Разработка занятий

МКҚК «Гүлдер» бөбекжайы

«Ауа шарлары» аптасы

2-апта (10-14 маусым)

Тәрбиеші: Берден М.М

Тақырыбы: «Үлкен-үлкен шар үрлейміз»

Мақсаты: Балаларға шар үрлеуді үйрету, балалардың шығармашылық қабілеттерін дамыту.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа Микки маус келді.

Микки маус: Сәлеметсіңдер ме балалар, балалар мен мультфильмдегі микки мауспын. Балалар мен сендермен ойын ойнағым келеді.

Тәрбиеші: Балалар, микки мауспен ойнаймыз ба?

Балалар қолдарын шапалақтайды, бастарын езейді.

Тәрбиеші: Микки маус балалар сенімен ойнағысы келеді екен. Онда менде сендермен қосылып ойнайын. Қандай ойын ойнаймыз Микки маус?

Микки маус: Өте жақсы, онда мен сендерге ойын жайлы айтайын. Балаллар менің қалтамда әуе шарлар бар, мен сендерге оны үрлеуді үйретемін. Ең алдымен демді кеудемізге жинаймыз содан сол ол ауаны шарға үрлейміз. Өте жақсы балалар, сендер тез үйренеді екенсіңдер.

Тәрбиеші: Балалар сендер шынымен де тез үйренеді екенсіңдер, жарайсыңдар!

Микки маус: Балалар шар үреуді үйрендік ендігі кезек ойында. Балалар осы шарларды үрлеп жарысып көрелік. Кім тез үрлейді, сол жеңіске жетеді.

Балалар шарды үрлеп жарысады

Көркем сөз:

Қызыл, сары, көк шар,

Қолымызды көп шар,

Әуеде қалқиды,

Әніміз шалқиды.

Тәрбиеші: Балалар шарды үрлеп жарысып болдық, енді ойын ойнайық

Баяу қимылды ойын: «Шарды көкке ұшырамыз»

Микки маус: Балалар маған сендермен ойнаған, уақыт өткізген өте қызықты болды. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Микки маусқа сау бол деп айтайық.

Тақырыбы: «Шарға сурет саламыз сайысы»

Мақсаты: Балаларға шарға сурет салып үйрету арқылы шығармашылығын дамыту

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа Түлкі келіпті.

Түлкі: Сәлеметсіңдер ме балалар, балалар мен Түлкімін. Балалар мен жарысуды жақсы көремін. Мен сендерге бір жақсы сайыс дайындап әкелдім.

Тәрбиеші: Балалар, түлкімен сайысамыз ба?

Балалар қолдарын шапалақтайды, бастарын езейді.

Тәрбиеші: Түлкі, балалар сенімен жарысқысы келеді екен. Онда менде сендермен қосылып сайысқа түсейін. Қандай сайысқа түсеміз? Маған өте қызық.

Түлкі: Иа, балалар ең алдымен мен сендерге әуе шарларын үрлеп беремін содан кейін сендер сол әуе шарына суреттер саласыңдар Жарай ма?

Балалар суретті фломастермен саламыз. Фломастер ең алдымен оң қолға алып саусақтарымыздың ұшымен ұстаймыз.

Тәрбиеші: Балалар сендер шынымен де тез үйренеді екенсіңдер, жарайсыңдар!

Түлкі: Сендер өте ақылды балалар екенсіңдер, маған сендермен сайысқа түскен өте қатты ұнады

Көркем сөз:

Қызыл,сары,көк шар
Қолымызда көп шар
Айдаймыз, күндейміз,
Ойнаймыз, күлеміз!

Баяу қимылды ойын: «Ойыншықты тап»

Түлкі: Балалар маған сендермен сайысқан , уақыт өткізген өте қызықты болды. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Түлкіге сау бол деп айтайық.

Тақырыбы: «Дидиактикалық ойын: өз түсімен қой»

Мақсаты: Ойын арқылы балаларға түстерді ажыратуды үйрету.

Далада әуен қосылып тұрады.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа Мысық келіпті.

Мысық: Сәлеметсіңдер ме балалар, балалар мен Мысықпын. Балалар мен сендермен ойнағым келеді. Жай ойнамай сендердің ақылдарынды тексергім келеді.

Тәрбиеші: Балалар, мысықпен ойнаймыз ба?

Балалар қолдарын шапалақтайды, бастарын езейді.

Тәрбиеші: Мысық, балалар сенімен ойнағысы келеді екен. Бәріміз бірге ойын

ойнайық.

Мысық: Балалар ойынның шарты мына шарларды оз шелектеріне салу керекпіз. Қарандаршы, шарлар екі түсті. Көк және қызыл. Шелегімізде екі түсте. Шарларымыз қай түсте болса сол түстес шелекке салу керекпіз.

Тәрбиеші: Балалар сендер шынымен де тез үйренеді екенсіңдер, жарайсыңдар!

Мысық: Сендер өте ақылды балалар екенсіңдер, маған сендермен ойын ойнаған ұнады.

Көркем сөз:

Қызыл, сары, көк шар,
Қолымызда көп шар.
Әуеде қалқиды
Әніміз шалқиды 

Баяу қимылды ойын: «Шар үрлейміз»

Мысық: Балалар маған сендермен ойын ойнап,, уақыт өткізген өте қызықты болды. Сендер өте ақылды балаларсындар. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Мысыққа сау бол деп айтайық.

Қолдарын бұлғайды.

Тақырыбы: «Суретті аяқта»

Мақсаты: Түрлі-түсті карандаштермен суретті бояуға үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа тышқан келіпті.

Тышқан: Сәлеметсіңдер ме балалар, балалар мен Тышқанмын. Балалар мен сендерге сурет салуды үйреткім келеді. Балалар қарандаршы мына суреттердегі жануарларға не жетіспей тұр? Құйрықтары жетіспей тұр иа? Балалар сендер сол жануарлардың құйрықтарын салу арқылы жануарларға көмектескілерін келе ме?

