Мұзафар Әлімбаев

Мұзафар Әлімбаев

( 1923 жылы туған )

• Мұзафар Әлімбаев 1923 жылы 29 қазанда Павлодар облысының Шарбақты ауданындағы Маралды ауылында туған.

•   М.Әлімбаев комсомолец кезінде ауылдан аттанып, арада жеті жарым жыл өткенде коммунист, жауынгер командир, офицер-танкист атанып, үйге оралды. Уақытты бағалауды, өмірді қадірлеуді, Отанды қастерлеуді үйреніп қайтты. Ақынның «Ту тіккен» дастанында Рейхстагқа алғаш ту қадағандардың бірі Рахымжан Қошқарбаевтың жан-дүниесін, қаһарман ерлігін шабытпен жырлайды. Бұл дастанда Советтік Қазақстанның саңлақ перзентінің сүйкімді бейнесі нанымды мүсінделген. Ал «Жүрек лүпілі» атты кітабында қазақ жерінің, кешегі Отан соғысының отты күндері жырланады. Мұзағаңның соғыстан кейін туған «Қарағанды жырлары», «Менің Қазақстаным», «Естай - Қорлан» секілді туындылары сол кезеңдегі қазақ поэзиясының да шынайы табыстары болып саналады. 

• Ақынның тырнақалды туындысы 15 жасында Павлодар облыстық “Қызыл ту” газетінде жарық көрді.
• Содан кейін оның өлеңдері мерзімді баспасөзде тұрақты көріне бастайды.
• Ұлы Отан соғысының отты жылдары ақын үшін үлкен өмір мектебіне айналады.

• 1948 жыла армиядан оралғаннан кейін ол “Пионер” журналында, 1956 -1958 жылдары “Қазақ әдебиеті” газетінде бөлім меңгерүшісі, бас редактордың орынбасары болып қызмет істейді.
• “ Балдырған” журналы шыға бастаған 1958 жылдан 1986 жылға дейін осы балалар басылымның бас редакторы міндетін атқарады .

• Ақынның алғашқы кітабы “Қарағанды жырлары” 1952 жылы баспадан шығады.
• Шығармалары 38 тілге аударылған.

Соның ішінде, орыс тілінде 6 кітабы, түрікмен тілінде “Мен түрікмен мейманы” (1963 ж.),қырғыз тілінде “Жолдар, Ойлар, Жырлар”(1966 ж.) жинақтары жарияланған.

• М.Әлімбаев – поэзия,балалар әдебиетінің дамыу,тіл тазалығы,жекелеген қаламгерлер шығармашылығы, т.б. Мәселелер туралы жүздеген мақала,эсселердің авторы.

• “ Менің ойыншықтарым” атты кітабы 1953 жылы шыққан.
• « Өрнекті сөз – ортақ қазына», «Қалам қайраты», «Көңіл күнделігінен» - қаламгердің сыншылық сындарлы талантын айғақтаған келелі кітаптар.

• М.Әлімбаев бұларға қоса бірегей еңбек – “Маржан сөз” атты аударма мақал - мәтелдер жинағын шығарады.
• Жүз сексендей өлең жазған.

• М.Әлімбаев – қазіргі қазақ балалар әдебиетінің көрнекті қайраткері.