрбиелік: Бейнелеген заттарын музыка әуенімен қимыл-қозғалыста үйлестіре білуге бағыттау, ептілік пен жинақылыққа тәрбиелеу.

Дамытушылық: Бөліктерді қиылысына қарай пайдалана білуге, еңбексүйгіштікке, ұжыммен бірігіп жұмыс істей білу.

Оқыту: Табиғат құбылыстарын бақылай отырып, өз сезімдерін бейнелей білуге үйрету. Мұз тамшыларын қағаз бетіндегі жазықтықты дұрыс пайдалана отырып түсіруге жаттықтыру.

Педагогикалық технологиялар: Дамыту технологиясы,ойын технологиясы

Ресурстармен қамтамасыз ету:

Ұйымдастырылған оқу қызметінің барысы:

1.Ұйымдастырушылық кезеңі:

-Балалар мен сендерге жұмбақ жасырамын шешуін табыңдар.

Тырс-тырс тамады,

Тереземді қағады.

- Балалар бүгін күн қандай ашық па?

Бұлтты ма? Жаңбыр жауып тұрма?

- Балалар тақтадағы суретке мұқият қараңдаршы, бұл не?

-Түсі қандай?

-Жаңбыр жауғанда қандай дыбыс естіледі?

Қане тыңдап көрейік

2. Негізгі кезең:

Жетекші столдың үстін саусақтарымен тырсылдатып жаңбыр дыбысын бейнелейді.

Көркем сөз оқып беру.

Жаңбыр жаңбыр жауады,

Бәрін суға малады.

Біз қарындаш аламыз,

Тамшыларды саламыз.

- Балалар жаңбыр жаумас бұрын алдымен аспанда не пайда болады?

- Олай болса алдымен қағаз бетіне бұлтты салып аламыз. Бұлт қоюланғанда түсі сұр болады.Енді жаңбыр тамшыларын қағазға  былай түсіреміз(салу тәсілін көрсетеді)

Губканың бұрышын ақ түсті бояуға батырып алып, бір рет бастыру арқылы тамшы бейнесін түсіреді.

Қылқаламмен сүйкей жағып,дақтар түсіру тәсілімен де орындауға болады.Қағаз бетіне біркелкі шашырата салу қадағаланады.

Жұмыстарына басшылық жасалады. Аяқтаған жұмыстарын ауызша бағалау.

3.Қорытынды:

Музыка әуенімен «Жаңбыр тамшыларын тосамыз» деген қимылды ойын ойнатылады