Қолдарын шапалақтайды.

Тәрбиеші: Балалар, тышқанмен бірге сурет саламыз ба?

Балалар қолдарын шапалақтайды, бастарын езейді.

Тәрбиеші: Тышқан, балалар сурет салғанды жақсы көреді. Сен оларға сурет салуға көмектесесің бе?

Тышқан: Әрине, балалар карандашты оң қолымыздың саусақтарының ұштарымен ұстаймыз да мына нүктелерді жүргізу арқылы суретті аяқтаймыз.

Тәрбиеші: Балалар сендер шынымен де тез үйренеді екенсіңдер, жарайсыңдар!

Тышқан: Сендер шығармашыл балалар екенсіңдер. Маган сендерге сурет салдыруға үйету ұнады. Сендер бәрін тез ұғып алдыңдар.

Көркем сөз:

Қызыл,сары,көк шар
Қолымызда көп шар
Айдаймыз, күндейміз,
Ойнаймыз, күлеміз! 

Қимылды ойын: «Жүгіріп жет»

Тышқан: Балалар маған сендермен сурет салып, уақыт өткізген өте қызықты болды. Сендер өте ақылды балаларсындар. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Тышқанға сау бол деп айтайық.

Қолдарын бұлғайды.

Тақырыбы: «Шарлар мерекесі»

Мақсаты: Шарлармен ойнау арқылы балалар жаз мезгілінің көңіл-күйлерін сездіру.

Бөлмеде музыка қосылып тұрады.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа көптеген шарлары бар сайқымазақ келіпті.

Сайқымызақ: Сәлеметсіңдер ме балалар, балалар мен Сайқымазақпын. Балалар бүгін бізде мереке!

Тәрбиеші: Сайқымазақ, қандай мереке?

Сайқымазақ: Бүгін бізде әуе шарлары мерекесі. Бұл мерекеде бәріміз шарларды үрлеп аспанға ұшырамыз. Олар көкке ұшқанды жақсы көреді.

Тәрбиеші: Балалар онда шарлардың көкке ұшуына көмек берейік. Бәріміз шарларды бірге үрлеп, саспанға ұшырайық.

Сайқымазақ: Жарайсыңдар, балалар! Балалар шарларды ұшырмас бұрын билеп алайық.

Би: Әуе шарларын ұшыру арқылы билеуге үйрету

Көркем сөз:

Балдырған баламыз ,

досты көп табамыз

Қашан да, қайда да,

достар бір-біріне сенімді боламыз!

Баяу қимылды ойын: «Допты қағып ал»

Сайқымазақ: Балалар, мен сендермен уақыт өткізген қатты ұнады, сендер өте көңілді балалар екенсіңдер. Келесі жылы осы мерекені сендермен тағы тойлауға келемін. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Сайқымазаққа сау бол деп айтайық.

Қолдарын бұлғайды.

МКҚК «Гүлдер» бөбекжайы

«Тазалық» аптасы

4-апта (24-28 маусым)

Тәрбиеші: Берден М.М

Тақырыбы: «Біз таза баламыз!»

Мақсаты: Әртүрлі фотосуреттерді балаларға көрсете отырып тазалыққа үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа тазалық әлемінің ханшайымы келіпті.

Ханшайым: Сәлеметсіңдер ме балалар, балалар мен тазалық лемінен келген ханшайым боламын. Балалар мен сендерге өз әлемімнің суреттерін әкелдім. Ол жақта бәрі тап-таза. Сендер көргілерің келе ме?

Тәрбиеші: Балалар, маған өте қызық, ал сендерге ше?

Балалар қолдарын шапалақтайды, бастарын езейді.

Тәрбиеші: Ханшайым, балалар суреттерді көруге асық сияқты. Бәріміз бірге тамашалап көрейік.

Ханшайым: Әрине, балалар міне көріп тұрғандарындай тазалық әлемінде бәрі мөп-мөлдір, тап-таза. Ешқандай кір, қоқым жоқ. Тазалық әлеміне тек таза адамдар бара алады. Таза болу үшін балалар біз әрқашанда қол-аяғымызды, бетімізді, тісімізді де таза ұстауымыз керек. Сонымен қатар киімімізде таза болу керек. Балалар үйімізді де таза ұстау керекпіз. Үйде аналарымызға үй жинасып тазалыққа үйренуіміз керек солай ма?

Тәрбиеші: Балалар сендер де Ханшайыммен бірге тазалық әлеміне барғыларың келе ме? Ондай болса, бәріміз бірге бүгін осы бөлмемеізді жинайық. Содан соң жуынып алайық иа?

Ханшайым:

Балалар, сендер өте таза балалар екенсіңдер!

Сырттан келіп үнемі,

Сабынмен қол жуамыз,

Таза болды мұнтаздай,

Тағамға қол созамыз.

Дидактикалық ойын: «Ойнайық та, ойлайық»

Ханшайым: Балалар маған сендермен ойын ойнап, уақыт өткізген өте қызықты болды. Сендер өте ақылды балаларсындар. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Ханшайымға сау бол деп айтайық. Қолдарын бұлғайды.

Тақырыбы: Сюжеттік-рөлдік ойын: «Ася қуыршақты суға түсіреміз»

Мақсаты: Қуыршақты суға түсіру арқылы балаларға таза болуды үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қонаққа қонжық келіпті. Балалар қараңдаршы, қуыршақты үсті кір сияқты.

Қуыршақ: Сәлеметсіңдер ме балалар, балалар мен жаңа сендермен ойнауға келе жатқанда құлап, үстімді лас қылып алдым.

Тәрбиеші: Балалар, онда біз қуыршаққа көмек берейік пе?

