Технологическая карта урока

Ачасен умĕнчи тĕллевсем

1. Предложени членĕсене, пĕр йышши членсене тупма пултарасси - вĕсенчи чарăну паллисене тĕрĕс лартма пултарни; пĕр йышши членлǎ предложенири пĕтĕмлетÿ сăмахне тупасси - вĕсенчи чарăну паллисене тĕрĕс лартма пултарни.

2. Чǎваш халǎхне ытти халăхран мĕн уйăрса тăнине палăртма пултарни, чǎвашлǎх паллисене кăтартакан сăмахсемпе усă курса ăсра пĕр йышши членлǎ тата пĕтĕмлетÿ сăмахĕллĕ предложенисем йĕркелесси.

3. Хамăр халǎх культурипе мăнаçланма пултарни.

Вĕрентекен тĕллевĕсем

Пĕлÿ тĕллевĕ: пĕр йышши членлǎ предложенисем çинчен вĕреннине аса илсе пĕтĕмлетсе хǎварасси;

Аталантару: чǎваш халǎх культурин хǎш-пĕр пайрǎмĕсемпе паллаштарса ачасенче чǎвашлǎх туйǎмне аталантарасси, чăваш халăх культурине ытти халăх культурипе танлаштарса пăхасси;

Сапăрлăх тĕллевĕ: чǎваш тени чǎвашлǎхпа илемлĕ пулнине туйтарасси.

Урок тĕсĕ – пĕтĕмлетÿ урокĕ

Урок форми – вĕреннине аса илсе пĕтĕмлетни

Тайăнса вĕрентмелли ăнлавсемпе терминсем:

предложени членĕсем, пĕр йышши членсем, пĕтĕмлетÿ сăмахĕ, чарăну паллисем, чǎвашлǎх паллисем, символ, йăла-йĕрке, культура.

Çĕнĕ ăнлавсем: чǎвашсен шутлавĕ, чǎвашлǎх паллисене кăтартакан ĕçсем, йăла-йĕрке, символĕ, кашни халǎх хăйĕн паллисемпе уйрăлса тăни, «шăналăк» сăмах пĕлтерĕшĕ.

Тĕрĕслев формисем: доска умĕнче ĕçлесси, карточкăсем тăрăх ĕçлени, ыйту-хурав, предложенисем йĕркелени, хăлхапа итлесе пĕр йышши членсене тупма тата сăмахсен пĕлтерĕшĕсене ăнлантарма пултарни, чарăну паллисене мĕншĕн лартнисене ăнлантарни, пĕтĕмлетÿ тума пултарни.

Килти ĕç «Тǎван чĕлхене, чǎваш юррине, ташшине, тĕррине – пурне те чǎвашлǎх паллисен шутне кĕртетепĕр. Пуриншĕн те савǎнатǎп: Атǎл шывĕ пек вǎйлǎ чĕлхешĕн те, шǎнкǎр-шǎнкǎр юхакан чǎваш юрришĕн те, тǎпǎл-тǎпǎл тǎпǎлкка чǎваш ташшишĕн те, асамат кĕперĕ пек тĕрришĕн те» предложенисене вырăсла куçармалла.

Урок тапхă-

рĕсем

Вĕрентекен ĕçĕ

Вĕренекен ĕçĕ

Усă куракан

меслетсемпе мелсем, формăсем

Универсаллă

ĕç-хĕлсем

Пĕрлĕхлĕ ĕçĕн

результачĕсем

1. Класа

йĕркелесси

Урок тĕллевĕпе паллаштарни

Урока хатĕрленесси

Чăваш кĕвви янăрани.

Ěçе хатĕрленни

Ырă туйăм çĕкленÿлĕхĕ

II.Тема тăрăх

ĕçлесси

1. Доска умĕнче икĕ вăйлăрах ача ĕçленĕ вăхăтра ыттисене карточка валеçсе пани. Учителĕн илемлĕ вулавĕ.

2. Ачасене ыйтусем парса калаçтарни: чǎвашлǎх паллисем çинче чарăнса тăрасси, вĕсене ытти халăх культурипе танлаштарса пăхасси. Сăвва илемлĕ вуласси, ыйтусем парса ачасене калаçтарни. Куçару ĕçне сĕнни.

Предложенисене членсем тăрăх тишкересси, пĕр йышши членсене тупасси, ыйтусем çине хуравласси, ачасен шухăшлавĕ, танлаштарма пĕлни, шухăшĕсене йĕркелесе предложени тума, кирлĕ информаци илме, пĕтĕмлетÿ тума, пĕр чĕлхерен тепĕр чĕлхене куçарма пултарни.

Карточкăсем тăрăх ĕçлесси, ыйту-хурав, презентаципе усă курасси. Учитель сăмахĕ. Курав мелĕ: «Чăвашсен шутлавĕ» таблица тата чǎвашлǎх паллисене кăтартакан слайдсене пăхни, вĕсене ытти халăх культурипе танлаштарни, предложенисем йĕркелени. Куçару ĕçĕ. Илемлĕ вулав. Хăлхапа итлесе пĕр йышши членсене тупасси, словарь ĕçĕ. Теори материалне сăмахпа калаттарни.

Вĕреннине аса илсе çирĕплетсе хăварасси. Тĕрĕс хурав пани, ачасен çыхăнуллă калаçу пуплевне тата шухăшлавне аталантарни.

Предложени членĕсене тата пĕр йышши членсене тупма пултарни. Ачасем хăйсен шухăшĕсене, сăмахсен пĕлтерĕшĕсене палăртни. Предложенисенче кирлĕ чарăну палли лартма тата вĕсене куçарма пĕлни.

III. Çирĕплетÿ

Предложенисене тишкерттерни.

Панă предложенисене тишкерни, мĕншĕн чарăну паллисене лартнине ăнлантарни, пĕтĕмлетÿ сăмахĕсене тупасси, пĕтĕмлетÿ сăмахĕллĕ предложенисем йĕркелесси.

Тишкерÿ, ыйту-хурав, çыхăнуллă

пуплев.

Теори материалне пĕлнине çирĕплетни.

Теори материалне пĕлсе предложенисене тишкерме тата вĕсенчи чарăну паллисене тĕрĕс лартма пултарни. Предложенисенчи шухăша ăша хывса пĕтĕмлетÿ тума тата предложенисем йĕркелеме пултарни.

IV. Пĕтĕмлетÿ

Ачасене пĕтĕмлетÿ тутарттарни, калаçăва вĕçлени.

Пĕтĕмлетÿ туни.

Ыйту-хурав, презентаципе усă курни, пĕтĕмлетÿ, килти ĕç пани, хаклав.

Шухăша пĕтĕмлетсе теори материалне тата

кашни халǎх хăйĕн паллисемпе уйрăлса тăнине çирĕплетсе хăварни.

Пĕр йышши членсем çинчен пĕтĕмлетни, хамăр культурăна аталантарма кирлине палăртни.