Н дыбысы және әрпі

Пән: Тіл кемшіліктерін түзеу.

Дефектолог-логопед: Мухаметова А.М.

Сабық тақырыбы: Н дыбысы - әрпі Сабақтың мақсаты :

-Н дыбысын сөз ішінде дұрыс оқуға жаттықтыру, сауатты жазу және оқуға дағдыландыру;
-Сөздік қорларын байыту, тіл байлықтарын дамыту.Дыбыстардан сөз, сөзден сөйлем құрау,сөйлемдерді орнымен жүйелі қоя отырып мәтін құрастыра білу қабілеттерін дамыту.
-Оқушыларды сыпайылыққа, жолдастыққа, достыққа, бір-бірінің ойын түсінуге бірін-бірі тыңдай білуге тәрбиелеу.

Сабақ көрнекіліктері: суреттер, сөздер, буындар, т.б.

Әдіс-тәсілдер: сөздік-көрнекілік.

Сабақ барысы:

І. Ұйымдастыру кезеңі. Амандасу, балалар назарын сабаққа аудару.

ІІ. Артикуляциялық жаттығулар орындату.

«Кесе», «сылақшы», «тәтті тосап», «саңырауқұлақ», «құлыншақ»

ІІІ. Тыныс алу жаттығулары.

ІV. Жаңа сабақ

Жұмбақ арқылы ашу

  Ас біткеннің анасы,

Қасиетті нан осы.

Қайсы әріптен басталып

Аяқталған қарашы. (Н)

Екі тіреу, басқышы біреу.  (Н)

 Әуеден күбі түсті,

Күбінің түбі түсті. (найзағай) .     

- «Н» дыбысы

«Н» дыбысының артикуляциясы, сипаттамасы.

а) қайтала: ана, пана, нан, науа, тана, нақыш, нар, орман, бағбан, емен, немере, немене, неге, долана, шопан.

ә) Нан қоқымын шашпаңдар,

Жерде жатса баспаңдар.

Теріп алып қастерлеп,

Тоғайларға тастаңда!

б) Тақпақ жаттату: тіл дамыту.

Нан болса- ойнап- жүреміз

Нан болса-еркін жүреміз.

Нан- қасиет,

Нан- береке,

Нан- мереке,

в) Су, на, шу, ма, ну, ал, ра, ор, ау, са.

Ал-ма, ор-ма, са-на, ма-са.  Сөз, сөйлем құрастыру

Н-ның бас әрпі жазып,  нан сөзіне дыбыстық талдау жасау.

г) Жазу жұмысы: Диктант жазу:  ата, нан, нар. ыдыс, аула.

ғ) Ойын «Ұйқасын тап!»

Дан-дан-дан.

Жасадым ұя тақтайдан.

Са-са-са

шағып алды маса.

V. Сабақты қорыту:

«Н» әрпі бар сөздер айту

«Н»  дыбысы бар сөздерге  сөйлем құрау

1.Н әрпінен басталған сөздерді  табу

А)жапырақ

Ә) Нан

Б)көктем

2. «Нар» сөзіне дыбыстық талдау жасау

VІ. Үйге: Тіл жаттығулары.