Балалар қолдарын шапалақтайды, бастарын езейді.

Тәрбиеші: Қуыршақ, біз балалармен бірге саған көмек бергіміз келеді. Біз сенің үсті-басынды тазалап, қалыпқа келтіреміз.

Қуыршақ: Әрине, балалар сендер көмек берсеңдер жақсы болар еді.

Тәрбиеші: Балалар, қуыршаққа көмектесу үшін, бізге шараша керек. Оған таза суды құямыз. Балалар судың темпереатурасы жылы болу керек. Әйтпесе қуыршақ тонып немесе күйіп қалуы мүмкін.

Қуыршақ: Балалар сендерге көп рахмет. Сендердің арқаларында менің үсті-басым тазарып қалды енді балалар менімен қуана-қуана ойнайды.

Балалар, сендер өте таза балалар екенсіңдер!

Жуамын, Жуамын,

Тісімді ысқылап,

Жуамын, Жуамын,

Қалмасын тісте қақ.


Дидактикалық ойын: «Таза бала боламыз.»

Қуыршақ: Балалар маған сендермен ойын ойнап, уақыт өткізген өте қызықты болды. Сендер өте ақылды балаларсындар. Мені енді балалармен ойнауға барамын. Сау болыңдар!

Тәрбиеші: Балалар Қуыршаққа сау бол деп айтайық.

Қолдарын бұлғайды.

Тақырыбы: Стол үсті театр: «Мойдодыр»

Мақсаты: Столүсті театрлау арқылы балаларды тазалыққа шақыру, жақсылық пен жамандықты ажыратуға үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Мойдодыр атты орыс ертегісінің кейіпкері келіпті. Балалар сендер ол ертегі жайлы білесіңдер ме?

Видео арқылы ертегіні көрсету.

Мойдодыр: Сәлеметсіңдер ме балалар, меен осы ертегінің кейіпкері Мойдодырмын. Балалар мен сендерді бастан аяқ тазалап беремін. СЕндер таза болуларын үшін қолданатын құралдаррдың бәрі менде бар.

Тәрбиеші: Балалар, онда біз Мойдодырдың құралдарың көргілерің келе ме?

Балалар қолдарын шапалақтайды, бастарын езейді.

Тәрбиеші: Мойдодыр, сен балаларға таза болу үшін пайдаланатын құралдарынмен танысқысы келетін сияқты.

Мойдодыр: Әрине, балалар сендер таза болуларын үшін еі алдымен таза су керек содан кейін сусабын керек. Қолдарымызды сабындап, көпіртеміз, кейін сумен шаямыз. Бетімізді де дұрыстап тазалап жуамыз. Ал тісіміз таза болу үшін тіс щеткасымен күніне екі рет тазалап отырамыз.

Мойдодыр: Балалар, сендер өте ақылды екенсіңдер. Сендерді таза болуға үйреттім деп ойлаймын.

Жуамын,
Жуамын,
Тес жегі болмасын.
Жуамын,
Жуамын,
Түрлі иіс қалмасын.
Тіс жуды балаңыз,
Анашым, қараңыз

Баяу-қимылды ойын: «Қолымызды жуайық.»

Мойдодыр: Балалар маған сендермен ойын ойнап, уақыт өткізген өте қызықты болды. Сендер өте ақылды балаларсындар. Мені енді басқа балаларды да тазалыққа шақырамын.Сау болыңдар!

Тәрбиеші: Балалар Мойдодыр сау бол деп айтайық.

Қолдарын бұлғайды.

Тақырыбы: Сюжеттік-рөлдік ойын: «Қуыршақтың көйлегін жуайық»

Мақсаты: Сюжеттік-рөлдік ойын арқылы балаларды тазалыққа, ұқыпты болуға, киімдерін таза болуына үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар, бүгін бізге қонаққа қуыршақ келіпті.

Қуыршақ: Сәлеметсіңдер ме балалар, балалар мен сендермен ойнап жүрген уақытта құлап көйлегімді кірлетіп алған сияқтымын. Балалар маған сендердің көмектерін қажет. Менің көйлегім кір болса басқа балалар менімен ойнамай қояды. Сендер менің көйлегімді жуып бере аласыңдар ма?

Тәрбиеші: Балалар, қуыршаққа көмек береміз бе?

Балалар қолдарын шапалақтайды, бастарын езейді.

Тәрбиеші: Қуыршақ, біз саған көмек береміз, Бізге сенің көйлегінді жуу үшін ең алдыменшараша, таза су және сусабын керек.

Қуыршақ: Балалар мен киім жууды білмеймін бәріміз тәрбиешіге қарап үйреніп алайық.

Қуыршақ: Балалар, сендерге көп рахмет сендердің арқаларында менің киімім тазарды.

Тәңертең де кешке де,
Жуын күндіз - кешке де,
Жуын күндіз - түсте де,
Жуын тамақ алдында,
Баяу-қимылды ойын: «Таза бала боламыз.»

Мойдодыр: Балалар маған сендермен ойын ойнап, уақыт өткізген өте қызықты болды. Сендер өте ақылды балаларсындар. Мені енді басқа балаларды да тазалыққа шақырамын.Сау болыңдар!

Тәрбиеші: Балалар Мойдодыр сау бол деп айтайық.

Қолдарын бұлғайды.

Тақырыбы: Кляксогарфия әдісі арқылы сурет салу «Сабынды көпіртеміз»

Мақсаты: Кляксогарфия әдісі арқылы сурет салу арқылы балалардың шығармашылығын дамыту.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге суретші қоян келіпті.

Қоян: Сәлеметсіңдер ме балалар, балалар мен Қоянмын. Балалар мен жәй қоян емеспін. Мен суретші қоянмын. Балалар мен бүгін сендерге сурет салуды үйретемін.

Қолдарын шапалақтайды.

