Мамандығым мақтанышым

Ақтөбе облысы

Байғанин ауданы

Жарқамыс орта мектебі

«Мамандығым-мақтанышым» тәрбие шарасы

Ұйымдастырушы : Таскинбаева Тәттігүл Хамитқызы

1. жүргізуші: 
   Жастықта әр тараптың басын шалсаң,
   Қармақты тәуекел деп суға салсаң.
   Еңбегің еңбектенген кетпес зая,
   Міндетке бір жетерсің ойыңа алсаң.
   2 – жүргізуші: 
   Түбінде баянды еңбек егін салған,
   Жасынан оқу оқып, білім алған.
   Би болған, болыс болған өнер емес,
   Еңбектің бұдан өзге бәрі жалған. 
   -Қайырлы күн , құрметті ұстаздар, арманы асқақ оқушылар мен қадірлі кеш қонақтары!
   1- жүргізуші: Бүгінгі мерекемізге қош келдіңіздер!

2. Сіздердің назарларыңызға «Мамандығым-мақтанышым» атты сыныптан тыс ақпаратты-сазды бағдарламамызды ұсынамыз. Мақсатымыз: осы бағдарламамызды ұсыну арқылы жаңа өмір бастағалы отырған жастарымызға жол көрсетіп, мамандықтар туралы мағлұмат беру

Ән-шашу .Қалел Ерік

2. Қонақтар өздерін таныстырады

Қазақ биі. Қыз балалар тобы

1.Атақты ғұлама Әл – Фараби: 
Ісім оңсын десеңіз,
Сол істің маманы болыңыз.
Даңқым шықсын десеңіз,
Көпшіліктің адамы болыңыз – дегендей бүгінгі шарамызға көп болып көсіліп, бір болып жұмылып атсалысайық демекшімін

Көркемсөз

2-жүргізуші: 
Мамандық дегеніміз не?
Кәсіп, Сүйікті іс, Шығармашылық, Қызығушылық, Еңбек көзі.
«Мамандық» - Профессия - латын сөзінен шыққан, “professio”- анықталған іс, мамандық дегенді білдіреді.
Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.
Мамандық таңдау - тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау.. Бұл өте жауапкершілікті және маңызды іс..
1-жүргізуші: 
Ал сол мамандықты біздің оқушыларымыз қалай түсінеді, қалай қолданады – ойларын ортаға салсын. 
Сұрақ бізден, жауап сізден. (келген қонақтарға оқушылар сұрақ қояды)

“Ең жақсы” Сергіту сәті ,ойын

1-жүргізуші:
Жүсіпбек Аймауытов: «Мамандықтың жаманы жоқ, бірақ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе» дейді. 
2-жүргізуші: Ал Абай атамыздың сөзімен айтар болсам: «Неге арналсаң, соны істе» деп, қашанда адам өмірден орнын өз таңдауымен тапқан жөн. Ойымды өзінің маржандай сөздерімен Айымгүл жалғастырсын. Ақынға қара сөзден өлең оңай. «Мақтанышым-мамандығым» жыр шумақтары Нұрай

Практикалық кезең

Шаштараз, электрик, мұғалім, дәрігер, кондитер, спортшы, полиция

Өз мамандықтарының қыр-сырымен таныстырады.Шебер – класс

Өмірде сұранысқа ие мамандықтар туралы мәлімет беру

Айгерім «Адамдық борыш» өлең оқиды

Қорытынды: Бүгінгі кешімізді мына өлең жолдарымен аяқтауға рұқсат етіңіздер:
Еңбек етсем, ертеңгі - бақытыма сенемін.
Мақсатыма жеткізер - уақытыма сенемін.
Достық іспен қасты да - жеңеріме сенемін,
Ақыл, сана білім мен - өнеріме сенемін.
Арым - таза, ақ көңіл - адалдыққа сенемін,
Абыройлы, ақ ниет - адамдыққа сенемін!- дегендей ел сеніміне кіретін құрметті мамандық иесі боламын десеңіздер бүгінгі кездесуде апайларымыз бен ағаларымыз айтқан ақыл кеңестерді жадыңызда ұстап ілім - білім алуға барлық күш жігерлеріңді жұмсап, егеменді еліміздің ертеңі - болашақ маман иелері болуларыңызға тілектестігімді білдіремін

Кері байланыс : кеш қонақтарының пікірі