Сочинени «1а» конспект 4 кл

Нохчийн мотт

Сочинени: «1а»

1алашо: суьрта т1ехь гушдерг йозанца билгалдан 1амор; суьрта т1ехь гушдолчух лаьцна шена хетарг ала 1амор; суртдиллархочо дагалаьцначух кхета 1амор;суьртах лаьцна дийца 1амор.1аламе безам кхоллар

Урок д1аяхьар.

1. Маршалла хаттар.

2. 1алашо йовзийтар.

-Бераш вай тахана язйийр ю сочинении «1а»

3. Суьртах лаьцна къамел дар.

(Хьехархочо гойту сутр «1а»)

-Шеран муьлха зама ю суьрта т1ехь гойтуш ерг? (1а)

-Муха эр дара 1аьнах лаьцна? (Т1едеана шийла 1а)

-Муха ду денош, буьйсанаш? ( Денош дацъелла, буьйсанаш яхъелла)

-Муха ду арахь?( Арахь диллина л оду)

-Х1ун эга стигла охьа? (Стиглара охьаэга лайн чимаш)

-Стенгахь ду л о? Цо х1ун хьулйина? (Лайно хьулдина латта, тхевнаш , дитташ)

-Бераш кхоьруш дуй шелонах? (Амма бераш ца кхоьру шелонах)

- Х1ун до цара?(Арахь ловзу бераш).

-Ц1ераш тахка царна. Х1ун до Аминас? (Аминас Лайн-баба йо)

-Х1ун до Индарбис? (Индарбис конькеш хохку)

-Х1ун доМовлида? (Мовлида салаз хохку)

-Х1ун до Рукъета, хадижата, Линдас ? (Рукъет , хадижат, Линда лайн мижаргех ловзу)

-Муха хетта берашна 1ай? (Берашна 1ай ч1ог1а хазахета)

-Муха ду могашаллина берийн ловзарш? (Берийн ловзарш ч1ог1а пайде ду могашаллина)

-Х1унда? (Х1аваэхь левзича иммунитет ч1аг1ло, цамгарш ца лехьайо)

-Шуна муха хетта 1ай?

а)Сочиненин х1оттам таллар

План йовзийтар.

1. 1аьнан 1алам.

2. Берийн ловзарш.

3. Церан пайда

4. Суна хетарг

-Маса декъах хир ю сочинении? (Кхаа)

-Х1ун яздийр ду аша хьалхарчу декъе? (Т1екхечи шийла 1а. Стиглара охьаэга лайн чимаш. Лайнохьулдина дитташ, аренаш, тхевнаш)

-Муха ду денош, буьйсанаш?(Денош дацделла, буьйсанаш яхъелла)

-Берашна муха хетта 1ай? Х1ун яздийр ду аша шолг1ачу декъе? (Берашна хазахетта 1а деана. Уьш арахь ловзуш ду. 1умара салаз хохку. Мовлида конькеш хохку. Индарби, Хадижат , Рукъет лайн мижаргех ловзу)

-Муха ду и ловзарш могашаллина? (Ц1енчу х1аваэхь ловзар могашаллина пайдехь ду. Цара иммунитет ч1аг1йо, цамгарш ца лехьайо цара)

-Муха ерзор ю сочинении? (Суна хазахета 1ай)

-Маса декъах хир ю сочинении? Муха яздан деза х1ора дакъа?

4. Сада1аран миноташ.

5. Керла тема кхин д1а а хьехар.

(Бераша язйо сочинении)

6.Жам1 дар.

7. Ц1ахь бан болх балар

Бакъонаш карлаяха.