Тәрбиеші: Балалар, қоянмен бірге сурет саламыз ба?

Балалар қолдарын шапалақтайды, бастарын езейді.

Тәрбиеші: Қоян, балалар сурет салғанды жақсы көреді. Сен оларға сурет салуға көмектесесің бе?

Қоян: Әрине, балалар қылқаламды оң қолымыздың саусақтарының ұштарымен ұстаймыз да сілкейміз, содан соң сол нүктелерді қосу арқылы өз қиялымыздар сурет саламыз.

Тәрбиеші: Балалар сендер шынымен де тез үйренеді екенсіңдер, жарайсыңдар!

Қоян: Сендер шығармашыл балалар екенсіңдер. Маган сендерге сурет салдыруға үйету ұнады. Сендер бәрін тез ұғып алдыңдар.

Көркем сөз:

Жуынсаң сен әрдайым
Аппақ бетің, маңдайың
Тазалықтың досы
Су дегенің осы

Қимылды ойын: «Шымар бала боламыз»

Қоян: Балалар маған сендермен сурет салып, уақыт өткізген өте қызықты болды. Сендер өте ақылды балаларсындар. Мені енді басқа да балалар күтіп отыр. Сендерге де тағы келемін. Сау болыңдар!

Тәрбиеші: Балалар Қоянға сау бол деп айтайық.

Қолдарын бұлғайды.

МКҚК «Гүлдер» бөбекжайы

«Ой, балақай абайла!» аптасы

4-апта (22-26 шілде)

Тәрбиеші: Берден М.М

Тақырыбы: «Дым білмес» ойын сауық «Жол ережелері туралы»

Мақсаты:Балаларға жол ережелері туралы шағын мағүлмат беру. Бағдаршамның үш түсін ажыратуға үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге дым білмескеліпті.

Дым білмес: Сәлеметсіңдер ме балалар, балалар мен Дым білмеспін. Балалар мен жолдан өте алмай тұрмын маған көмек бересіңдер ме?

Қолдарын шапалақтайды.

Тәрбиеші: Балалар, дым білмеске көмек береміз бе?

Балалар қолдарын шапалақтайды, «иа» деп жауап береді.

Тәрбиеші: Дым білмес, біз саған ең алдымен бағдаршам жайлы түсінік берейік.

Дым білмес: Әрине, балалар бағдаршам дегеніміз не? Мен білмейді екенмін.

Тәрбиеші: Балалар, бағдаршамның неше түсі бар? Дұрыс айтасыңдар, балаларғ бағдаршамның қандай-қандай түстері бар кім жауап береді? Жарайсыңдар!

Дым білмес: Сендер ақылды балалар екенсіңдер. Мен де сендер сияқты ақылды болғым келеді. Балалар бұл түстер қандай мағына береді?

Балалар сендер өте ақылды екенсіңдер!

Көркем сөз:

Көзі алысты қалт жібермей қырағы,

Бір көз жанса, қалғаны өшіп тұрады.

Қызыл, сары, жасыл түсті көздердің

Бас әрпінен үш түрлі ұғым шығады:

Қ — Қызыл түс — қимылдама, баспа алға,

Қиылыста қарап тұрма аспанға.

С — Сары түс — сәл сабыр ет, дайындал,

Ж — Жасыл түс, жүре бергін, жасқанба.

Дидиактикалық ойын: «Бағдаршам»

Дым білмес: Балалар сендер маған жол ережесі жайлы көп мағұлмат бердіңдер. Маған сендермен уақыт өткізген ұнады. Сендердің көмектерін арқылы мен жол ережесі жайлы көп нәрсе үйрендім. Сендерге де тағы келемін. Сау болыңдар!

Тәрбиеші: Балалар Дым білмеске сау бол деп айтайық.

Қолдарын бұлғайды.

Тақырыбы: «Жолдың белгілерімен таныстыру»

Мақсаты:Балаларға жол белгілері туралы шағын мағүлмат беру. Ойындар арқылы балаларға жол ережесін үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қоян келіпті.

Қоян: Сәлеметсіңдер ме балалар, балалар мен Қоянмын. Балалар мен жол қимылының бастығымын. Балалар сендер жолда тұрған белгілерді көрдіңдер ме?

Қолдарын шапалақтайды.

Тәрбиеші: Балалар, бұл белгілер қандай мағына білдіретінің білесіңдер ме?

Балалар «жоқ» деп жауап береді.

Тәрбиеші: Қоян , бізге жол белгілері жайлы түсінік берші, біздің балалар жол белгілері жайлы білмейді екен.

Қоян: Әрине, балалар мына жүріп бара жатқан адамды көрдіңдер ме? Бұл белгі адамдарға өтуге болады дегенді білдіреді. Жолда жүріп келе жатқанда осы белгімен өтсеңдер, барлық машна тоқтап сендердің жолдан өткенше күтіп тұрады.

Тәрбиеші: Балалар, егер сендер машина жүргізушісі болсаңдар,бұл белгіні көрсеңдер не істейсіңдер? Жарайсыңдар! Тоқтап, адамдарды өтіп кеткенше күтеміз.

Қоян: Сендер ақылды балалар екенсіңдер. Мен сендерге жол белгілері жайлы түіндіре алдым деп ойлаймын.

Көркем сөз:

Қиылыста, жол шетінде, бұрышта.

Түрлі-түрлі белгілер бар тұратын.

Жүресің бе, жүрмегенің дұрыс па.

Не істеу керек? Соған қарап ұғасың,

Қызыл шеңбер ішіндегі таңбалар,

Әлденеге қатаң тыйым салады.

Өміріңді қорғауға олар арналар,

Білемеген өкінішке қалады.

