5 класс информатика марш лист жана жана жана жана документ документ

Математика пәні бойынша 5сынып оқушыларына тірек конспектісі

4тоқсан

Сабақ нөмірі: №162

Сабақтың тақырыбы: Бұрыш. Бұрыштың градустық өлшемі.

Көпбұрыштар тақырыбына қайталау.

Сабақтың мақсаты: Бұрыш және оның градустық өлшем ұғымдары; Бұрыштың түрлерін ажырату (сүйір, тік, доғал, жазыңқы, толық). Көпбұрыштың анықтамасымен элементтерімен,көршілес төбелер,көршілес қабырғалар және диагоналін анықтай алады.

Конспект: Бір нүктеден шыққан екі сәуледен құралған фигура бұрыш деп аталады. Бұрышты құрайтын сәулелерді осы бұрыштың қабырғалары, ал сәулелер басталатын нүктені бұрыштың төбесі деп атайды. Бұрыш ∠ таңбасымен және қабырғалары мен төбесіне жазылған әріптермен белгіленеді.

Мысалы, берілген бұрышты ∠A немесе ∠BAC, ∠CAB белгілеуге болады.

Бұрышты бір немесе үш әріппен белгілейді.

1) Егер бұрыш бір әріппен белгіленсе, онда сол әріп бұрыштың төбесі деп аталады.

2) Егер бұрыш үш әріппен белгіленсе, онда ортаңғы әріп бұрыштың төбесі, ал шеткі әріптер қабырғаларындағы нүктелер болады. Мысалы, егер бұрыш ∠AOB деп белгіленсе, онда A және B нүктелері бұрыштың қабырғаларында, ал O нүктесі – бұрыштың төбесі болады.

Бұрыш градуспен өлшенеді. Егер қабырғалары бір түзудің бойында жатқан бұрышты өзара тең 180 бөлікке бөлсек, онда осы әр бұрыштың өлшемін градус деп аламыз (° деп белгіленеді).

Көпбұрыштар қабырғаларының санына байланысты бөлінеді. Көпбұрыштың қабырғаларының саны оның төбелері мен бұрыштарының санына тең.

Тапсырмалар:

№1. Санжар мен Жанат көпбұрыш түрінде қоршау жасаулары керек. Санжар 1,2 м болатын 6 тақтай алды, ал Жанат екеуі 1 м, қалғандары 1,1 м, м, 0,9 м, 1,2 м болатын тақтайлар алды. Кімнің қоршауы ұзын болады?

№2. ∠AOR бұрышы тікбұрыш, ал ∠COP бұрышы одан екі есе үлкен болса, үлкен бұрыштың мәні мен түрін анықта.

№3. ∠AOD, ∠BOD, ∠AOB бұрыштарын салыстыр.

№4. Қабырғалары мен диагональдарының саны бірдей көпбұрышты тап.

А) алтыбұрыш

Б) үшбұрыш

С) төртбұрыш

Д) бесбұрыш

Әзірлеушілер:Регинбаева Н.А., С.А.Ходжиков атындағы №39 мамандандырылған лицейдің математика пәні мұғалімі.

Әшірова А.А., С.А.Ходжиков ат ындағы №39 мамандандырылған лицейдің математика пәні мұғалімі.

Алматы қаласы Білім басқармасының Қалалық білім берудегі жаңа технологиялардың ғылыми-әдістемелік орталығының қолдауымен ұсынылып отыр.