Новый год /работы учащихся

Чураковскȍй школаын Виль во.

Чулалісő каникуллэз, а ныкőт и вильгодся праздниккез.Челядь бőра мунőны школаő, но вежалуннэз дыр эшȍ оласȍ юрын. Декабрь куимдасőт лунő миян школаын чулалiс Вильгодся представленнё. Сiйő видзőтны локтiсő не только челядь, но и ыджыттэз. Челядь пасьтасьȍмась праздник вылő басőк костюммезȍ őнняся тема вылő.Учȍт йȍз вőлiсő радőсь эта праздниклő, бергалісȍ кȍзок гȍгȍр, йȍктісȍ. Велőтчиссез готовитiсő театрализованнőй постановка, кытőн геройезőн вőлiсő Дед Мороз, Снегурочка, Баба-Яга, Кикимора и, конечно, годлőн символ - Пон. Дед Мороз козьналіс челядьлȍ неыджыт козиноккез, рисуйтȍм газетаэз понда сеталіс ручкаэз, блокноттэз, фломастеррез. Сценка бőрсянь челядь юисő чай торттэзőн. Кыдз мыччалiсȍ юасьȍммез, медőддьőн видзőтiссезлő гленитчис Баба-Яга, сы бȍрын Дед Морозлȍн да Снегурочкалȍн орсőмыс. Виль год чулőтiсő миян школаын гажőн.

Ась быдсőн годыс чулалас тiян сiдз жő гажȍн, кыдз миян школаын чулőтiсő этő вежалунсő! Виль гoдőн тiянőс! (Саша Вавилин, 9 класс)

Виль во миян семьяын.

Быд морт видзчисьö сэтшöм необычнöй вежалун Виль во. Миян ыджыт семья: кыкьямыс морт. Менам кык вон - Виталик и Ромка, кык сой - Сонька и Настя. Мамöс шуȍны Катя, папöс - Сергей, эшȍ эм деда Толя. Мийö оламö дружнöя и быд вежалунсȍ ёна видзчисям. Медȍддьȍн радуйтчам Виль волö. И этȍ виль 2018 восö мийö тоже справитiмö öтлаын, ыджыт семьяын. Быдлöн вöлi аслас заданнё. Ме вайи вöрись кöзок, басöкö да пушистöйö. Рома да папö сiйö сразу же вочöтiсö, пока узисȍ учȍт пиэз. Сэсся Настя да Рома басöксьöтiсö миянлiсь гортпытшксö. Мамȍ стряпайтіс быдкодь сёяннэз, отсасисȍ сылȍ Соня да Настя. Сёяныс вȍлі уна: салаттэз, фрукттэз, кык торт, конфеттэз и мöдiк сёяннэз. Пызан сайын пукалім гажȍн, кывзім президентлнымісь обращеннё. Быдöнныс вöлiсö радöсь, жаль учȍтжык соёкȍ да вонокȍ онмȍссисȍ. Мийö кöсйимö öтамöднымлö здоровье, счастье, кывзыны аймамȍс и дыржык овны деднымлȍ. Керимö öтамöднымлö неыджыт козиннэз. Меным козьналiсö телефон. (Никита Чугайнов, 9 класс)