Сюжеттік-рөлдік ойын: «Жүргізуші»

Қоян: Балалар, сендермен ойын ойнаған өте көңілді екен. Бәріміз осы жол ережелерін сақтап жүрейік жарай ма?. Сендерге де тағы келемін. Сау болыңдар!

Тәрбиеші: Балалар Қоянға сау бол деп айтайық.

Қолдарын бұлғайды.

Тақырыбы: «Бағдаршам күні»

Мақсаты:Бағдаршамның түстерін ажыратуға үйрету. Түстердің мағынасы жайлы түсіндіру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге қоян келіпті.

Қоян: Сәлеметсіңдер ме балалар, балалар мен Қоянмын. Балалар жаяу жүргншімін. Балалар мынаны көрдіңдер ме? Бұл не?

Бағдаршам.

Тәрбиеші: Балалар, қоян бағдаршам жайлы білмейтін сияқты. Сендер білесіңдер ме? Балалар «иа» деп жауап береді.

Тәрбиеші: Қоян, бағдаршам арқылы жол қозғалысы жүреді. Бағдаршамның үш түсі бар. Балалар бағдаршамнан қандай түстерді көріп тұрмыз?

Қызыл, сары, жасыл.

Дұрыс айтасыңдар, Балалар бұл түстер қандай мағына білдіреді? Қызыл-тоқта. Сары-дайындал. Жасыл-жүреміз.

Қоян: Балалар бағдаршамның не екенін енді түсінген сияқтымын.

Тәрбиеші: Балалар,қанекей онда қоянмен бірге бағдаршамнан өтіп көрейік! Қоян: Сендер ақылды балалар екенсіңдер. Мен бағдаршам жайлы толық түсінген сияқтымын. Сендер ше?

Көркем сөз:

Бақылап жол тәртібін,

Өткізетін әр күнін.

Реттеушіні көрдім мен.

Қиылыстан дәл бүгін.

Ала таяқ қолында

Айтары көп оның да.

Не істеу керек, тұрса

Реттеуші жолыңда.

Дидактикалық ойын: «Көліктерді бақылаймыз»

Қоян: Балалар, сендермен ойын ойнаған өте көңілді екен. Бәріміз осы жол ережелерін сақтап жүрейік жарай ма?. Сендерге де тағы келемін. Сау болыңдар!

Тәрбиеші: Балалар Қоянға сау бол деп айтайық.

Қолдарын бұлғайды.

Тақырыбы: «Жолдан дұрыс өту ережесі» «Бағдаршам» суретін салу.

Мақсаты:Балаларға жолдан өті ережелерін түсіндіру. Бағдаршам суретін салу арқылы балаларға жолдың ережелерін түсіндеру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге түлкі келіпті.

Түлкі: Сәлеметсіңдер ме балалар, балалар мен Түлкімін. Балалар сендер жолдан өту ережлері жайлы білесіңдер ме? Балалар мен сендерге бүгін жолдан өту ережелерін түсіндіремін.

Қолдарын шапалақтайды.

Тәрбиеші: Балалар, жолдан өткенде қандай ережелерге бпғынамыз? Бағдаршам дегеніміз не екеннін білесіңдер ме?

Тәрбиеші: Қоян , бізге жол ережелері жайлы түсінік берші, біздің балалар жолдан өтерде қандай ереже арқылы жүрі жайлы білмейді екен.

Түлкі: Әрине, балалар жолдан өтер кезде ең алдымен оң және сол жағымызға қарап аламыз. Егер машиналар болса олардың өткенін күтеміз. Немесе жолдан ақ жолақтарды іздейміз. Егер ақ жолақтарды көрсеңдер сол жолмен жүреміз. Себебеі ақ жолақтар бар жерде көліктер адамдардың өткенін күтеді.

Тәрбиеші: Балалар, бағдаршамнан өтерде қызыл түс немесе тоқта белгіс тұрса не істейміз? ,Жарайсыңдар! Тоқтап, көліктер өтіп кеткенше күтеміз.

Түлкі: Сендер ақылды балалар екенсіңдер. Мен сендерге жол ережелері жайлы түіндіре алдым деп ойлаймын.

Көркем сөз:

Жол шетіне келгенде,

Тоқтай қалып мен демде.

Көз саламын арнайы

Белгісі бар жерлерге.

Қауіпті ғой көше тым,

Қумай жолдың төтесін.

Жолақтарды іздеймін

Жаяу адам өтетін.

Асықпаймын аптығып,

Алдым мұны жақсы ұғып.
Дидиактикалық ойын: «Бағдаршам не үшін керек?»

Түлкі: Балалар, сендермен ойын ойнаған өте көңілді екен. Бәріміз осы жол ережелерін сақтап жүрейік жарай ма?. Сендерге де тағы келемін. Сау болыңдар!

Тәрбиеші: Балалар Түлкіге сау бол деп айтайық. Қолдарын бұлғайды.

Тақырыбы: «Өрт сөндіргіштер» туралы әңгіме

Мақсаты:Балаларға суреттер көрсету арқылы өрт сөндіргіштер жайлы мағұлмат беру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге өрт сөндіргіш көліктері келіпті.

Көліктер: Сәлеметсіңдер ме балалар, балалар біз өрт сөндіргіш көліктерміз. Балалар сендер біз секілді көліктерді көрдіңдер ме? Балалар біз сендерге бүгін өрт сөндіру жайлы айтымыз.

Қолдарын шапалақтайды.

Тәрбиеші: Балалар, өрт қалай пайда болатынын білесіңдер ме?

Тәрбиеші: Көліктер , бізге өрт қалай пайда болатыны жайлы түсіндірші, біздің балалар білмейді екен.

Көліктер: Әрине, балалар, ең алдымен өрт шырпымен ойнағанда пайда болуы мүмкін. Сондаықтан шырпымен ойнаға болмайды. Немесе өрт әртүрлі электроқұрылғылардын пайда болады. Егер сендер өртті көріп қалсаңдар, телефон арқылы 101 нөміріне хабарласуымыз керек.

