Кыргыз адабияты

   Көркөм адабият - адамга аябагандай зор таасир эте турган искусствонун күчтүү түрү. Ал адамдын ой сезимин тарбиялоодо, адамдын мүнөзүн калыптандырууда эбегейсиз чоң роль ойнойт. Адабияттын эң башкы предмети адам болуп эсептелет. Адабияттын адам таануудагы чексиз мүмкүнчүлүгү бар экенин айтканда эң биринчи кезекте көркөм чагылдыруунун универсалдуу каражаты болгон көркөм сөз эске түшөт. Көркөм сөз аркылуу көркөм образдарды түзүү, турмуш-тиричиликтин жандуу кыймылын көз алдыга көркөм элестете алуу касиеттери адабиятты искусствонун башка түрлөрүнөн айырмалап турат. Мына ошол касиеттүү сөздү каалаган адам жаратууга жөндөмдүү эмес. Ар бир элдин касиеттүү сөздү багып, сөз кадырлаган инсандары болуп келген. 

    Демек, ар бир элдин өзүнө таандык адабияты болуп, ал улам жаңы муунга өткөрүлүп, кийинки муунду тарбиялоого, өткөндөн сабак алууга, адам баласы кетирүүсү мүмкүн болгон каталарды кайталабоого үндөп келет.