Тәрбиеші: Балалар, сонымен өрт байқасақ не істеу керек? ,Жарайсыңдар! Көліктер: Сендер ақылды балалар екенсіңдер. Мен сендерге өрттің пайда болуы жайлы түіндіре алдым деп ойлаймын.

Көркем сөз:

Қаламызда қырандай,

Самғар көлік табылар.

Троллейбус пен трамвай

Автобустар тағы бар.

Автобусқа асығып,

Жолды кесіп өтпеймін.

Доп тепкендей асырып,

Бос қалбырды теппеймін.

Жол шетіне трамвай

Келе алмайды күтсең де.

Болу керек тым абай,

Мінгенде не түскенде.

Өзім барар бағыттың,

Нөмірін де білемін.

Ережеге қанықпын,

Артқы есіктен кіремін.

Дидиактикалық ойын: «Өрт сөндіргіш көлікті тап»

Көліктер: Балалар, сендермен ойын ойнаған өте көңілді екен. Бәріміз осы жол ережелерін сақтап жүрейік жарай ма?. Сендерге де тағы келемін. Сау болыңдар!

Тәрбиеші: Балалар Түлкіге сау бол деп айтайық. Қолдарын бұлғайды.

МКҚК «Гүлдер» бөбекжайы

«Мейірімділік» аптасы

2-апта (05-09 тамыз)

Тәрбиеші: Берден М.М

Тақырыбы: «Менің мейірімді отбасым»

Мақсаты:Балаларға сурет арқылы отбасы мүшелерін атап көрсету

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге үлкен әже келіпті.

Әже: Сәлеметсіңдер ме балалар, балалар мен Әжемін. Балалар мен сендерден отбасыларын жайлы білуге келдім. Балалар сендердің отбасыларын бар ма?

Қолдарын шапалақтайды. «Иа!» деп жауап береді.

Тәрбиеші: Балалар отбасы деген не?

Балалар жауап береді.

Тәрбиеші: Балалар, жарайсыңдар сендер отбасы деген біздің ата-анамыз, туған бауырларымыз.

Әже: Әрине, балалар ойын ойнайық, Ойынның аты «Әжеме арнап гүл жинаймын»

Тәрбиеші: Балалар, сендердің үйлерінде әжелерін бар ғой солай емес пе? Жарайсыңдар!

Әже: Сендер ақылды балалар екенсіңдер. Менің де сендер сияқты ақылды немерелерім бар.

Көркем сөз:

Қамқор болған қашан да,
Менің әжем ақ әжем.
Тірегім болған қашан да,
Алтын әжем, ақ әжем.

Қимыл-қозғалыс ойыны: «Әжеме арнап гүл сыйлаймын»

Әже: Балалар сендер отбасыларын жайлы жақсы біледі екенсіңдер. Үйлеріне барғанда ата-анларынның бетінен сүйіп қуантып қойыңдар. Сау болыңдар!

Тәрбиеші: Балалар Әжемізге сау бол деп айтайық.

Қолдарын бұлғайды.

Тақырыбы: «Құстарды қоректендіру»

Мақсаты:Балаларға құстардың түрлерін көрсете отырып, атауларын атап үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге аю келіпті.

Аю: Сәлеметсіңдер ме балалар, балалар мен Аюмын. Балалар мен аспанға қараңдаршы, қандай әдемі. Балалар кімнің дауысын естіп тұрсыңдар? Дұрыс айтасыңдар, балалар бұл құстар. Қолдарын шапалақтайды. «Иа!» деп жауап береді.

Тәрбиеші: Балалар қазір қандай мезгіл?

Балалар жауап береді.

Тәрбиеші: Балалар, дұрыс айтасыңдар жаз мезгілінің соңғы айы да келіп қалыпты.

Аю: Балалар аспанда ұшып жүрген құстардың аттарын білесіңдер ме?

Тәрбиеші: Балалар, мына сурреттерді қараңдаршы осы құстарға ұқсайтын құстарды көріп тұрсыңдар ма?

Аю: Сендер ақылды балалар екенсіңдер. Балалар мында ағашта құстар бар сияқты. Дұрыс айасындар, осы торғайларды қоректендірсек қалай қарайсыңдар?

Көркем сөз:

Жыл құстары келді деп,
Балдырғандар мәз болды.
Қос қанатты желпілдеп,
Көлге үйрек – қаз қонды. 

Қимыл-қозғалыс ойыны: «Ұшты-ұшты»

Аю: Балалар сендер бүгін құстар жайлы біраз нәрсе білдіңдер деп ойлаймын. Сау болыңдар!

Тәрбиеші: Балалар Аюға сау бол деп айтайық.

Қолдарын бұлғайды.

Тақырыбы: «Айгүл әжемізге арнап дастархан жайамыз»

Мақсаты: Балаларға жемістерді жинауға, дастархан жаюға үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Айгүл әжеміз қонаққа келеді. Оған арнап бәріміз біргі дастархан жаяйық.

Балалар бірақ бізде дастарханымызға қоятын ештене жоқ екен.

Тәрбиеші: Балалар әжемізге арнап жеміс-жидек жинасақ, қалай қарайсыңдар?

Балалар «Иа» деп жауап береді.

Тәрбиеші: Балалар, мына жерден қандай жемістер көріп тұрсыңдар.

Балалар жемістердің аттарын атайды.

Тәрбиеші: Балалар, мына сурреттерді қараңдаршы осы жемістерге ұқсайтын жемістерді көріп тұрсыңдар ма? Балалар бізге Айгүл әжеміз келіп қапты.

Айгүл әже: Сендер ақылды балалар екенсіңдер. Балалар сендерге көп рахмет.

Көркем сөз:

...Міне, міне менің әжем қазан асып от қойды,

Онда тағам аз ба, көп пе – ешкім оны сөкпейді.

Жалғыз-ақ тек: «асқа қара» – деген сөзге жұрт ұйып

Жата кетер құсжастықты шынтағымен бір түйіп.

Қимыл-қозғалыс ойыны: «Жемістерді жинайық»

Айгүл әже: Балалар сендердің қонақжайлықтарына көп рахмет. Сау болыңдар!

Тәрбиеші: Балалар Айгүл сау бол деп айтайық.

Қолдарын бұлғайды.

Тақырыбы: «Мен кішкентай көмекшімін»

Мақсаты: Балаларға үлкендерге көмек беру жөнінде әңгілеп беру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Маша қонаққа келеді. Балалар бірақ бізде дастарханымызға қоятын ештене жоқ екен.

Маша: Балалар бүгін мен сендерге үлкендерге көмек беру жайлы айтып беремін.

Балалар «Иа» деп жауап береді.

Тәрбиеші: Балалар, сендер үлкендерге көмек бересіңдер ме?

Балалар «Иа» деп жауап береді.

Тәрбиеші: Балалар, сендер үлкен адамдарға қалай көмек бересіңдер?

Маша: Сендер ақылды балалар екенсіңдер.

Көркем сөз:

Мен кішкентай баламын

Кітап оқи аламын.

Дәптер, қалам, сызғышты

Сөмкеме өзім саламын.

Дидактикалық ойын: «Үлкендерге көмек»

Маша: Балалар сендерді үлкендерге көмек бересіңдер деп ойлаймын. Сау болыңдар!

Тәрбиеші: Балалар Маша сау бол деп айтайық.

Қолдарын бұлғайды.

Тақырыбы: «Жақсы мен жаман»

Мақсаты: Балаларға жақсы мен жаман туралы түсінік беру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Мысық қонаққа келеді.

Мысық: Балалар бүгін мен жақсы мен жайлы айтып беремін.

Балалар «Иа» деп жауап береді.

Тәрбиеші: Балалар, мына суреттерге қарап, қайсы іс жақсы қайсы іс жаман екені жайлы айтып беріңдерші.

Балалар жауап береді.

Мысық: Балалар, сендер көп нәрсе біледі екенсіңдер.

Мысық: Сендерден көп нәрсе үйреніп қалдым.

Көркем сөз:

Жақсыдан жаман туар - бір аяқ асқа алғысыз, жаманнан жақсы туар - адам айтса нанғысыз.

Мақал - мәтел

Жақсы ердің ішінде - алтын ерлі ат жатады, жақсы әйелдің ішінде - алтын бесікті ұл жатады.

Мақал - мәтел

Жаман деген атпен жасағанша - жақсы деген атпен жаныңды қи.

Мақал - мәтел

Келінің жаман болса - ұлыңнан көр, күйеуі жаман болса - қызыңнан көр.

Мақал - мәтел

Жаман құдаңды өкпелетсең - жақсы құдаңның көңілі қалады.

Мақал - мәтел

Дидактикалық ойын: «Жақсы жаман»

Мысық: Балалар бүгінгі өткен тақырыбымыздан керектерінді алдындар деп сенемін. Сау болыңдар!

Тәрбиеші: Балалар Мысыққа сау бол деп айтайық.

Қолдарын бұлғайды.

МКҚК «Гүлдер» бөбекжайы

«Қош бол жаз!» аптасы

4-апта (19-23 тамыз)

Тәрбиеші: Берден М.М

Тақырыбы: «Жаз несімен қызықты болды» әңгіме

Мақсаты: Балаларға жаз айларындағы қызықтарын еске ала отырып, әңгімелеуге үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Жаз мезгілі қонаққа келеді.

Тәрбиеші: Балалар сендер қазір қандай мезгіл екенін білесіңдер ме?

Балалар «Иа» деп жауап береді.

Жаз: Балалар, мен жаз мезгілімін. Балалар жаз мезгілі аяқталып қалды. Балалар сендер жаз мезгілінде немен айналысқандарын естеріңдер ме?

Тәрбиеші: Балалар,естеріңе түсіріңдерші біз жаз мезгілінде немен айналыстық?.

Балалар әңгімелеп береді.

Жаз : Сендер ақылды балалар екенсіңдер. Балалар сендер жаз мезгілі жайлы тақпақ білесіңдер ме?

Көркем сөз:

Жаз қызығы.

Көбелектер би билеп,

Еңбекші ара бал жинап,

Балалар тоймай ойынға,

Өтеді жаздың әр күні.

Қимыл-қозғалыс ойыны: «Біз көңілді бүлдіршінбіз»

Жаз: Балалар сендермен биылғы жыл өте қызықты болды. Келесі жыл бұдан да қызықтырақ болады деп сөз беремін! Сау болыңдар!

Тәрбиеші: Балалар Жаз мезгіліне сау бол деп айтайық.

Қолдарын бұлғайды.

Тақырыбы: «Жаз несімен қызықты болды» әңгіме

Мақсаты: Балаларға жаз айларындағы қызықтарын еске ала отырып, әңгімелеуге үйрету.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Жаз мезгілі қонаққа келеді.

Тәрбиеші: Балалар сендер қазір қандай мезгіл екенін білесіңдер ме?

Балалар «Иа» деп жауап береді.

Жаз: Балалар, мен жаз мезгілімін. Балалар жаз мезгілі аяқталып қалды. Балалар сендер жаз мезгілінде немен айналысқандарын естеріңдер ме?

Тәрбиеші: Балалар,естеріңе түсіріңдерші біз жаз мезгілінде немен айналыстық?.

Балалар әңгімелеп береді.

Жаз : Сендер ақылды балалар екенсіңдер. Балалар сендер жаз мезгілі жайлы тақпақ білесіңдер ме?

Көркем сөз:

Жаз қызығы.

Көбелектер би билеп,

Еңбекші ара бал жинап,

Балалар тоймай ойынға,

Өтеді жаздың әр күні.

Қимыл-қозғалыс ойыны: «Біз көңілді бүлдіршінбіз»

Жаз: Балалар сендермен биылғы жыл өте қызықты болды. Келесі жыл бұдан да қызықтырақ болады деп сөз беремін! Сау болыңдар!

Тәрбиеші: Балалар Жаз мезгіліне сау бол деп айтайық.

Қолдарын бұлғайды.

Тақырыбы: Күлкі күні. «Сабын судың көпіршіктері»

Мақсаты: Балаларға жайдарлы жаз мезгілінде күлкі күнің ұйымдастыру арқылы балаларға жақсы көңіл-күй сыйлау.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Сайқымазақ қонаққа келеді.

Тәрбиеші: Балалар сендер қазір қандай мезгіл екенін білесіңдер ме?

Балалар «Иа» деп жауап береді.

Сайқымазақ: Балалар, мен Сайқымазақпын. Балалар бүгін қандай күн екенін білесіңдер ме? Күлкі күні.

Тәрбиеші: Балалар, балалар Сайқымазақ қазір бізге күлкілі оқиғаларын айтып береді.

Балаларға әңгімелеп береді.

Сайқымазақ: Балалар сабын судың көпіршіктер шығарайық!

Көркем сөз:

Күлкі де ортақ ұққанға,

Күлкісіз бізге күн қайда.

Күлімдеп адам шыққанда

Жадырап жаның тұрмай ма.

Қимыл-қозғалыс ойыны: «Сәбіз жинайық»

Сайқымазақ: Балалар сендермен уақыт өткізген өте қызықты болды. Сендердің көңіл-күйлерін көтерілді деп сенемін. Сау болыңдар!

Тәрбиеші: Балалар Сайқымазаққа сау бол деп айтайық.

Қолдарын бұлғайды.

Тақырыбы: Құм күні. «Құмда сурет салу»

Мақсаты: Құмда сурет салу арқылы балалардың саусақ моторикасын дамыту.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге құм суретшісі қонаққа келеді.

Тәрбиеші: Балалар сендер қазір қандай мезгіл екенін білесіңдер ме?

Балалар «Иа» деп жауап береді.

Суретші: Балалар, мен суретшімін.Балалар бүгін мен сендерге құмда сурет салуды үйретемін.

Тәрбиеші: Балалар, құмда қандай сурет салғыларын келеді?

Балалар өз ойларын жауап береді.

Суретші: Балалар, құмда суретті саусағымыздың ұшымен саламыз!

Көркем сөз:

Күлкі керек,

Күлкі керек,

Күл, балам!

Күлкіменен көңілді ғой бұл ғалам.

Қимыл-қозғалыс ойыны: «Доптарды түстері бойынша жина»

Суретші: Балалар сендер нағыз суретші екенсіңдер!. Сау болыңдар!

Тәрбиеші: Балалар Суретшіге сау бол деп айтайық.

Қолдарын бұлғайды.

Тақырыбы: Әуе шарлар күні. «Әуе шармен серуенге шығайық»

Мақсаты: Әуе шарлармен серуенге шығу арқылы балаларды табиғатпен таныстыру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Қоян қонаққа келеді.

Тәрбиеші: Балалар сендер әуе шарларын үрлеу білесіңдер ме?

Балалар «Иа» деп жауап береді.

Қоян: Балалар, бүгін әуе шарлар күні екенін білесіңдер ме? Соған байланысты мен сендерге бүгін әуе шарларын әкелдім.

Тәрбиеші: Балалар, қанекей бәріміз бірге әуе шарларын үрлейік!

Қоян: Балалар, енді осы үрлеген әуе шарларымызбенбәріміз бірге серуенге шығайық!

Көркем сөз:

Бізде  қарап  қалмаймыз
               

Қозғаламыз  керемет

                Би билеуді  үйрендік

                Айналамыз  самғаймыз..

Қимыл-қозғалыс ойыны: «Шарды ұстап ал»

Қоян: Балалар маған сендермен ойын ойнап, серуенге шығып уақыт өткізген қатты ұнады!. Сау болыңдар!

Тәрбиеші: Балалар Қоянға сау бол деп айтайық.

Қолдарын бұлғайды.

Тақырыбы:«Әр суретте- күн бейнеленген.» Топпен сурет салу

Мақсаты: Күннің суретін салуды үйрете отыра күн жайлы балаларға түсіндіру.

Тәрбиеші: Сәлеметсіздер ме, балалар! Балалар, көңіл-күйлерін қалай?

Балалар бүгін бізге Күн қонаққа келіпті.

Тәрбиеші: Балалар сендер аспанға қарандаршы не көріп тұрсындар?

Балалар жауап береді.

Дұрыс айтасыңдар балалар, осы күн бізге бүгін қонаққа келді. Бәріміз бірге қарсы алайық.

Күн: Балалар, мен Күнмін. Мен сендерге жарық беремін, жылу беремін.

Тәрбиеші: Балалар, қанекей бәрімізкүнге қарап отырып, күнніңсуетін салайық!

Күн: Балалар, енді бәріміз бірге ән айтайық!

Көркем сөз:

Жазды ыстық сүйемін

Сайрандап жүремін

Суына шомылам

Күліне күйемін

Жаз келді жадырап,

Ойын сауық құрамын

Далаларға тауларға

Саяхатқа шығамын

Музыкалық демалыс: «Қош бол жазғы күн»

Күн: Балалар маған сендермен ойын ойнап, уақыт өткізген қатты ұнады!. Сау болыңдар!

Тәрбиеші: Балалар Күнге сау бол деп айтайық.

Қолдарын бұлғайды.